Read luganda Hiob 16 Bible Online

Hiob 16 - luganda bible

Hiob 16

¹Ke̱ke̱ ni Hiob here no̱ ni ekē̱:

²Minu sãdši ni tamo̱ ene̱mei āhũ; nyefẽ le̱, mīše̱dšelo̱i gbohĩĩ dšinye!

³Aso yakawiemo̱i ne̱ agbeṅ nā? lo meni ta omli ni ohere no̱ ne̱?

⁴Edši nyesusuma badše misusuma nãdšian kũle̱, mi hũ manyẽ mawie tamo̱ nye noṅṅ, matẽre wiemo̱i maſie nyeno, ni *mahoso miyitšo mawonye! [89]

⁵Kũle̱ hewale̱ moṅ mike̱ minābu aawonye, ni kpóohãmo̱ ni aadše minā le̱ aaha nyew̌ere̱bō le̱ nā aba ši!

⁶Ké̱ miwie le̱, mipīmo̱ le̱ edšo̱o̱; ni kē̱ mifo hũ, té mihe ni edšo̱miṅ?

⁷Ši agbe̱ne̱ ehã eto̱mi; ohã mihe gbomei fẽ etā.

⁸Ohã mikuãkuãi, ni ene̱ yeo̱ odase šio̱mi; ni milōtã le̱ hũ ete ši ewomi, eye odase ye̱ mihĩe!

⁹Etšere̱ mimli ye̱ emlifũ le̱ mli, ni ebe̱mi ewo emli; *ekpeo̱ enyãnyõdšĩ ašišĩ ewoo̱mi, ni etšuo̱ ehĩenme̱ii eſieo̱ mino̱ tamo̱ henye̱lo̱. [90]

¹⁰*Ame̱gbe̱o̱ ame̱dāṅ ame̱woo̱mi; ame̱gblaä mitoiṅ ke̱-bo̱mi ahora; ame̱buabuaä ame̱he nā ame̱woo̱mi. [91]

¹¹Mawu eṅõmi ehã mofõṅ, ni eše̱mi efo efõṅfelo̱i adeṅ.

¹²Kũle̱ miye̱ hedšo̱le̱, ši edſrami wo̱tšo̱wo̱tšo̱; emõ mikue̱ ni ekũmo̱mi duku-duku; asaṅ ewó mino̱, *eṅõmi efe oti ehã ehe. [92]

¹³Egãitšẽlo̱i le̱ bo̱lemi ke̱kpe; egbla misabai amli, ni ekõõ eflii; efo̱se midro̱ eſie šikpoṅ.

¹⁴Epila mihei sro̱toi; etšẽ ke̱-ba mino̱ tamo̱ ekãlo̱.

¹⁵Mikpe̱ *kpekpe miha mihewolo no̱, ni miṅõ miklonto le̱ mifo sũ mli. [93]

¹⁶Yāſó so̱ṅṅ ehã mihĩe etšu fō̱, ni gbēlehõṅ eha mihĩṅme̱iiase̱;

¹⁷tše̱ yiwale̱ ko be̱ mideṅ, ni mifaikpamo̱ hũ ye̱ kro̱ṅṅ.

¹⁸Šikpoṅ, kāha milá le̱ no̱! ni kāhã miblo̱mo̱ le̱ mīná hedšō̱mo̱he! [94]

¹⁹Amrõmrõ ne̱ tete na, ṅwei midasefonyo yo̱, ni mĩhefã́lo̱ hũ ye̱ ṅwei flōflo.

²⁰Minanemei tete miye mihe fe̱o; ši Nyoṅmo mihĩṅmei amli kplaä nu hãa, [95]

²¹ni edamo̱ mli ehã gbomo ye̱ Nyoṅmo̱ hĩe, tamo̱ gbomobi damoo̱ mli hãa enanyo le̱.

²²Edšake̱ afii fio se̱ le̱ *mibaya heni ké̱ mite ni mibaṅ doṅṅ le̱. [96]