Read luganda Hiob 2 Bible Online

Hiob 2 - luganda bible

Hiob 2

¹Asaṅ eba mli ake̱ gbĩ ko, beni Nyoṅmo̱ bii le̱ ba ní ame̱badamo̱ Iehowa hĩe le̱, satan hũ futuame̱ ke̱-badamo̱ Iehowa hĩe. [8]

²Ni Iehowa kē̱ satan ake̱: Nẽgbe̱ odše̱? Ni satan to he hã Iehowa ake̱: Midše̱ šikpoṅ le̱ no̱ šikpā ke̱ eno̱ ši-šĕramo̱.

³Ni Iehowa kē̱ satan ake: Ani oṅõ otšui ofõ mitšũlo̱ Hiob hũ no̱ lo? Edšake̱ mokomoko be̱ ni tamo̱le̱ ye̱ šikpoṅ le̱ no̱, edši nū *ni kpa ko be̱ ehe ni edša, ešeo̱ Nyoṅmo̱ gbeyei, ni eso̱leo̱ ehe ye̱ efõṅ he; ni asaṅ ehĩe eno̱kwayeli le̱ mli kpẽṅṅ lolo, tše̱ ohã mite ši míwole̱ ní mikpãtã ehĩe yakatſā! [9]

⁴Ši satan to he hã Iehowa ake̱: Ake̱ hewolo hãa ye̱ hewolo nãdšiaṅ, ni nofẽno ni moko yo̱ le̱ eṅõ-hãa ye̱ ewala hewo̱!

⁵Ši agbe̱ne̱ kpā onine mli, ni ota ehelo ke̱ ewu he, ake ekwaṅo ye̱ ohĩe lo!

⁶Ke̱ke̱ ni Iehowa kē̱ satan ake̱: Na, eye odeṅ; ši ewala yi ke̱ke̱ obā!

⁷Ke̱ke̱ ni satan dše Iehowa hĩe ete, ni e̱hā asãnei ní dšraă tšẽrë Hiob ke̱-dše̱ enanešĩ āhũ ke̱-yaši eyiteṅ pampam.

⁸Ni eko̱ ṅe̱sũkó ni eke̱-wamoo̱ ehe, ni eho etá lamlu mli.

⁹Ke̱ke̱ ni *eṅã kē̱le̱ ake̱: Ohĩe ono̱kwayeli ne̱ mli kpēṅṅ lolo lo? Kwa Nyoṅmo̱ ní ogbo! [10]

¹⁰Ši ekē̱le̱ ake̱: Owieo̱ tamo yei bului le̱ eko wieo̱. Ei, nõkpakpa le̱ wo̱-he ye̱ Nyoṅmo̱ deṅ, ši nõfõṅ le̱, no le̱ wo̱kahe lo? *Ene̱ fẽ mli le̱ Hiob ke̱ enābu efee eša ko. [11]

¹¹Agbe̱ne̱ beni Hiob nanemei etẽ le̱ nu amanehũlũ ni eba eno̱ ne̱ fẽ he-le̱, ame̱teṅ mofẽmo dše̱ heni eyo̱ eba, Elifaz, *Temannyo le̱, ke̱ Bildad, †Šuhinyo le̱, ke̱ Zofar, **Naamanyo le̱, ni ame̱nä fe ekome ake̱ ame̱ate ame̱yayele̱ ṅko̱mo̱ ni ame̱še̱dše emī. [12]

¹²Ni ame̱hole ame̱hĩṅme̱ii ano̱ ye̱šoṅṅ, ši ame̱yoole̱; ke̱ke̱ ni ame̱hole ame̱gbēi ano̱ ni ame̱fó, ni ame̱teṅ mofẽmo gbla ehe atadei, ni ame̱gbe̱ mlu ke̱-te ṅwei ame̱wo ame̱yiteaṅ.

¹³Ni ame̱bo ame̱trá ehe ye̱ šikpoṅ nyōṅnyōṅ ke̱ ſanefane gbĩĩ kpawo so̱ṅṅ, ni mokomoko ke̱le̱ ewiee wiemo ko; edšake̱ ame̱na ake̱ ēna nõ babaō dientše̱.