Read luganda 2 Mose 21 Bible Online

2 Mose 21 - luganda bible

2 Mose 21

¹Agbe̱ne̱ kodsomo̱i ní oṅõ-ṅmẽ ame̱hĩe ne̱:

²Ke̱dši ohe tšũlo̱ ní dši Hebrinyo le̱, afii ekpa esúmo̱; ni afi noni dši kpawo le̱ no̱ le̱ eyaye ehe yaka. [205]

³Ké̱ le̱ ekometō eba le̱, ekome noṅṅ eya; ke̱dši eye̱ ṅã le̱, no le̱ eṅã le̱ ke̱le̱ aya.

⁴Ke̱dši enuntšo̱ ehãle̱ ṅã, ni eke̱le̱ efo̱ bihĩĩ lo biyei le̱, yō le̱ ke̱ ebii le atšṍ enuntšo̱ le̱ nõ, ni ekometō eya.

⁵Ši ke̱dši tšũlo̱ le̱ gba mli kē̱ ake̱: Mīsumo̱ minuntšo̱ le̱ ke̱ miṅã ke̱ mibii le̱, misumo̱o̱ ake̱ miyayeo̱ mihe le̱,

⁶no le̱ enuntšo̱ le̱ ke̱le̱ aba *Nyoṅmo̱ hĩe, ni asaṅ eke̱le̱ aba šĩnā lo šãnātšo he, ni enuntšo̱ le̱ ke̱ fitī agbu etoi; ni esúmo̱le̱ ke̱-ya nāno̱. [206]

⁷Ni ke̱dši nū ko hõ ebiyō ni etšṍ abawa le̱, no le̱ ekayaye ehe tamo̱ *tšũ-dšihĩĩ le̱. [207]

⁸Ke̱dši esaa enuntšo̱ le̱ hĩe ake̱ eekpele̱ le̱, no le̱ ehã abakpõle̱; ké̱ ka le̱ hõmo̱ ke̱ maṅse̱bii ahãmo̱ le̱, ebo̱ no hegbe̱, edšake̱ eye ehe fe̱o.

⁹Ni ke̱dši ekpele̱ ehã ebi le̱, eyele̱ biyei asane.

¹⁰Ke̱dši eṅõ yō kroko ehãle̱ le̱, edãṅ-ṅmā̃ ke̱ ehehãnii ke̱ ewyē̱nii le̱, ekatše no̱.

¹¹Ni ke̱dši efee nii etẽ ne̱ ehããle̱ le̱, no le̱ eyaye ehe yaka, ni akahe šika ko.

¹²Moni aatſa gbomo ko nõ ní eegbo le̱, gbe aagbele̱. [208]

¹³Ni ke̱-dšee ká eyawole̱, ši Nyoṅmo̱ ni hã enine yakpa le̱, no le̱ mato heko mahão, ni edšo foi ke̱-ya dše̱i. [209]

¹⁴Ši ke̱dši moko dše gbe̱ batua enanyo, ni egbele̱ ye̱ ṅā mli le̱, mifolešãlate̱ le̱ he po odšiele̱ ye̱, ní ayagbele̱. [210]

¹⁵Ni moni aayi etše̱ lo enye le̱, gbe aagbele̱.

¹⁶Ni moni aadšu gbomo ayahõ le̱, ke̱dši anale̱ ye̱ edẽ le̱, gbe aagbele̱. [211]

¹⁷Ni moni aalomo̱ etše̱ lo enye le̱, gbe aagbele̱. [212]

¹⁸Ni ke̱dši hĩĩ mīnõ, ni moko tſa enanyo te̱, lo emãle̱ atſe̱le̱, ni egboo, ši efele̱ šikãmo̱ le̱:

¹⁹ke̱dši ete ši ekoṅ, ni emõ etšo mli enyie ke̱-dše kpo le̱, bĕle̱ moni tſale̱ nõ le̱ eye ehe, ši ebe boni elādšele̱ le̱ ke̱ke̱ nyõmo̱ ewo, ni ehã atšale̱ kwrakwra.

