Read luganda 2 Mose 32 Bible Online

2 Mose 32 - luganda bible

2 Mose 32

¹Ši beni maṅ le̱ na ake̱ Mose eyatše̱ ye̱ goṅ le̱ no̱ ní ekplekee ši le̱, maṅ le̱ bua amehe nā ke̱-ba Aaron ṅõ, ni ame̱bakē̱le̱ ake̱: Te ši, ní ofe nyoṅmo̱i ohãwo̱, ní amenyie we̱hĩe; ši ne̱ke̱ Mose ne̱, ní dši nū le̱ ní yadšiewe̱ ke̱-dše̱ Mizraim šikpoṅ le̱ no̱ ke̱-ba ne̱, wo̱lee nõ kome ní efele̱.

²Ni Aaron kē̱ame̱ ake̱: Nyekplo̱a šika toiiaṅnii le̱ ní yo̱ nyeṅãmei ke̱ nyebihĩĩ ke̱ nyebiyei le̱ atoiiaṅ le̱, ní nyeke̱bahãami.

³Ni maṅ le̱ fẽ kplo šika toiiaṅnii ní yo̱ ame̱toiiaṅ le̱, ni ame̱ke̱-bahã Aaron.

⁴Ni ehe ye̱ ame̱dẽ, ni eke̱ nikpe̱mo̱ dade kpe̱ ni eſiele̱ tšinabi; ni ame̱kē̱: Israel, ene̱mei dši onyoṅmo̱i ní dšieo ke̱-dše̱ Mizraim šikpoṅ le̱ no̱ le̱! [307]

⁵Ni beni Aaron na le̱, emã afo̱lešãlate̱ ye̱ ehĩe; ni Aaron šie̱ ni ekē̱: Wó̱ le̱ aye gbïdšŭro ahã Iehowa.

⁶Ni dšetše̱reno̱ mā̃ṅkẽ mrã le̱ ame̱te ši, ni ame̱šãšã šā̃-afo̱lei, ni ame̱ke̱ šidā-afo̱lei hũ ba; ni maṅ le̱ ho *trá ši ni ame̱ye nii ni amenu nii, ni ame̱te ši ame̱ſe̱. [308]

⁷Ni Iehowa kē̱ Mose ake̱: Ya, kplekemo̱ ši ní oya, ši omaṅ le̱ ní oke̱-dše̱ Mizraim šikpoṅ le̱ no̱ ke̱-ba le̱ efite ame̱he;

⁸ame̱dše gbe̱ ní *mitšõame̱ le̱ no̱ ame̱tšṍ afã oyá ne̱; ame̱fe tšinabi ní aſie, ni ame̱dšále̱, ni amešã afo̱le amehãle̱, ni †ame̱kē̱: Israel, ene̱mei dši onyoṅmo̱i le̱ ni yadšieo ke̱-dše̱ Mizraim šikpoṅ le̱ no̱ ke̱-ba le̱! [309]

⁹Ni Iehowa kē̱ Mose ake̱: Mina ne̱ke̱ maṅ ne̱, ni na, maṅ ní kue̱ṅ ti dšiame̱;

¹⁰nohewo le̱ agbe̱ne̱ hãmi gbe̱, ni mimli awo la awoame̱, ní maplenēame̱; ni mahã otšṍ maṅ kpeteṅkple. [310]

¹¹Ni Mose kpa Iehowa, e-Nyoṅmo̱ le̱, fai ni ekē̱: Iehowa, mẽba ni omli woo̱ la woo̱ omaṅ ní oke̱ hewale̱ kple ke̱ ninešiwale̱ eyaṅõame̱ ye̱ Mizraim šikpoṅ le̱ ne̱ ke̱-ba le̱?

¹²Mẽhewo̱ hũ ni Mizraimbii le̱ aawie ake̱: Efõṅ hewo̱ eyadšieame̱, ni eyagbeame̱ ye̱ gõdši le̱ ano̱, ni eplenēame̱ ke̱-dše̱ šikpoṅ le̱ hĩe muaṅ? Dšiemo̱ omlila le̱ ye̱ omli, ni ohã efõṅ ní kũle̱ obafe omaṅ ne̱ ado̱o.

¹³Kaimo̱ Abraham ke̱ Isak ke̱ Israel, otšũdši le̱, *ní oṅõ bodientše̱ okitã okã-ame̱, ni okē̱ame̱ ake̱: Mahã nyesešibii afá tamo̱ ṅwei ṅulamii, ni šikpoṅ ne̱ fẽ ní miwie he le̱ maṅõ-hã nyesešibii le̱, ni ame̱aye no̱ ke̱-ya nāno̱ le̱. [311]

¹⁴Ni edo̱ Iehowa ke̱ efõṅ le̱ ní ekē̱ ebafe emaṅ le̱.

¹⁵Ni Mose tšo ehe ni edše goṅ le̱ ne̱ ekpleke ši, ni odaseyeli te̱i te̱tre̱bii enyo̱ le̱ hĩe edẽ; te̱i te̱tre̱bii le̱ aṅmã ame̱se̱ ke̱ hĩe fẽ, aṅmã bie̱ ke̱ bie̱ fẽ.

¹⁶Ni te̱i te̱tre̱bii le̱ Nyoṅmo̱ ninenā nitšumo̱ ni, ni niṅmã ni aṅmlã ye̱ te̱i le̱ ano̱ le̱ hũ Nyoṅmo̱ niṅmã ni. [312]

¹⁷Ni beni Iošua nu maṅ le̱ blo̱mo̱ le̱, beni ame̱bo̱ö̱ oše le̱, ekē̱ Mose ake̱: Ta blo̱mo̱ ye̱ nsra le̱ṅ.

