Read luganda Hiob 19 Bible Online

Hiob 19 - luganda bible

Hiob 19

¹Ke̱ke̱ ni Hiob here no̱ ni ekē̱:

²Mẽ beyino̱ nyeagba misusuma nā ni nyeke̱ wiemo̱i aakũmo̱mi dukuduku ke̱-yaši?

³Šii nyoṅma so̱ṅṅ ne̱ ni nyeboami ahora, aso efeenye hĩegbĕle ake̱ nyefeo̱-mi šē̱i ne̱ke̱?

⁴Ni kē̱ eye̱ mli ake̱ midũ gbe̱ le̱, midientše̱ mino̱ migbe̱dũ le̱ kã.

⁵Ke̱dši nyemītao nyewó nyehe no̱ yo̱ mino̱, ni nyekã mihĩe ye̱ mihorabō̱ le̱ hewo̱ le̱,

⁶no le̱ nyenáa nyelea ake̱ Nyoṅmo̱ etšṍ mihĩe ebu ši ni eke̱ eyā le̱ ebo̱le-mi ke̱-kpe.

⁷Na, miblo̱ö̱ ye̱ yiwale̱ hewo̱, ši ahereemi no̱; miboo ni aye abuami, ši ayee misane le̱ ahããmi. [106]

⁸Efo afãbaṅ ewo migbe̱ le̱ he, ni minyẽẽ maho, ni ehã mitempõṅi le̱ ano̱ ewo duṅ. [107]

⁹Ekpo minumnyam le̱ ye̱ mihe, ni edšie akekre le̱ ye̱ miyitšo.

¹⁰Ekũmo̱mi ye̱ hefẽhe ke̱-kpe, ni egbe nā ehãmi, ni efã mihĩeno̱kãmo̱ le̱ ta-mo̱ tšo.

¹¹Asaṅ emli wo la womi, ni *ebumi tamo̱ ehenye̱lo̱i le̱ eko. [108]

¹²Etabilo̱i asafoi blūblu ba šikome, ni ame̱fo sá ame̱wo mihe, ni ame̱bo̱ nsra ke̱-bo̱le mibū le̱. [109]

¹³Eṅõ minyemimei le̱ ke̱-dše̱ mihe ke̱-te šoṅṅ, ni mei ní lemi le̱, tšṍmo̱ mei kpõdši ame̱hãmi. [110]

¹⁴Miwekumei egbla ame̱he ši, ni mišientše̱mei le̱ ahĩe ekpa mino̱. [111]

¹⁵Mišĩabii ke̱ mitšũdšiyei buo̱mi tamo̱ gbo, mitšṍ mokpõṅ ye̱ ame̱hĩe.

¹⁶Mitšé̱o̱ mitšũlo̱, ni efoo midāṅ; mike̱ minābu kpaäle̱ fai tete.

¹⁷Mimumo̱ edše fũ ewo *miṅã, ni minyemũsũṅbii po mihe edše fũ ewoame. [112]

¹⁸Gbekẽbii tete gbeo̱ mihe guo̱; ké̱ mite ši le̱, ame̱wieo̱ mihe. [113]

¹⁹Mišientše̱mei fẽ enyãṅemi, ni mei ni misumoo̱ le̱ etšṍmo̱ ame̱hĩe ewomi. [114]

²⁰Miwui ekpe̱te̱ mihewolo ke̱ mihelo he, ni mitẽlo pe̱ eſe̱ ehãmi. [115]

²¹Nyenaämi mo̱bo̱, nyenaämi mo̱bo̱, minanemei; edšake̱ *Nyoṅmo̱ nine esa mihe! [116]

²²Mẽba nyewaämi yi tamo̱ bo̱ni Mawu efemi le̱, ni mihelo le̱ hũ še̱e̱ nyenā? [117]

²³Miná ní kũle̱ aṅmã miwiemo̱i le̱, ni akadi awo wolo mli!

²⁴Ni ake̱ dade woloṅmãnõ ke̱ sumui akpe ye̱ te̱sā no̱, koni ehĩ ši dā!

²⁵Ši *mile ake †mikpõlo̱ le̱ hĩe ka, ni nāgbē le̱ eedamo sũ no; [118]

²⁶ni ke̱dši akpãtã mihewolo hĩe ne̱ke̱ se̱, ní helo be̱ mihe le̱, mana *Nyoṅmo̱! [119]

²⁷Le̱ noṅṅ makwe̱ mahã mihe, ni mihĩṅme̱ii aanale̱, ni dšee mo-kpõṅ ko! Misabai mītã ye mimli! [120]

²⁸Ké̱ nyeakē̱ ake̱: Té wo̱o̱fe tēṅ wo̱-wale̱ yi, ni wo̱na sane ko ye̱ ehe? le̱,

²⁹nyešea klante gbeyei; edšake̱ mli-fũ nyieo̱ no̱tõmo̱i ní sa klante le̱ ase̱, koni nyená nyele ake̱ kodšomo̱ ko ye̱.