Read luganda Hiob 11 Bible Online

Hiob 11 - luganda bible

Hiob 11

¹Ke̱ke̱ ni Zofar, Naamanyo le̱, here ne̱ ni ekē̱:

²Aso wiemo̱i babaō ne̱ ahãṅ hetō, alo nū nāfūtše̱ aaye bem?

³Aso oſā̃wiemo̱i le̱ aaha mei abu ame̱nã? ni ké̱ ōye mei ahe fe̱o le̱, aso moko akawoö hĩegbẽle?

⁴Edšake̱ okē̱: Mitšõmo̱ le̱ ye̱ kro̱ṅṅ, ni mihe hũ tše ye̱ ohĩe. [58]

⁵Ō kũle̱ Nyoṅmo̱ awie, ni egble enãbu etšõo, [59]

⁶ni edšadše *nilē mli tēmo̱sãdši etšõo! Edšake̱ enitšumo̱ nyie sro̱toisro̱toi, he-wo̱ le̱ ná ole ake̱ Nyoṅmo̱ wokoō nyõmo̱ boni sa otõmo̱ le̱! [60]

⁷Ani oona Nyoṅmo̱ nii ni mli kwŏ̱lo̱ le̱ anā, alo oonyẽ Ofe le̱ ona ke̱-wula ši?

⁸Ekwo̱le̱ tamo̱ ṅwei kwo̱le̱; meni oonyẽ ofe? emli kwo̱ vō fẽ gbohĩĩadše; meni ole?

⁹Kē̱ asusule̱, eke̱ fẽ šikpoṅ, ni elē̱ fè ṅšo̱.

¹⁰Ke̱dšĩ etšẽ ke̱-ba, ni emõo ewo tšũṅ, ni etšē̱o kodšomo̱ le̱, namo aanyẽ enā atšĩ?

¹¹Edšake̱ ele yakagbomei, ni enaä nõša hũ, kẽle̱ efe tamo̱ noni enaa.

¹²Koni gbomo ni be̱ dſẽṅmo̱ aná dſẽṅmo̱, ni ṅãṅ tedšibi hũ afo̱le̱ gbomo.

¹³Ke̱dšĩ bo hũ osã otšui, ni ōgbe̱ onidšiaṅ ye̱ ehĩe le̱;

¹⁴kē̱ nõša ko ye̱ odeṅ le̱, hã eya se̱ fle̱ṅṅ, ni okahã noni edšaa mïhi obūi le̱ amli:

¹⁵no le̱ oowó ohĩe no̱ ni kpa ko be̱ he, hē̃, oofĩ ši šiṅṅ, ni ošeṅ gbeyei;

¹⁶edšake̱ ohĩe aakpa ohaomo̱ le̱ no̱, ookai tamo̱ nu ni eho ete;

¹⁷ni owala be le̱ mli aatše fè ſane, ni ké̱ duṅ wo tete le̱, eetamo̱ lebi;

¹⁸ni otšui aakã omli, edšake̱ hĩeno̱-kãmo̱ ye̱; ookwe̱kwē̱ ohe ke̱-akpe, ni ookã ši ſeſēſe.

¹⁹Asaṅ *ookã ši hũ, ni moko woṅ ohe gbeyei; ni mei babaō hū aatao ohĩe gbe̱. [61]

²⁰Ši meifōdši le̱, ame̱hĩṅme̱ii aašiu, ni ame̱náṅ foidšēhe, ni *ame̱hĩeno̱kãmo̱ le̱ aatšṍ susuma plenēmo̱. [62]