Read luganda 2 Mose 7 Bible Online

2 Mose 7 - luganda bible

2 Mose 7

¹Ni Iehowa kē̱ Mose ake̱: Na, mihã otšó *Nyoṅmo̱ ohã Farao, ni onyemi Aaron aatšṍ ogbalo̱. [59]

²Bo le̱, wiemo nii fẽ ní mifã́o ye̱ he le̱; ni onyemi Aaron ke̱ Farao awie, koni ehã Israelbii le̱ adše ešikpoṅ le̱ no̱ aya.

³Ni *mawadše Farao tšui, ni mahã mikadii ke̱ minākpe̱nii afá ye̱ Mizraim šikpoṅ le̱ no̱. [60]

⁴Ši Farao boṅnye toi, ni mike̱ minine aaṅmẽ Mizraim no̱, ni mike̱ kodšomo̱i wudši aadšie mitai ní dši mimaṅ Israelbii le̱ ke̱-adše̱ Mizraim šikpoṅ le̱ no̱.

⁵Ni *Mizraimbii aale ake̱ midši Iehowa le̱, ké̱ miwó minine ne̱ ye̱ Mizraim no̱, koni madšie Israelbii le̱ ye̱ ame̱teṅ le̱. [61]

⁶Ni boni Iehowa fã́ Mose ke̱ Aaron le̱, nakai amefe.

⁷Ni Mose eye afii nyoṅmai-kpānyo̱, ni Aaron hũ eye afii nyoṅmai-kpānyo̱ ke̱ etẽ, beni ame̱ke̱ Farao yawie le̱.

⁸Ni Iehowa kē̱ Mose ke̱ Aaron ake̱:

⁹Kē̱ Farao kenye wie ake̱: Nyefea nākpe̱no ko le̱, no le̱ kē̱mo̱ Aaron ake̱: *Ko̱ otšo le̱, ní oṅõ-fo ši ye̱ Farao hĩe, ni eetšṍ šikpã. [62]

¹⁰Ni Mose ke̱ Aaron te Farao ṅõ, ni amefe bo̱ni Iehowa efã́ame̱ le̱; ni Aaron ṅõ etšo le̱ efõ ši ye̱ Farao ke̱ etšũdši le̱ ahĩe, ni etšṍ šikpã.

¹¹Ke̱ke̱ ni Farao hũ hã ayatšé̱ nilelo̱i ke̱ ṅkũnyāyelo̱i le̱ ke̱-ba; ni ame̱ hũ, ní dši *Mizraim woloṅlelo̱i le̱, ke̱ ame̱ṅkũnyãyeli-ṅāi le̱ fe nakai noṅṅ. [63]

¹²Ni ame̱teṅ mofẽmo ṅõ etšo efõ ši, ní ame̱tšã́mo̱ šikpãi; ši Aaron tšo le̱ mī̃ ame̱tšei le̱.

¹³Ni awadše Farao tšui, ni ebooame̱ toi, take̱ bo̱ni Iehowa *ewie le̱. [64]

¹⁴Ni Iehowa kē̱ Mose ake̱: Farao tšui wa, ekplẽẽ ní maṅ le̱ aya.

¹⁵Ya Farao ṅõ lebi; na, ēdše kpo eya fā le̱ nã, ni oyadamo̱ fā le̱ nã omẽle̱, ni tšo le̱ ní tšṍ onũfũ le̱ ko̱ ohĩe odẽ,

¹⁶ni okē̱le̱ ake̱: Iehowa, Hebribii le̱ a-Nyoṅmo̱ le̱, tšũmi oṅõ ake̱ mibakē̱o ake̱: *Hã ní mimaṅ le̱ aya ní ame̱ya-súmo̱mi ye̱ ṅã le̱ no̱; ni na, okplẽko ke̱-baši bene̱. [65]

¹⁷Boni Iehowa kē̱ ne̱: Ene̱ oke̱-ale ake̱ midši Iehowa le̱: na, mike̱ tšo ní mihĩe ye̱ midẽ ne̱ batſa fā le̱ mli nu le̱, ni *eetšṍ lá. [66]

¹⁸Ni lōi ni yo̱ fā le̱ mli le̱ aagboi, ni fá le̱ aaša, ni Mizraimbii le̱ aanyãṅe fā le̱ mli nu le̱ numo̱.

¹⁹Ni Iehowa kē̱ Mose ake̱: Kē̱mo̱ Aaron ake̱: Ko̱ otšo le̱, ni okpã onine mli ye̱ Mizraim *nui le̱ ke̱ ame̱nudšō̱i le̱ ke̱ ame̱fāi le̱ ke̱ ame̱kpākpoi le̱ ke̱ ame̱nui ní bua ši le̱ fẽ no̱ ní ame̱tšṍmo̱ lá; ní nu ní yo̱ Mizraim šikpoṅ le̱ no̱ fẽ, ye̱ tšonibii ke̱ te̱nibii amli le̱, aatšo lá. [67]

²⁰Ni Mose ke̱ Aaron fe bo̱ni Iehowa fã́ame̱ le̱, ni ewó etšo le̱ no̱, ni eke̱-tſa nu ní yo̱ fā le̱ mli le̱ ye̱ Farao ke̱ etšũdši le̱ ahĩe, ni fā le̱ mli nu le̱ fè tšṍ lá.

²¹Ni lōi ní yo̱ fā le̱ mli le̱ gboi, ni fā le̱ ša, ni Mizraimbii le̱ nyẽẽ fā le̱ mli nu le̱ anu; ni lá so̱ṅṅ yo̱ Mizraim šikpoṅ le̱ no̱ fẽ.

²²Ni *Mizraim ṅkũnyāyelo̱i le̱ ke̱ ame̱ṅkũnyāyeli-ṅāi le̱ fe nakai noṅṅ. Ni awadše Farao tšui ni ebooame̱ toi, take̱ boni Iehowa ewie le̱. [68]

²³Ni Farao kũ ese̱ ete ewe, ni ehãã ene̱ hũ ata etšui mli.

²⁴Ni Mizraimbii le̱ fẽ dšedšē nubui ye̱ fā le̱ hewo̱hewo̱ ní ame̱na nu ame̱nu, edšake̱ fā le̱ mli nu le̱ ame̱nyẽẽ amenu.

²⁵Ni beni Iehowa tſa fā le̱ nõ se̱ le gbĩĩ kpawo bafoṅ.