Read luganda 2 Mose 34 Bible Online

2 Mose 34 - luganda bible

2 Mose 34

¹Ni Iehowa kē̱ Mose ake̱: Ko te̱i te̱tre̱-bii enyo̱ tamo̱ kleṅkleṅnii le̱, ni maṅmã kleṅkleṅ te̱i le̱ ni *odſãra le̱ ano̱ wiemo̱i le̱ ye̱ no̱. [331]

²Ni wó̱ le̱ osā ohe ní oba Sinai goṅ le̱ no̱ lebi, ni obadamo̱ ši oke̱ ohe abatšomi ye̱ dše̱i ye̱ goṅ le̱ yiteṅ.

³Ni mokomoko akafata ohe ke̱-mība, ni akana mokomoko ye̱ goṅ le̱ no̱ hekoheko; ni kāhã tōi lo tšinai mibaye nii ye̱ nakai goṅ le̱ hĩe [332]

⁴Ni eko te̱i te̱tre̱bii enyo̱ tamo̱ kleṅkleṅnii le̱; ni Mose te ši lebi mā̃ṅkpa, ni ekwo̱ ke̱-te Sinai goṅ le̱ no̱, take̱ bo̱ni Iehowa efã́le̱ le̱, ni eṅõ te̱i te̱tre̱bii enyo̱ le̱ ehĩe edẽ.

⁵Ni Iehowa kpleke ši ye̱ atatu le̱ṅ, ni eke̱le̱ badamo̱ dše̱i, ni *epae Iehowa gbei le̱. [333]

⁶Ni Iehowa bafoṅ ye̱ ehĩe ni epae eke: Iehowa, Iehowa, Nyoṅmo̱ mũsũṅtšõlo̱ ke̱ drolo̱ ní too̱ tšui, ní mo̱bo̱nale̱ ke̱ ano̱kwale fá pī, [334]

⁷ní hĩeo̱ mo̱bo̱nale̱ mli ehãa mei akpei abo̱, ní ṅõo̱ tōmo̱ ke̱ efõṅ ke̱ eša efaä, ni ehãã mokomoko aṅõ ehe aye kwrā; moni woo̱ tše̱mei atõmo̱i anyõmo̱ ke̱-tsṍo̱ bii ke̱ nãbii ano̱ ke̱-yašio̱ yino̱bii ní dši etẽ ke̱ noni dši edſe̱ le̱ no̱ le̱. [335]

⁸Ni Mose he fe oyá, ni ekoto ši, ni edšále̱;

⁹ni ekē̱: Nuntšo̱, agbene ke̱dši mihĩe eba nyam ye̱ ohĩe, mikpao fai, hã-ni Nuntšo̱ le̱ ahĩ woteṅ ke̱-ya; edšake̱ maṅ ni kue̱ṅ ti dšiame̱; ni oke̱ wo̱no̱tõmo̱i ke̱ wo̱he ešai le̱ afawo̱, ni oṅõwo̱ ofe onõ!

¹⁰Ni ekē̱: Na, mi le̱ mikpãṅ kpãṅmo̱ ko: omaṅ le̱ fẽ hĩe mibafe nākpe̱nii ní afeko eko ye̱ šikpoṅ le̱ no̱ fẽ, lo maṅ ko maṅ ko mli dã, ni maṅ le̱ fẽ ni oyo ame̱teṅ le̱ aana Iehowa nitšumo̱ le̱; ši gbeyei noko dši noni mibafeo le̱.

¹¹Ye kitã ní miwoo̱o ṅme̱ne̱ ne̱ no̱. Na, mīſie Amorbii le̱ ke̱ Kanaanbii le̱ ke̱ Hivbii le̱ ke̱ Perizbii le̱ ke̱ Hivbii le̱ ke̱ Iebusbii le̱ ye̱ ohĩe.

¹²Kwe̱ ohe ni ahĩ, ni oke̱ šikpoṅ no̱ heni oyaä le̱ bii le̱ akakpãṅ ní ebatšṍ tšõne ye̱ oteṅ; [336]

¹³ši moṅ nyekũmoa ame̱fo̱lešãlate̱i le̱, ni nyedſãraā ame̱mãgãi le̱, ni ame̱krabatšai le̱, nyeflo̱a; [337]

¹⁴ni okadšá nyoṅmo̱ kroko. Edšake̱ Iehowa le̱, awuṅãyelo̱ dši egbe̱i; Mawu awuṅãyelo̱ ni; [338]

¹⁵koni oke̱ šikpoṅ le̱ no̱ bii le̱ akakpãṅ, ní ame̱yanyie ame̱nyoṅmo̱i le̱ ase̱ ame̱bo̱ adſamaṅ, ní ame̱šã afo̱le ame̱hã ame̱nyoṅmo̱i le̱, ni moko mībatšé̱o ní oyaye efo̱le le̱ eko;

¹⁶ní ow̌e̱ ame̱biyei le̱ eko ohã obihĩĩ, ni ame̱biyei le̱ yanyie ame̱nyoṅmo̱i le̱ ase̱ ame̱bo̱ adſamaṅ, ni ame̱hã obihĩĩ le̱ hũ yanyie amenyoṅmo̱i le̱ ase̱ ame̱bo̱ adſamaṅ. [339]

¹⁷Kāfe nyoṅmo̱i ní aſie ohã ohe. [340]

¹⁸Akpĩtĩ gbĩdšŭrõ le̱ ye. Gbĩĩ kpawo oye abolo akpĩtĩ, take̱ boni miwoö kitã le̱, ye̱ Abib nyoṅ le̱ no̱ be ní ato le̱ mli; edšake̱ Abib nyõṅ le̱ no̱ odše̱ Mizraim oba.

