Read luganda 2 Mose 28 Bible Online

2 Mose 28 - luganda bible

2 Mose 28

¹Ni oṅõ onyemi Aaron ke̱ ebihĩĩ le̱ ke̱-dše̱ Israelbii le̱ ateṅ oši ono̱, koni eye *oso̱fo ehãmi: Aaron †ke̱ Nadab ke̱ Abihu ke̱ Eleazar ke̱ Itamar, Aaron bii le̱. [277]

²Ni okpe̱ atadei kroṅkroṅi ní yo̱ nyam ke̱ fe̱o ohã onyemi Aaron.

³Ni oke̱ mei fẽ ni yo̱ *ṅã-tšui, ní mike̱ ṅā-mumo̱ ewo ame̱mli obõ le̱ awie, ní ame̱kpe̱ Aaron atadei le̱, ní ake̱-fele̱ kroṅkroṅ, koni eye oso̱fo ehãmi. [278]

⁴Ni atadei ní ame̱kpe̱ ne̱: tšitšino̱nii, ke̱ efod, ke̱ atade yū, ke̱ flaka ní alò mli, ke̱ fai, ke̱ mliteṅfĩnõ. Ni ame̱kpe̱ atadei kroṅkroṅi ame̱hã onyemi Aaron ke̱ ebihĩĩ le̱, koni eye oso̱fo ehãmi.

⁵Ni ame̱ke̱ šika ke̱ mama blū ke̱ afaseo ke̱ etšuru ke̱ klala afe.

⁶Ni ame̱ke̱ šika ke̱ mama blū ke̱ afaseo ke̱ etšuru ke̱ klala kpakpa ní dši ṅālo̱ nitšumo̱ afe efod le̱.

⁷Aṅõ ekõdši enyo̱ le̱ nābui enyo̱ le̱ aši hĩe, ni aṅõ-tša.

⁸Ni efod le̱ mlifĩnō ní alò mli, ni aṅõ-fĩo̱ no̱ le̱, ake̱ nakai ṅā-nitšumo̱ le̱ noṅṅ afe; šika ke̱ mama blū ke̱ afaseo ke̱ etšuru ke̱ klala kpakpa.

⁹Ni oṅõ šohamte̱i enyo̱, ni oṅmã Israelbii le̱ agbe̱ii ye̱ no̱:

¹⁰ame̱gbe̱ii le̱ ekpa ahĩ te̱ kome no̱, ni ekpa ní eſe̱ le̱ hũ ahĩ te̱ kome hũ no̱, ye̱ ame̱fo̱mo̱ nā.

¹¹Te̱ṅālo̱ nitšumo̱, ní tamo̱ wolonā-so̱omo̱nõ no̱ niṅmã, oṅõ-ṅmã Israelbii le̱ agbe̱ii le̱ ye̱ te̱i enyo̱ le̱ ne̱; ni oke̱ šika abo̱le he ní ame̱mãmo̱ mli.

¹²Ni oṅõ te̱i enyo̱ le̱ omãmo̱ efod le̱ kõdši ano̱, ni atšṍmo̱ kaimo̱ te̱i ahã Israelbii le̱; ni ame̱gbe̱ii le̱ akãmo̱ Aaron kõdši enyo̱ le̱ no̱ ye̱ Iehowa hĩe, ní aṅõ-kaiame̱.

¹³Ni ofe šika hebo̱lemo̱nii,

¹⁴ke̱ šika ṅmīṅmi kõsõṅkõsõi enyo̱ ní aṅõ-tša ní agbo̱le̱ tamo̱ kpã, ni oṅõ kõsõṅkõsõi ní agbo̱ le̱ olala hebo̱lemo̱nii le̱ amli.

¹⁵Ni oke̱ ṅā afe kodšomo̱ tšitšino̱nii le̱; bo̱ni afe efod le̱, nakai ofele̱: šika ke̱ mama blū ke̱ afaseo ke̱ etšuru ke̱ klala kpakpa oṅõ-fe.

¹⁶Afele̱ kodši edſe̱, ni ado̱ afõ no̱; eke̱le̱ ahĩe klakate kome, ke̱ elē̱mo̱ hũ klakate kome.

¹⁷Ni oṅõ te̱i omãmo̱ mli, te̱i klempẽi edſe̱; klempẽ kome le̱ sardio, ke̱ topasion, ke̱ smaragdo; ene̱ dši kleṅkleṅ klempẽ le̱.

¹⁸Ni klempẽ ní dši enyo̱ le̱ karfuṅkle, ke̱ safiro, ke̱ sardoniki.

¹⁹Ni klempẽ ní dši etẽ le̱ hiakinto, ke̱ agate, ke̱ ametisto.

²⁰Ni klempẽ ní dši edſe̱ le̱ krisolito, ke̱ šoham, ke̱ yaspi; aṅõ-ho̱lo̱ šika mli ye̱ ame̱fo̱dší le̱ amli.

²¹Ni te̱i le̱ ke̱ Israelbii le̱ agbe̱ii le̱ anyie, nyoṅma ke̱ enyo, ye̱ ame̱fo̱mo̱ nā; tamo̱ wolonāso̱omo̱nii ano̱ niṅmã, mofẽmo ke̱ egbe̱i ye̱ akutšei nyoṅma ke̱ enyo̱ le̱ nā.

²²Ni oṅo šika ṅmīṅmi ofe kõsõṅkõsõi ní agbo̱ tamo̱ kpã ye̱ tšitšino̱nii le̱ nābui le̱.

²³Ni ofe šika gai enyo̱ owo tšitši-no̱nii le̱ he ye̱ yiteṅgbe̱, ni oke̱ gai enyo̱ le̱ awo tšitšino̱nii le̱ nābui enyo̱ le̱.