¹⁸Ni ekē̱: Dšee kũnimyeli he ošebo̱ ni, ni dšee tagbe he blo̱mo̱ hũ ni, ši lala no̱heremo̱ moṅ minuo̱ ne̱.

¹⁹Ni eba mli ake̱ amrõ pe̱ ní ebe̱ṅke̱ nsra le̱, ena tšinabi le̱ ke̱ dšō le̱; ni Mose mli wo la, ni eṅõ te̱i te̱tre̱bii le̱ etſia ši, ni edſăraame̱ ye̱ goṅ le̱ šiši.

²⁰Ni ewó tšinabi le̱ ní ame̱fe le̱, ni ešã ye̱ la mli, ni egble̱le̱ mlumlu, ni eṅõ-ſã nu hĩe, ni ehã Israelbii le̱ nu.

²¹Ni Mose kē̱ Aaron ake̱: Meni po maṅ ne̱ feo, ni oke̱ eša kpeteṅkple ní tamo̱ ne̱ke̱ eba ame̱no̱ ne̱?

²²Ni Aaron kē̱: Minuntšo̱ mli akawo la; bodientše̱ ole maṅ ne̱ he, ake̱ efõṅ yo̱ ame̱hĩe.

²³Edšake̱ ame̱kē̱mi ake̱: Femo̱ nyoṅmo̱i ohãwo̱, ní amenyie wo̱hĩe; ši ne̱ke̱ Mose ne̱, ní dši nū le̱ ní yadšiewo̱ ke̱-dše̱ Mizraim šikpoṅ le̱ no̱ ke̱-ba ne̱, wo̱lee nõ kōme ní efele̱.

²⁴Ni mikē̱ame̱ ake̱: Mofẽmo ní yo̱ šika ko le̱, hã ní ame̱kple̱ ke̱-ba! Ke̱ke̱ ni ame̱ṅõ-hãmi; ni miše̱re̱ miſie la mli, ni etšo tšinabi ne̱.

²⁵Ni beni Mose na ake̱ maṅ le̱ efe yuyā le̱ (edšake̱ Aaron ehã amefe yuyā ni ehã ame̱bo̱ ame̱he ahora ye̱ ame̱henye̱lo̱i ahĩe),

²⁶ke̱ke̱ ni Mose badamo̱ nsra le̱ agbó le̱ nā, ni ekē̱: Namo yo̱ Iehowa gbe̱fãṅ? mo le̱ aba miṅõ! Ni Levibii le̱ fẽ bua amehe nā ke̱-ba eṅõ.

²⁷Ni ekē̱ame̱ ake̱: Boni Iehowa, Israel Nyonmo̱ le̱, kē̱ ne̱: Nū-fẽ-nū aṅmõ eklante ye̱ ehe̱, ni nyefoa mli ke̱-yaä, ni nyekũ se̱ ke̱-ba ke̱-dše̱ agbó kome mli ke̱-ya agbó kome mli, ye̱ nsra le̱ṅ, ni mofẽmo agbe enyemi, ni mofẽmo agbe enanyo, ni mofẽmo agbe ehegbomo.

²⁸Ni Levibii le̱ fe boni Mose kē̱ame̱ le̱, ni maṅ le̱ mli hĩĩ aafe akpei-etẽ nyõ nakai gbĩ le̱.

²⁹Ni Mose kē̱: *Nyefea nyehe kroṅkroṅ nyehãa Iehowa ṅme̱ne̱, edšake̱ mofẽmo ete ši ewo ebi ke̱ enyemi, koni †edšō̱nye ṅmene̱. [313]

³⁰Ni dšetše̱reno̱ lebi le̱ eba mli ake̱ Mose kē̱ maṅ le̱ ake̱: Nyefe eša kpeteṅkple; ši agbe̱ne̱ makwe̱ ke̱-ya Iehowa ṅõ; ekole̱ makpãtã ye̱ nyehe eša le̱ hewo.

³¹Ni Mose kũ ese̱ ke̱-te Iehowa ṅõ, ni ekē̱: Ao, maṅ ne̱ efe eša kpeteṅkple, ni amefe šika nyoṅmo̱i ame̱hã ame̱he.

³²Ši kẽle̱ agbe̱ne̱ ke̱dši ooṅõ ame̱he eša le̱ ofaame̱ le̱, ṅõ-fa! ni ke̱-dšee nakai hũ le̱, ofai ne̱, ní ogbe mi moṅ migbe̱i ye̱ wolo le̱ ní oṅmã le̱ mli. [314]

³³Ni Iehowa kē̱ Mose ake̱: Mofẽmo ni efemi eša le̱, le̱ egbe̱i magbe ye̱ miwolo le̱ mli.

³⁴Nohewo̱ le̱ agbe̱ne̱ ya, ní oyakpla maṅ le̱ ke̱-ya heni mike̱o ewie he le̱; na, *mibo̱fo le̱ aanyie ohĩe; ši kẽle̱ gbĩ no̱ ní mabasraame̱ le̱, masra ame̱he eša le̱ hũ ye̱ ame̱no̱. [315]

³⁵Ni Iehowa tſia maṅ le̱ nii, edšake̱ amefe tšinabi le̱ ní Aaron fe le̱.