Read luganda 2 Mose 33 Bible Online

2 Mose 33 - luganda bible

2 Mose 33

¹Ni Iehowa ke̱ Mose wie ekē̱: Yiṅ, ni odše bie̱ ní oya, bo ke̱ maṅ le̱ ní oyadšie ye̱ Mizraim šikpoṅ le̱ no̱ ke̱-ba le̱, ke̱-ya šikpoṅ, ní mikã he kitã mitšõ *Abraham ke̱ Isak ke̱ Iakob ake̱: Osešibii maṅõ ne̱ke šikpoṅ ne̱ mahã le̱, no̱. [316]

²Ni matšũ *bo̱fo ko ke̱-nyie ohĩe, ni maſie Kanaanbii le̱ ke̱ Amorbii le̱ ke̱ Hitbii le̱ ke̱ Perizbii le̱ ke̱ Hivbii le̱ ke̱ Iebusbii le̱, [317]

³ke̱-ya šikpoṅ ní fufo̱ ke̱ wò hoo̱ ye̱ no̱ le̱ no̱. Ši mihĩṅ oteṅ ke̱-yaṅ; edšake̱ *maṅ ní kue̱ṅ ti dšio, koni mikaplenēo ye̱ gbe̱ le̱ no̱. [318]

⁴Ni beni maṅ le̱ nu ne̱ke̱ sane fõṅ ne̱, ame̱ye ṅko̱mo̱, ni mokomoko woo ehewulamo̱nii.

⁵Ni Iehowa kē̱ Mose ake̱: Kē̱mo̱ Israelbii le̱ ake̱: Maṅ ní kue̱ṅ ti dšinye; kē̱ mibahĩ oteṅ hĩṅme̱itſā pe̱, maplenēo; nohewo̱ le̱ agbe̱ne̱ dšiemo̱ ohewulamo̱nii le̱ ye̱ ohe, koni maná male noni mafeo.

⁶Ni Israelbii le̱ kplo̱ ame̱hewulamo̱nii le̱ ye̱ ame̱he ye̱ Horeb goṅ le̱ he. [319]

⁷Ni Mose ṅõ bū le̱ ni eke̱-te nsra le̱ se̱ eyaši ye̱ se̱ fle̱ṅṅ, ni ewole̱ gbe̱i ake̱ kpẽ-bū. *Ni eba mli ake̱ mofẽmo ni yabi nii ye̱ Iehowa ṅõ le̱, edšeo̱ kpo ke̱-yaä kpē-bē le̱ mli ye̱ nsra le̱ se̱. [320]

⁸Ni eba mli ake̱, kē̱ Mose dše kpo ēya bū le̱ he le̱, asafo le̱ fẽ teteo̱ ši, ni mofẽmo hoo̱ damoo̱ ebu šĩnā ši, ni ame̱hĩeo̱ Mose yise̱ kwe̱mo̱ āhũ ni eke̱-boteo̱ bū le̱ṅ

⁹Ni eba mli ake̱, ke̱ Mose bote bū le̱ṅ le̱, *atatu kutū le̱ yio̱ ši ni ebadamoo̱ bū le̱ šĩnā le̱ ši, ni eke̱ Mose wieo̱. [321]

¹⁰Ni asafo le̱ fè naä atatu kutū le̱ ní edamo bū le̱ šĩnā le̱ ši; ni asafo le̱ fẽ teo̱ ši ni ame̱so̱leo̱, mofẽmo ye̱ ebũ šĩnā ši.

¹¹Ni Iehowa ke̱ Mose wieo̱ *hĩe ke̱ hĩe take̱ mo ke̱ enanyo wieo̱. Ni ke̱ ekũ ese̱ ke̱-ba nsra le̱ṅ le̱, etšũlo̱ Iošua, Nun bi le, ni dši oblanyo le̱, edšee bū le̱ṅ. [322]

¹²Ni Mose kē̱ Iehowa ake̱: Na, bodientše̱ okē̱mi ake̱: Yaṅõ maṅ ne̱ ke̱-ya; ši ohãko male *moni obatšũ ní eke̱mi aya. Kẽle̱ bo noṅṅ okē̱ ake̱: Mileo ke̱ ogbe̱i, ni asaṅ ohĩe eba nyam ye̱ mihĩe. [323]

¹³Nohewo̱ le̱ agbe̱ne̱, mikpao fai, kē̱ mihĩe eba nyam ye̱ ohĩe le̱, *tšõmomi ogbe̱ le̱ ko, beni afe ní maleo, koni mihĩe aba nyam ye̱ ohĩe; ni kwe̱mo̱ ake̱ ne̱ke̱ maṅbii ne̱ omaṅ ni! [324]

¹⁴Ni ekē̱ ake̱: Mihĩe ke̱o aate, ni mahão hedšo̱le̱.

¹⁵Ni ekē̱le̱ ake̱: Ke̱dši ohĩe ke̱wo̱ eyaṅ le̱, no le̱ kalōwo ke̱-mīdše̱ bie̱ ke̱-mīya.

¹⁶Ši meni aaṅõ-le ye̱ bie̱ ake̱ mike̱ omaṅ ne̱ hĩe eba nyam ye̱ ohĩe, ake̱ dša te ní oke̱wo̱ aate le̱? *beni afe ní mãdši fẽ ní yo̱ šikpoṅ le̱ no̱ le̱ akafo mi ke̱ omaṅ ne̱! [325]

¹⁷Ni Iehowa kē̱ Mose ake: Noni okē̱ ne̱ hũ mafe; edšake̱ ohìe eba nyam ye̱ mihĩe, ni *mileo ke̱ ogbe̱i. [326]

¹⁸Ni ekē̱: Bĕle̱ hã mana onumnyam le̱.

¹⁹Ni ekē̱ ake̱: Mi le̱ mahã minikpakpaianii le̱ fẽ abaho ye̱ ohĩe, ni mapae Iehowa gbe̱i le̱ ye̱ ohĩe; ni *madro moni madro, ni mo hewo̱ ní mimũsũṅ aatšõmi le̱, le̱ noṅṅ ahewo̱ mimũsũṅ aatšõmi. [327]

²⁰Ni asaṅ ekē̱: Onyẽṅ mihĩe ona; *ši mokomoko enaṅmi, ní eyi aaná wala. [328]

²¹Ni Iehowa kē̱: Na, gbe̱ ye̱ mimase̱i ne̱, ni odamo̱ te̱sā le̱ no̱; [329]

²²ni aaba mli ake̱, beni minumnyam le̱ *hoo̱ le̱, maṅõo mawo te̱kplo le̱ mli, ni mike̱ †minine atšĩ ono ni maho dã; [330]

²³ni madšie minine, ni oona mikotose̱ gbe; ši mihĩe ni anaa.