¹⁹Nofẽno ní gbleo̱ mũsũ nā le̱, minõṅ; ke̱ okoloi ateṅ kleṅkleṅnõ ní dši nū le̱, tšina dšio, tō dšio.

²⁰Ši tedši kromo̱bi le̱ oko̱ tōbi akpõle̱, ni ke̱dši okpõõle̱ le̱, no le̱ okũ ekue̱ṅ. Obihĩĩ ateṅ kromo̱bii fẽ le̱ okpõ-ame̱. Ni mokomoko akabapue ke̱ edẽ flo ye̱ mihĩe! [341]

²¹Gbĩĩ ekpa otšu nii, ši gbĩ ní dši gbĩ kpawo le̱ no̱ le̱ odšō̱ ohe, hũmo̱ be mli dšio, kpamo̱ be mli dšio.

²²Ni oye otšii agbĩdšŭrõ le̱ be mli ní akũo̱ ṅmā̃ kpokploku le̱; ni ke̱ afi le̱ gbo le̱, oye yibii anābuamo̱ gbĩdšŭrõ le̱.

²³Dā afi le̱ šii etẽ nyeteṅ hĩĩ fẽ abapue ye̱ Nuntšo̱ Iehowa ní dši Israel Nyoṅmo̱ le̱ hĩe.

²⁴Ši maſie mãdši le̱ ye̱ ohĩe, ni malē̱ ohũsũi le̱ amli, ni be mli ní ote oyapue ye̱ Iehowa, o-Nyoṅmo̱ le̱, hĩe dā afi šii etẽ le̱, mokomoko hĩe ekõṅ ošikpoṅ le̱ no̱.

²⁵Kāṅõ mãša ofata mifo̱le lá le̱ he ošã, ni dše hũ akatše̱re Hehō gbĩdšũrõ afole le̱ no̱.

²⁶Ošikpoṅ le̱ no̱ kleṅkleṅnii ní aaba le̱ mli kleṅkleṅnõ le̱ oke̱-ba Iehowa, o-Nyoṅmo̱ le̱, we le̱. Kāho tōbi ní tšeko fufo̱.

²⁷Ni Iehowa kē̱ Mose ake̱: *Ṅmã ne̱ke̱ wiemoi ne̱; ši ne̱ke̱ wiemo̱i ne̱ anā mike̱o ke̱ Israel kpãṅ ye̱. [342]

²⁸Ni eke Iehowa hĩ dše̱i nyōṅnyōṅ ke̱ ſaneſane *gbĩĩ nyoṅmai-edſe̱, eyee abolo le̱, enuu nu hũ. Ni eṅmã kpãṅmo̱ wiemo̱i le̱ ní dši wiemo̱i nyoṅma le̱ ye̱ †te̱i le̱ ano̱. [343]

²⁹Ni eba mli ake̱, beni Mose dše̱ Sinai goṅ le̱ no̱ ekpleke ši le̱, ehĩe odaseyeli te̱i enyo̱ le̱ ye̱ edeṅ; ši Mose lee ake̱-ni eke̱le̱ wie hewo̱ le̱ ehã ehĩe ekpe̱.

³⁰Ni beni Aaron ke̱ Israelbii le̱ fẽ na Mose le̱, na, ehĩe mīkpe̱; ni ame̱še gbeyei ake̱ ame̱abe̱ṅke̱le̱. [344]

³¹Ni Mose tšé̱ame̱; ni Aaron ke̱ asafo le̱ mli onukpai le̱ fẽ kũ ame̱se̱ ameba eṅõ; ni Mose ke̱ame̱ wie.

³²Ni fe se̱ le̱ Israelbii le̱ fẽ tši ba; ni ewoame̱ kitãi fẽ ni Iehowa ke̱-hãle̱ ye̱ Sinai goṅ le̱ no̱ le̱.

³³Ni beni Mose ke̱ame̱ wie egbe nã le̱, eṅõ hĩehānõ eha ehĩe.

³⁴Ši ke̱ Mose *mīya Iehowa hĩe ní eke̱le̱ ayawie le̱, edšieo̱ hĩehānõ le̱ ke̱-yaši beyino̱ ni eedše kpo. Ni edšeo̱ kpo, ni ebadšadšeo̱ kitãi ni awole̱ le̱ etšõo̱ Israelbii le̱. [345]

³⁵Ni Israelbii le̱ naä Mose hĩe ake̱ ehĩe mīkpe̱; ni Mose sā eke̱ hĩehānõ le̱ haä ehĩe ke̱-yaši beyino̱ ní eete ekoṅ ní eke̱le̱ ayawie ekoṅ.