Read luganda Hiob 18 Bible Online

Hiob 18 - luganda bible

Hiob 18

¹Ke̱ke̱ ni Bildad, Šuhinyo le̱, here no̱ ni ekē̱:

²Mẽ beyino̱ noṅṅ nyeagbe wiemo̱i anā? Nyedſẽṅa he, dãni wo̱wie!

³Mẽhewo̱ ahuo̱wo̱ tamo̱ koloi, ni wo̱tšṍmo mei ní be̱ yitšeĩaṅ ye̱ nyehĩe ne̱? [101]

⁴Bo ni otšere̱o̱ bodientše̱ osusuma ye̱ omlifũ mli le̱, aso ohewo̱ le̱ aašĩ šikpoṅ le̱, ni aatši tesã ke̱-dše̱ emăhe?

⁵Meifõdši akane le̱ aagbo, ni ela le̱ lalile̱i hũ kpeṅ. [102]

⁶La aawo duṅ ye̱ ebũ le̱ṅ, ni ekane le̱ hũ aagbo ye̱ emase̱i.

⁷Enãdšifãmo̱i ni mli wa le̱ amli elē̱ṅ doṅṅ, ni le̱dientše̱ eṅāwō le̱ aatšile̱ atſa ši.

⁸Edšake̱ le̱dientše̱ enãdši šaäle̱ woo̱ yā mli, ni ntãṅi ano̱ enyieo̱.

⁹Tšõne aadũ enanetšĩtši, ni mõmo̱kpā hũ aamõle̱.

¹⁰Ake̱ aša etē šikpoṅ ehãle̱, ni atšõ̀le̱ akpa ye̱ gbe le̱ no̱.

¹¹Ṅmiṅmii aamõle̱ ye̱ ehefẽhe ke̱-akpe, ni eenyie enãdši ase̱ kpākpa. [103]

¹²Ošrã mīye ehe hõmo̱, ni amanehũlũ kpaã ye̱ emase̱i.

¹³Eeye ehewodšiaṅ flā, gbĕle kromo̱bi le̱ aaye egbomotšo henii le̱.

¹⁴Aafã ehĩeno̱kãmo̱ le̱ ke̱-adše̱ ebū le̱ṅ, ni aatšire̱ eyi se̱ ke̱-ate ṅmiṅmii amaṅtše̱ le̱ ṅō.

¹⁵Noni dšee le̱dientše̱ enõ le̱, no aahĩ ebū le̱ mli; aagbe̱ awō̱ aſã ešihīle̱he le̱ no̱.

¹⁶Ešišifãi le̱ aagbĩ ye̱ šišigbe̱, enidši hũ aaṅãlã ye̱ ṅweigbe̱.

¹⁷Ekaimo̱ aalādše ye̱ šikpoṅ le̱ no̱, ni atšĩṅ egbe̱i atã ye̱ blohũṅ. [104]

¹⁸Aaſiele̱ ke̱-adše̱ la hĩe ke̱-ate duṅ mli, ni aawole̱ foi ke̱-adše̱ dše ne̱ṅ.

¹⁹Enáṅ bi lo nābi ye̱ emaṅbii ateṅ; asaṅ eſe̱ṅ mokomoko ye̱ ehĩle̱he le̱.

²⁰Mei ní yo̱ anaigbe̱ le̱ ahe aadšõ ame̱he ye̱ *egbĩ le̱ hewo, ni mei ni yo̱ bokãgbe̱ le̱ hũ ṅmiṅmi aamõmoame. [105]

²¹Bo̱ pe̱ ni mei ni edšaa le̱ ašihĩle̱hei ke̱ moni lee Mawu le̱ gbe̱he yo̱ ne̱!