Read luganda Hiob 22 Bible Online

Hiob 22 - luganda bible

Hiob 22

¹Ke̱ke̱ ni Elifaz, Temannyo le̱, here no̱ ni ekē̱:

²Ani ádesã ko he ye̱ se̱námo̱ hã Mawu? Moṅ nilelo̱ le̱, le̱dientše̱ enáa ehe se̱!

³Ani ké̱ dšalo̱ dšio le̱, Ofe le̱ náa se̱ ko ye̱ mli? alo ké̱ oha ogbè̱i le̱ ye emū le̱, enáa noko ye̱ mli?

⁴Aso o-Nyoṅmo̱ gbeyeišemo̱ hewo̱ ekaa ohĩe ni eke̱o yeo̱ sane ne̱?

⁵Ani dšee onifõdšianii le̱ ni fá babaō, ní onišaianii le̱ alee nā?

⁶Edšake̱ oheo̱ awaba ye̱ onyemimei adeṅ yakatſã, ni heyayaiatše̱mei hũ o kplaä ame̱he mamai. [137]

⁷Moni eto̱le̱ le̱, ohããle̱ nu enu, ni moni hõmo̱ eyele̱ hũ, okãmãale̱ abolo. [138]

⁸Ši gbomo ni nineši wa le̱, le̱ enõ dši šikpoṅ le̱; ni moni hĩe yo̱ nyam le̱, le̱ ehĩo̱ no̱.

⁹Yei okũlafoi le̱ ofieo̱ame̱ ke̱ ame̱-dẽ flo, ni awusãi le̱ okũmoo̱ ame̱nidši. [139]

¹⁰Nohewo le̱ tšõnei ebo̱leo ke̱-kpe, ni ṅmiṅmi mõo̱o trukā!

¹¹Alo onaa duṅ ke̱ nu afua ní eha ono̱ le̱?

¹²Nto Nyoṅmo̱ kwo̱ fè ṅwei? Ni kwe̱ ṅulamii akwo̱le̱, bo̱ni ame̱kwo̱ ame̱hã!

¹³Nĩ okē̱o̱ ake̱: Meni Mawu le? Ani eenyẽ etšṍ duṅ kpī ne̱ mli ekodšo?

¹⁴Atatui dši ehehānõ, hewo̱ le̱ enaa nii; ni ṅwei ati le̱ mli ešẽraä ši ye̱.

¹⁵Ani oonyie blema gbe̱ le̱ ni meifõdši nyie no̱ le̱ no̱?

¹⁶mei ni alōame̱ ke̱-te *dãni še̱ ame̱-be, ni †amešišitō le̱ tšṍ nu tamo fā? [140]

¹⁷Mei ni kē̱ Mawu ake̱: Dše wo̱no̱! Ni asaṅ: Meni Ofe le̱ aanyẽwo̱ afe le? [141]

¹⁸Tše̱ ewo ame̱šĩai obõbõ ke̱ nii kpakpai, — ši *meifõdši aṅāwō le̱ akagbalemi fō̃ṅfõ! [142]

¹⁹Dšalo̱i naa, ni ame̱mī še̱o̱ ame̱he; ni mei ni efeko efõṅ ko le yeo ame̱he feo, [143]

²⁰ame̱kē̱o̱ ake̱: “Le̱le̱ṅ mei ní te ši wowo̱ le̱ akpãtã ame̱hĩe, ni ame̱nii ni ſe̱ le̱, la ešā.”

²¹Agbe̱ne̱ ṅõ ohe obo̱ ehe, ni ohe aadšo̱o; no no̱ aatšṍ ni aahĩ ahão!

²²Nohewo le̱ mõ nitšõmo̱ ni dšeo̱ enā le̱ mli, ni oṅõ ewiemo̱i le̱ oto otšuiṅ!

²³Ke̱dši okũ ose̱ ke̱-te Ofe le̱ ṅõ le̱, aatſao amã ši; ke̱dši oodšie musunii ke̱-dše obu le̱ṅ ke̱-ya nenēne le̱ — [144]

²⁴ṅõ ošikasũ le̱ owo mlu mli, ni oke̱ *Ofir šika awo fāi amli tei amli! — [145]

²⁵ni Ofe le̱ aatšṍ ošika ke̱ dſie̱te̱i babaō hũ ahão.

²⁶No le̱ *omli aaflio ye̱ Ofe le̱ he, ni oowó ohĩe no̱ ohã Nyoṅmo̱. [146]

²⁷Ookpale̱ fai, ni eeboö toi, ni oowo ošiwōi le̱ anyõmo̱. [147]

²⁸Ooto oyiṅ ye̱ noko hewo̱, ni aahã aba mli ahão; ni la aakpe ye̱ ogbē̱i le̱ ano̱.

²⁹Ke̱dši ame̱mīmã ame̱nã ši le̱, ookē̱: Aawo no̱! ni hešibalo̱ le̱, aahere eyi wala. [148]

³⁰Moni yee bem tete le̱, aadšiele̱: aadšiele̱ ye̱ odeṅ tšemo̱ nā. [149]