²⁰Ni ke̱dši moko tſa ewenū lo eweyō tšo, ni enyõ ye̱ enine nā le̱, dša ato owele.

²¹Ši ke̱dši dše tše̱re eno̱ gbĩ kome lo gbĩĩ enyo̱ le̱, akato̱le̱ owele; ši ešika dšile̱.

²²Ke̱dši hĩĩ mīnõ, ni ame̱yatši yōho̱lo̱, ni eho̱ le̱ dše, ni efõṅ ko baa ye̱ se̱ le̱, dša ahele̱ nii bo̱ni yō le̱ wù le̱ aaṅõ-fõ eno̱; ni ehã boni saneyelo̱i le̱ aatšo.

²³Ši ke̱dši sane fõṅ ko ba ye̱ se̱ le̱, no le̱ oṅõ susuma oto susuma nãdšiaṅ, [213]

²⁴hĩṅme̱i ye̱ hĩṅme̱i nãdšiaṅ, nyãnyõṅ ye̱ nyãnyõṅ nãdšiaṅ, nine ye̱ nine nãdšiaṅ, nane ye̱ nane nãdšiaṅ,

²⁵šã ye̱ šã nãdšiaṅ, pilamo̱ ye̱ pilamo̱ nãdšiaṅ, fla ye̱ fla nãdšiaṅ.

²⁶Ni ke̱dši moko tſa ewenū lo eweyō hĩṅme̱i nõ, ni efite le̱, ehã eyaye ehe ye̱ ehĩṅme̱i le̱ hewo̱.

²⁷Ni ke̱dši efa ewenū lo eweyō nyãnyõṅ le̱, eha eyaye ehe ye enyãnyoṅ le̱ hewo̱.

²⁸Ni ke̱dši tšina ši nū lo yō, ni egbo le̱, no le̱ atſia tšina le̱ tei, ni akaye elō le̱; ši tšina le̱ nuntšo̱ le̱ aye ehe.

²⁹Ši ke̱dši tšina le̱ fo̱ö̱ šimo̱ ke̱-dše̱ sasāsa, ni ahã enuntšo̱ le̱ ná le ni esraale̱, ni eyagbe nū lo yō le̱, atſia tšina le̱ tei, ni enuntšo̱ le̱ hũ agbele̱. [214]

³⁰Ke̱dši āhele̱ kpãtãmo̱nii le̱, no le̱ ehã bo̱fẽbo̱ ní aheo̱le̱ le̱, ní eke̱-kpõ esusuma.

³¹Binū eši dšio, biyō eši dsio, ne̱ke̱ kodšomo̱ ne̱ aṅõ-kodšole̱.

³²Ke̱dši tšina le̱ ši tšũlo̱nū lo tšũlo̱yō le̱, ehã enuntšo̱ le̱ dſie̱te̱i šekeli nyoṅmai-etẽ, ni atſia tšina le̱ te̱i.

³³Ni ke̱dši moko yagble bu nā, lo moko yadše bu, ni etšĩĩ no̱, ni tšina lo tedši yagbe mli le̱,

³⁴bu le̱ tše̱ le̱ ato nãdšiaṅ, ni ehã enuntšo̱ le̱ šika, ni kolo gbonyo le̱ atšṍ enõ.

³⁵Ni ke̱dši moko tšina pila enanyo nõ ni egbo le̱, no le̱ ame̱hõ tšina hĩekãlo̱ le̱, ni ame̱dša eyinii le̱ mli, ni gbonyo le̱ hũ ame̱dša.

³⁶Alo ke̱dši ale ake̱ tšina le̱ fo̱ö̱ šimo̱ ke̱-dše̱ sasāsa, ni enuntšo̱ le̱ esraale̱ le̱, no le̱ eṅõ tšina eto tšina le̱ nãdšiaṅ, ni gbonyo le̱ atšṍ enõ.