Read luganda Hiob 13 Bible Online

Hiob 13 - luganda bible

Hiob 13

¹Na, mihĩṅme̱i ena ene̱ fẽ, mitoi hũ enu ni ena šiši.

²Bo̱ni nyele le̱, mi hũ mile; ni nyefèèmi. [67]

³Ši mi le̱, Ofe le̱ moṅ mike̱-awie, ni mitao ake mike̱ Mawu ayiyi.

⁴Ši nye le̱, mei ni foo̱ sane tãa dšinye, tšofãtše̱mei gbohĩĩ dši nyefẽ.

⁵Ō, efãṅ nõ moṅ ní nyebu nyenā, kũle̱ no aatsṍ nyenilē. [68]

⁶Nyeboa miyiyimo̱ le̱ toi, ni nyekaä toi nyehãa nādšiemo̱i ni dšeo̱ minā le̱.

⁷Aso nyeakē̱ noni edšaa nyehã Mawu, alo nyeawie šišiumo̱ wiemoi nyehãle̱?

⁸Aso esane le̱ he nyesãa nyehãle̱ ne̱, alo bé nyebéo̱ nyehã Mawu?

⁹Ani, ké̱ ekē̱ eetao nyesãdši amli le̱, aabi, alo nyealakale̱, tamo̱ alakaä ádesã?

¹⁰Ke̱dši nyekwe̱o̱ mei ahĩeaṅ ye̱ tē-mo̱ mli le̱, kã kẽ ebakã nyehĩe.

¹¹Aso egbodšē le̱ woṅ nyehe gbeyei, ni ehe ṅmiṅmi hũ mõṅnye be̱?

¹²Nyekaimo̱ wiemo̱i le̱ lamlu abe̱i ni, ni nyehe fãmo̱hei le̱ sũ hefãmo̱hei ni.

¹³Nyebua nyena, nyekwe̱ami, koni mawie, ni noni aaba mino̱ le̱ aba!

¹⁴Mẽhewo̱ maṅõ mihelo makõ mina, ni mahĩe miwala ye̱ mideṅ?

¹⁵Ké̱ gbe eegbeo̱mi po le̱, le̱ mikwe̱o̱; mafã migbè̱i le̱ ahe ye̱ ehĩe kẽ.

¹⁶Ene̱ noṅṅ baha ahĩ ahãmi; edšake̱ mofõṅ nyẽṅ ehĩe aba.

¹⁷Nyeboa miwiemo̱ le̱ toi dšogbāṅ, ni nyehãa noni midšadšeo̱ le̱ hũ abotea nyetoiiaṅ.

¹⁸Agbe̱ne̱ na, mito misane le̱ gbe̱dšiano̱; mile ake̱ mibaye bem.

¹⁹Namo dši moni ke̱mi baná le̱? Edšake̱ no le̱ mafe diṅṅ ni magbo!

²⁰Nibii enyo̱ pe̱ okafemi, no le̱ mítēṅ mihe ye̱ ohĩe:

²¹Dšiemo̱ onine ye̱ mihe ke̱-ya se̱ fle̱ṅṅ, ni kāhã ohe ṅmiṅmi bũ mīmõmi! [69]

²²No le̱ tsé̱mi, ni mahereo no̱; alo oha mawie, ni ohãmi hetō.

²³Minišaianii ke̱ mihe ešai le̱, enyie ni? Tšõmo̱mi mino̱tõmo̱ le̱ ke̱ mihe eša le!

²⁴Mẽba oke ohĩe tēo̱, ni obuo̱mi ake̱ ohenye̱lo̱? [70]

²⁵Aso ookposa bā ní kō̱yo̱ ehūle̱, ni oonyie gbetšeli ní egbi hũ se̱?

²⁶Edšake̱ oṅmã nii ní dšõo̱ ošimi, ni ohã miye miblahĩaṅ tõmoi le̱ amli nii. [71]

²⁷Asaṅ obo̱ minãdši apã, ni ohĩe kă migbē̱i le̱ fẽ he; minãdšifãmo̱i hũ owo he hũsũ.

²⁸Tše̱ mitamo̱ noko ní ešra ni ekpo̱to̱, tamo̱ mama ni omlẽgẽ eye.