Read luganda Hiob 12 Bible Online

Hiob 12 - luganda bible

Hiob 12

¹Ni Hiob here no̱ ni ekē̱:

²Eye̱ mli le̱le̱ṅ, ake̱ nye dši maṅ, ni ké̱ nyegboi le̱, nilē egbo!

³Mi hũ miye dſẽṅmo̱ tamo̱nye noṅṅ, nyefèèmi; ni namo po lee ene̱mei?

⁴Mitšṍ moni enanyo ṅmõo̱le̱, moni blo̱ō̱ tšē̱o̱ Nyoṅmo̱, ni ehereo̱le̱ no̱ le̱. Dšale̱ ni kpa ko be̱ ehe le̱ etšṍ moni aṅmōo̱!

⁵Moni he edšo̱le̱ le̱, edſẽṅmo̱ dši ake̱ agbe amanehũlũ be guo̱; no dši noni kã ši hã mei ni nane šãnee̱ le̱.

⁶Odšotſalo̱i abūi ſereo̱, ni mei ní woo̱ Mawu mlila le̱ hũ ye̱ ſeſẽſe, mei ní hĩe ame̱nyoṅme̱ ye̱ ame̱deṅ le̱

⁷Ši agbe̱ne̱ bi koloi, ni ame̱atšõo, ke̱ ṅwei lofõdši hũ, ni ame̱agbao.

⁸Alo oke̱ šikpoṅ awie, ni eetšõo, ni ṅšo̱ṅlōi tete aagbao.

⁹Namo lee ye̱ ene̱mei fẽ mli ake̱ Iehowa nine fe ene̱?

¹⁰Mo deṅ ni hĩekãle̱i fẽ asusuma ye̱, ke̱ gbomei ádesãi fẽ amumo̱ le̱. [63]

¹¹Nto toi kaã wiemo̱i ekwe̱o̱, tamo̱ bo̱ni dā hũ saä niyenii anā le̱?

¹²Hĩĩ onukpai adeṅ nilē yo̱, ni walase̱tše̱le̱ mli dſẽṅmo̱ yo̱. [64]

¹³Le̱ edeṅ nilē ke̱ hewale̱ ye̱, enõ dši ṅāwō ke̱ dſẽṅmo̱ hũ.

¹⁴Na, ekũmoo̱ eſĩeo̱ ši, ni anyẽẽ atſa, eṅã́a mo yi, ni anyẽẽ agble.

¹⁵Na, *etšĩo̱ nui anā, ni ame̱mĩo̱; ni esā eṅmẽo̱ame̱ gbe, ni †ame̱butuo šikpoṅ. [65]

¹⁶Le̱ noṅṅ edeṅ hewale̱ ke̱ ſeremo̱ yo̱; enõ dši moni ašišiuo̱ ke̱ šišiulo̱ le̱ fẽ.

¹⁷Ekplo̱ö̱ adšinafoi ahe nii ni eke̱-ame̱ yaä, ni ehãa kodšolo̱i hũ tšṍmoo̱ kwašiai.

¹⁸Ešõo̱ maṅtše̱mei adeṅ hewale̱, ni ewoo̱ ame̱he kpã.

¹⁹Ekplo̱ö̱ oso̱foi ahe nii ni eke̱ame̱ yaä, ni mei ní efĩ ši šiṅṅ le̱ etšire̱o̱ame̱ etſiaä ši.

²⁰Ehãa ane̱kwafoi to̱ö̱ mū, ni ešõo̱ onukpai adſẽṅmo̱.

²¹Eṅõo̱ heguo̱gbĕle eſĩeo̱ abladei ano̱, ni efẽneo̱ hewalo̱i amlifĩnii.

²²Edšieo̱ nibii ni mli kwŏ̱lo̱ le̱ akpo ke̱-dše̱o̱ duṅ mli, ni eke̱ gbĕlehõṅ dšeo̱ kpo ke̱-baä la hĩe.

²³Ehãa dšeṅmãdši le̱ ſereo̱, ni esā ekpãtãa ame̱hĩe; elē̱o̱ dšeṅmãdši le̱ amli, ni esā elōo̱ame̱ ke̱-yaä.

²⁴Ešõo̱ šikpoṅ le̱ no̱ maṅbii le̱ anukpai le̱ adſẽṅmo̱, ṅi ehãa ame̱tšomloo̱ ye̱ ṅāno̱ heni gbe be̱;

²⁵ame̱gbugbūo̱ ši ye̱ duṅ ní la be̱ mli le̱ mli, ni ehãa ame̱dĩdãa tamo dā̃to̱lo̱. [66]