Read luganda 2 Mose 39 Bible Online

2 Mose 39 - luganda bible

2 Mose 39

¹Ni ame̱ke̱ mama blū ke̱ afaseo ke̱ etšuru fe súomo̱ atadei le̱ ni aṅõ-súmo̱ ye̱ hekroṅkroṅ le̱; ni ame̱fe atadei kroṅkroṅi le̱ ame̱hã Aaron, take̱ bo̱ni Iehowa fã́ Mose le̱.

²Ni eke̱ šika ke̱ mama blū ke̱ afaseo ke̱ etšuru ke̱ klala kpakpa fe efod le̱.

³Ni ame̱tſia šika le̱ fe̱te̱fe̱te̱, ni ame̱-flo̱le̱ kpãi, ni ame̱ke̱-ye mama blū ke̱ afaseo ke̱ etšuru ke̱ klala kpakpa le̱ mli ṅābii.

⁴Ame̱fe kodši ame̱to he, koni aṅõ-tša; enābui enyo̱ le̱ ake̱-mõle̱ atša.

⁵Ni efod le̱ mlifĩnõ le̱ ní ake̱-fĩo̱ no̱ le̱ hũ nakai noṅṅ afele̱, šika ke̱ mama blū ke̱ afaseo ke̱ etšuru ke̱ klala kpakpa aṅõ-fe, take̱ bo̱ni Iehowa fã́ Mose le̱.

⁶Ni ame̱fe šohamte̱i ní aṅõ-ho̱lo̱ šika gai amli, ni aṅmlã Israelbii le̱ agbe̱ii ye̱ no̱, tamo̱ aṅmãa nii ye̱ wolonāso̱omo̱nõ no̱ le̱.

⁷Ni eṅõ-to efod le̱ kodši ano̱, koni ame̱tšṍmo̱ Israelbii le̱ akaimo̱ te̱i, take̱ bo̱ni Iehowa fã́ Mose le̱.

⁸Ni eke̱ ṅã kpakpa fe tšitšino̱nii le̱, tamo̱ bo̱ni afe efod le̱ noṅṅ; šika ke̱ mama blū ke̱ afaseo ke̱ etšuru ke̱ klala kpakpa aṅõ-fe.

⁹Kodši edſe̱ afele̱; ado̱ tšitšine̱nii le̱ mli enyo̱, klakate kome dši eke̱le̱, ni klakate kome dši elē̱mo̱, ni ado̱ mli enyo̱.

¹⁰Ni ame̱to te̱i klempẽi edſe̱ ye̱ mli; kleṅkleṅ klempẽ le̱ sardio, ke̱ topasion, ke̱ smaragdo; ene̱ dši kleṅkleṅ klempẽ le̱.

¹¹Ni klempẽ ní dši enyo̱ le̱ karfuṅkle, ke̱ safiro, ke̱ sardoniki.

¹²Ni klempẽ ní dši etẽ le̱ hiakinto, agate, ke̱ ametisto.

¹³Ni klempẽ ní dši edſe̱ le̱ krisolito, ke̱ šoham, ke̱ yaspi; aṅõame̱ amãmo̱ šika gai amli ye̱ ame̱mãmo̱hei le̱.

¹⁴Ni te̱i le̱ anā šio̱ Israelbii le̱ agbe̱ii le̱ anā, nyoṅma ke̱ enyo̱ ye̱ ame̱gbe̱ii le̱ anā, take̱ wolonāso̱omonõ ne̱ niṅmã, mofẽmo ke̱ egbe̱i, ye̱ akutšei nyoṅma ke̱ enyo̱ le̱ nā.

¹⁵Ni ame̱ṅõ šika ṅmīṅmi ame̱fe kõsoṅkõsõi ni atšõmo̱ ame̱to tšitšine̱nii le̱ anā ye̱ nābuinābui le̱.

¹⁶Ni ame̱fe šika niiaṅho̱lo̱mo̱nii enyo̱ ke̱ šika gai enyo̱, ni ame̱ṅõ gai enyo̱ le̱ ame̱ho̱lo̱ tšitšine̱nii le̱ anāgbēhei enyo̱ le̱ṅ.

¹⁷Ni ame̱ṅõ šika kõsõṅkõsõi enyo̱ le̱ ame̱ho̱lo̱ gai enyo̱ le̱ ni yo̱ tšitšino̱nii le̱ anāgbēhei le̱ amli.

¹⁸Ni kõsõṅkõsõi enyo̱ le̱ anābui enyo̱ le̱ ame̱ṅõ-ho̱lo̱ niiaṅho̱lo̱mo̱nii enyo̱ le̱ mli, ni ame̱ṅõ-wo efod le̱ kõdši le̱ amli ye̱ hĩe.

¹⁹Ni ame̱fe šika gai enyo̱, ni ame̱ṅõ-ho̱lo̱ tšitšino̱nii le̱ anāgbēhei enyo̱ le̱ ye̱ enābu le̱ ní yeo̱ efod le̱ mase̱i heni yadše mligbe̱ le̱.

²⁰Ni ame̱sā ame̱fe šika gai krokomei enyo̱, ni ame̱ṅõ-ho̱lo̱ efod le̱ kõdši enyo̱ ní yadše šiši, ke̱-yaä hĩegbe̱, ye̱ etšamo̱he ko le̱ ṅe̱le̱no̱, ye̱ efod le̱ mlifĩnõ fe̱fe̱o le̱ no̱.

²¹Ni ame̱ke̱ bõṅ blū fĩ tšitšino̱nii le̱ he gai le̱ ame̱kpe̱te̱ efod le̱ he gai le̱, koni eka efod le̱ mlifĩnõ fe̱fe̱o le̱ no̱, ní tšitšino̱nii le̱ akafẽne ke̱-mīdše efod le̱ he, take̱ bo̱ni Iehowa fã́ Mose le̱.

