Read luganda Hiob 27 Bible Online

Hiob 27 - luganda bible

Hiob 27

¹Ni Hiob sā wó ebe̱bua le̱ no̱ ni ekē̱:

²Gbĩĩabo̱ kẽ ní Mawu ní tſa misane le̱ fõ le̱, ke̱ Ofe le̱ ní hã misusuma w̌ere̱ ho ehe le̱ hĩe kã ne̱: —

³gbĩĩabo̱ fẽ ní miwala yo̱ ſeſēſe ye̱ mimli, ni Nyoṅmo̱ mumo̱ yo̱ migugõ mli lolo ne̱: —

⁴Ke̱dši minābu aawie nii ni edšaa, ni milile̱i hũ aadšadše šišiumo̱ sane fĩ! [162]

⁵Ene̱ akagbalemi ake̱ mabunye bem; mibemyeli le̱ miṅmẽṅ he ke̱-yaši beyino̱ ni magbo.

⁶Mihĩe midšale̱ le̱ mli kpẽṅṅ, ni miṅmẽṅ he; *mitšui hũ ewiee mihĩe ye̱ miwala gbĩĩ le̱ eko hewo. [163]

⁷Mihenye̱lo̱ le̱ aatšṍ tamo̱ mofõṅ, ni moni ete ši ewomi le̱ hũ aatšṍ tamo̱ nõšafelo̱!

⁸Edšake̱ meni dši mofõṅ hĩeno̱kãmo̱, beni Nyoṅmo̱ efole̱ eše̱ efō ni eṅõ esusuma ke̱-te? [164]

⁹Ké̱ fĩmo̱ ba eno̱ le̱, ani Nyoṅmo̱ aabo eblo̱mo̱ toi?

¹⁰Ani emī še̱o̱ ye̱ Ofe le̱ hewo̱, alo etšé̱o̱ Nyoṅmo̱ befèbe?

¹¹Matšõnye bo̱ni Mawu nine yo̱; noni yo̱ Ofe le̱ ṅõ le̱, mišiuṅ no̱.

¹²Na, nyefẽ-tſẽm nyena; bĕle̱ mẽhewo̱ mo̱ ni nyedſẽṅo̱ yaka dſẽnmo̱i ne̱?

¹³Ene̱ dši gbomo fõṅ gbe̱fãṅnõ ni enaa ye̱ Mawu deṅ, ni yiwalo̱i agbošinii ni ame̱náa ye̱ Ofe le̱ deṅ ne̱:

¹⁴Ke̱dši ebii ayi fá babaō le̱, klante ame̱fáa ame̱hāa; ni eſĭei le̱, abolo še̱ṅ ame̱nã. [165]

¹⁵Emei ni aaſe̱ le̱, aafũame̱ ye̱ gbĕlehela mli, ni ekũlafoi le̱ fóṅ tete.

¹⁶Ke̱dši ebua dſie̱te̱i nā tamo̱ mlu, ni ebua atadei anā eto tamo̱ sũ po:

¹⁷ebua nā moṅ, *ši dšalo̱ bawo, ni dſie̱te̱i le̱, mei ní he be̱ tõmo̱ le̱ badša mli. [166]

¹⁸Emãa etšũ tamo̱ kōkōſrãm, tamo̱ asese ni bulo̱ fe.

¹⁹Ehoo̱ ekaa ši ake̱ niiatše̱, ši eſeṅ nakai doṅṅ; egbleo̱ ehĩṅme̱ii, ši ebe doṅṅ.

²⁰Ṅmiṅmii lōo̱le̱ tamo̱ nu babaō, ahum dšuo̱le̱ ke̱-yaä nyōṅ.

²¹Bokã kō̱yo̱ wóo̱le̱ ke̱-yaä, ni ebē̱o̱le̱ ke̱-dše̱o̱ ehĩle̱he le̱.

²²Nyoṅmo̱ aatšẽ ke̱-aba eno̱, ni ebāṅ eyi; eetao foi edše ke̱-dše̱ edeṅ.

²³Mei aatſatſā ame̱dẽi awole̱, ni ame̱-akpã ble fĩfĩ ame̱awole̱ ke̱-adše̱ egbe̱he le̱.