²⁴Ni oṅõ šika kõsõṅkõsõi enyo̱ le̱ ní agbo̱ tamo̱ kpã le̱ olala tšitšino̱nii le̱ nā gai enyo̱ le̱ mli.

²⁵Ni kõsõṅkõsõi enyo̱ ní agbo̱ tamo̱ kpã le̱ anãbui enyo̱ le̱ ní eſe̱ le̱ hũ oṅõ-lala hebo̱lemo̱nii enyo̱ le̱ mli, ni oṅõ-ſie efod le̱ kõdši le̱ ano̱ ye̱ hĩegbe̱.

²⁶Ni ofe šika gai enyo̱, ni oṅõ-wo tšitšino̱nii le̱ nāgbēhei enyo̱ le̱ ye̱ enabu le̱ ni yo̱ efod le̱ mligbe̱ le̱.

²⁷Ni osa ofe šika gai enyo̱ hū, ni oṅõ-wo efod le̱ kõdši enyo le̱ anā ye̱ šišigbe̱, ke̱-yaä ehĩegbe̱ le̱, ye̱ tšamo̱he kome le̱ ṅe̱le̱no̱, ye̱ efod le̱ mlifĩnõ le̱ yiteṅ.

²⁸Ni oṅo boṅ blū ofĩmo̱ tšitšino̱nii le̱ he gai le̱ okpe̱te̱ efod le̱ he gai le̱, koni ekã efod le̱ mlifĩnõ le̱ no̱, ní tšitšino̱nii le̱ akadše efod le̱ he.

²⁹Ni Aaron ahĩe Israelbii le̱ agbe̱ii le̱ ye̱ kodšomo̱ tšitšino̱nii le̱ mli ye̱ etšui no̱, ke̱ ẽya hekroṅkroṅ le̱, koni atšṍ kaimo̱nii ye̱ Iehowa hĩe dā.

³⁰Ni oke̱ urim ke̱ tumim le̱ awo kodšomo̱ tšitšino̱nii le̱ mli, ni ame̱hi Aaron tšui no̱, ke̱ ēya Iehowa hĩe le̱, ni Aaron ahĩe Israelbii le̱ akodšomo̱ ye̱ etšui no̱ ye̱ Iehowa hĩe dā. [279]

³¹Ni oṅõ blū nii so̱ṅṅ ofe efod le̱ šiši atade yū le̱.

³²Ni flo̱ akã yiteṅ; ake̱ bõṅ ní alò abãṅ flo̱ le̱ nā ke̱-kpe, tamo dama nã flo̱, koni ekagba.

³³Ni enāmū le̱ oke̱ mama blū ke̱ afase̱o ke̱ etšuru afe kpo̱bii kokrobii ke̱-bo̱le enāmū le̱ ke̱-kpe, ni šika ṅme̱dši atšotšŏro teaṅ ke̱-kpe;

³⁴šika ṅmle̱ kome ke̱ kpo̱ kokrō kome, šika ṅmle̱ kome ke̱ kpo̱ kokrō kome ke̱-bo̱le atade yū le̱ nāmū le̱ ke̱-kpe.

³⁵Ni Aaron awo ní eke̱-súmo̱, ni ke̱ ēbote hekroṅkroṅ le̱ ye̱ Iehowa hĩe, ni asaṅ ke̱ ẽdše kpo le̱, ní anu ame̱gbē̱mo̱, *koni ebagbo. [280]

³⁶Ni otſia šika ṅmīṅmi fe̱te̱fe̱te̱, ni oṅmã ye̱ no̱ tamo̱ welonāso̱omo̱nõ no̱ niṅmã ake: Kroṅkroṅ hã Iehowa.

³⁷Ni oṅo-kpe̱te̱ boṅ blū no̱, koni ahĩ fai le̱ he; eta fai le̱ hĩenā.

³⁸Ni ahĩ Aaron hĩenā, ni Aaron atĕre Israelbii ano̱tõmo̱i ní yo̱ ame̱nikēnii fẽ ni ame̱ke̱-baä le̱ he le̱; ni ahĩ ehĩenā dāne̱, koni ame̱sa Iehowa hĩe.

³⁹Ni oke̱ kpã ye̱ṅ futafuta alò flaka le̱, ni oke̱ klala fe̱fe̱o afe fai le̱, ni oke̱ abuinānitšumo̱ afe mliteṅfĩnii le̱.

⁴⁰Ni Aaron bihĩĩ le̱ okpe̱ flakai ohãame̱ hũ, ni ofe mliteṅfĩnii oto he, ni ofe fai ní yo̱ nyam ke̱ fe̱o ohãame̱.

⁴¹Ni oṅõ-wo onyemi Aaron ke̱ ebihìĩ le̱ hũ ofata ehe; ni *ofe̱ame̱ mũ, ni oke̱ oso̱foyeli †awo ame̱deṅ, ni ofeame̱ kroṅkroṅ, koni ame̱ye oso̱foi ame̱hãmi. [281]

⁴²Ni ofe klala tſakoto ohãame̱ ni ame̱ke̱-ke ame̱yayaiaṅ, ke̱-dše̱ he̱ ke̱-yaši ſuo̱.

⁴³Ni Aaron ke̱ ebihĩĩ le̱ awo, ke̱ ame̱ miba kpē-bū le̱ mli le̱, lo ke̱ ame̱ba-be̱ṅke̱ afo̱lešãlate̱ le̱, ní ame̱basúmo̱ ye̱ hekroṅkroṅ le̱, koni ame̱kalō musu, ni ame̱gboi. Ene̱ atšṍ akpo̱ ní kã ši ke̱-yaä nāno̱ ahãle̱ ke̱ esešibii ní baba ye̱ ese̱ le̱.