²²Ni eke̱ nilõ̀ ṅā fe efod le̱ šiši atade yū le̱, fẽ le̱ blū nii so̱ṅṅ.

²³Ni flo̱ kã atade yū le̱ teṅ, tamo̱ dama mli flo̱, ni ake̱ bõṅ ebãṅ flo̱ le̱ nā ke̱-kpe, koni ekagba.

²⁴Ni ame̱fe mama blū ke̱ afaseo ke̱ etšuru ke̱ klala kpakpa kpo̱bii kokrobii ye̱ atade yū le̱ nāmū le̱ nā.

²⁵Ni ame̱ke̱ šika ṅmīṅmi fe ṅme̱dši, ni ame̱ke̱ ṅme̱dši le̱ fŏlo̱ kpo̱bii kokrobii le̱ ateaṅ ye̱ atade yū le̱ nāmū le̱ nā ke̱-bo̱lele̱ ke̱-kpe tſẽm, ye̱ kpo̱bii kokrobii le̱ ateaṅ:

²⁶ṅmle̱ kome ke̱ kpo̱ kokrō kome, ṅmle̱ kome ke̱ kpo̱ kokrō kome, āhũ ke̱-bo̱le atade le̱ nāmū le̱ ke̱-kpe tſẽm, ní ake̱-súmo̱, take̱ bo̱ni Iehowa fã́ Mose le̱.

²⁷Ni ame̱ke̱ klala kpakpa fe flakai ní ake̱ ṅā lò le̱ ame̱hã Aaron ke̱ ebihĩĩ le̱,

²⁸ke̱ klala kpakpa fai le̱, ke̱ klala kpakpa faii fe̱fe̱dši le̱, ke̱ klala tſakotoi le̱ ní ake̱ klala kpakpa fe le̱,

²⁹ke̱ mlifĩnõ le̱ ní ake̱ klala kpakpa ke̱ mama blū ke̱ afaseo ke̱ etšuru fe ní alò mli le̱, take̱ bo̱ni Iehowa fã́ Mose le̱.

³⁰Ni ame̱ke̱ šika ṅmīṅmi fe fai kroṅkroṅ le̱ hĩetamo̱nii le̱, ni ame̱ṅmã ye̱ no̱ tamo̱ wolonāso̱omo̱nõ no̱ niṅmã ake̱: Kroṅkroṅ hã Iehowa. [354]

³¹Ni aṅõ-kpe̱te̱ bõṅ blū no̱, koni ahĩ fai le̱ he, take̱ bo̱ni Iehowa fã́ Mose le̱.

³²Ne̱ke̱ afe agbe kpē-bū le̱ šihĩle̱he le̱ nitšumo̱ le̱ fẽ nā; ni Israelbii le̱ fe bo̱ni Iehowa fã́ Mose le̱ fẽ, nakai ame̱fe.

³³Ni ame̱ke̱ šihĩle̱he le̱ ha Mose ṅo, bū le̱ ke̱ ehenii le̱ fẽ, ehe kpodši le̱, emplãṅi le̱, emlible̱me̱nii le̱, ke̱ ekulašĩṅi le̱, ke̱ eno̱damo̱nii le̱,

³⁴ke̱ tōagbo wolo ní awole̱ etšuru no̱hānõ le̱, ke̱ nuṅgbẽ́ wolo no̱hānõ le̱, ke̱ hehā muhō̱ le̱,

³⁵odaseyeli adeka le̱ ke̱ ehe tšei le̱, ke̱ kpãtãmo̱ sẽi le̱,

³⁶okplõ le̱ ke̱ ehenii le̱ fẽ, ke̱ hĩemã-abolo le̱,

³⁷kanetšo ṅmīṅmi le̱ ke̱ ehe kanei le̱ ní dši kanei ní asāa le̱ ke̱ ehenii le̱ fẽ, ke̱ kane le̱ mũ le̱,

³⁸ke̱ šika afo̱lešãlate̱ le̱, ke̱ mũ kroṅkroṅ le̱, ke̱ tšofã-ke̱-ṅma le̱, ke̱ bū le̱ šĩnā le̱ nā mama le̱,

³⁹akō̱ble afo̱lešãlate̱ le̱, ke̱ ehe akō̱ble afãbãṅ le̱, ke̱ ehe tšei le̱, ke̱ ehenii le̱ fẽ, ke̱ lalakã le̱ ke̱ ekăla le̱,

⁴⁰kpo le̱ no̱ muhō̱i le̱, ekulašĩṅi le̱ ke̱ eno̱damo̱nii le̱, ke̱ kpo le̱ no̱ agbó le̱ nā mama le̱, ke̱ ehe tãṅkpẽi le̱, ke̱ ehe šiṅmlitšei le̱, ke̱ šihĩle̱he le̱ mli súomo̱nii le̱ fẽ, hã kpē-bū le̱,

⁴¹súomo̱ atadei le̱ ni ake̱-súmoo̱ ye̱ hekroṅkroṅ le̱, ke̱ oso̱fo Aaron atadei kroṅkroṅi le̱, ke̱ ebihĩĩ le̱ atadei le̱, ní ame̱ke̱-ye oso̱foi le̱.

⁴²Bo̱ni Iehowa fã́ Mose le̱ fẽ le̱, nakai Israelbii le̱ tšu nitšumo̱ le̱ fẽ.

⁴³Ni Mose kwe̱ nitšumo̱ le̱ fẽ, ni na, ame̱fele̱ bo̱ni Iehowa fã́ le̱, nakai pe̱ ame̱fele̱; ni Mose dšō̱ame̱.