Read luganda Hiob 3 Bible Online

Hiob 3 - luganda bible

Hiob 3

¹Ene̱ se̱ le̱ Hiob gble enā ni elomo̱ egbĩ.

²Ni Hiob wó ena no̱ ni ekē̱:

³Hã *gbĩ ní afo̱mi ye̱ no̱ le̱ alādše, ke̱ nyōṅ ní kē ake̱: Aná binū mũsũ! le̱. [13]

⁴Hã ní duṅ awo nakai gbĩ le̱: Nyoṅmo̱ akadše̱ ṅwei ēbi ešĩ, ni dšeṅ hũ akatše ye̱ eno̱!

⁵Hã ní duṅ ke̱ gbĕlebō̃ṅ aṅõle̱; hã atatu kabitī ahĩ eno̱, noni hãa duṅ woo̱ ſane awo ehe gbeyei!

⁶Nakai nyōṅ le̱ hũ, hã ni duṅ kabitī amõle̱; kahã ēná mīše̱ ye̱ afi mli gbĩĩ le̱ ateṅ, akabule̱ aši nyõdši le̱ ayibo̱ le̱ no̱!

⁷Na, nakai nyōṅ le̱ afe kene, nyã́mo̱ lala akaba mli!

⁸Hã mei ní lomoo̱ gbĩ le̱ alomo̱le̱, mei ní le leviatan hĩe lawō le̱!

⁹Hã emãṅkẽ ṅulamii le̱ awo duṅ; hã etao la, ši ekana eko; ni asaṅ ekana hũlũhāi gblamo̱;

¹⁰edšake̱ eṅã́ã́ minye mũsũ nā, ni eṅõõ haomo̱ etēē-mihĩṅme̱ii!

¹¹Mẽba migboo ye̱ minye mũsũṅ bē-be? Ni mẽba mĩtšṍṍ mihe, beni midše̱ fo̱mo̱be le̱?

¹²Mẽhewo̱ ſuo̱ hemi fõ eno̱? Ni mẽba miná fufo̱ miye?

¹³Kũle̱ bene̱ mikã ši kpō; kũle̱ mi-wo̱, ni mihe edšō̱mi,

¹⁴mike̱ maṅtše̱meĩ ke̱ šikpoṅ le̱ no̱ adšinafoi ní mãmoo̱ tšūi fodši ame̱hãa ame̱he le̱;

¹⁵alo mike̱ lumei hũ ni yo̱ šika le̱, mei ni ke̱ dſie̱te̱i ewo ame̱šĩai obõbõ le̱;

¹⁶lo mife tamo šrãkemo̱bi ni afũle̱ ni ebe̱, lo tamo̱ abifabii ni enaa la le̱.

¹⁷Dše̱i le̱ efõṅfelo̱i efõ mo haomo̱; ni dše̱i le̱ mei ní eto̱ame̱ le̱ ewo ame̱tšui.

¹⁸Dše̱i le̱ gbokle̱foi fẽ ahe edšō̱ame̱, ame̱nun kplalo̱ le̱ gbē doṅṅ.

¹⁹Dše̱i le̱ mo bibiõ ke̱ mo wulu fẽ pe̱pē̱pe̱, ni nyṍṅ hũ eye ehe ye̱ enuntšo̱ deṅ.

²⁰Mẽba aṅõ la abã moni ehao le̱, ni ahãa moni were̱ eho ehe le̱ hũ yi náa wala?

²¹Mei ní ſeo̱ gbĕle, ní ebaa, ni ame̱-tšaä ši ame̱taoo̱ fè dſetrii ní aṅõ-tē le̱; [14]

²²mei ṅi ame̱mī še̱o̱ ame̱he babaō, ni ame̱nyãa ké̱ ame̱na gbonyobu le̱,

²³ke̱ nū ni aṅõ egbe̱ atē, ni Nyoṅmo̱ *esá eyi le̱? [15]

²⁴Edšake̱ ké̱ mibaye nii pe̱ mikẽmo̱i le̱ eba, ṅi miblo̱mo̱i le̱ fo̱seo̱ ſieo̱ ši ta-mo̱ nu.

²⁵Edšake̱ nóṅi mišeo̱ le̱, no noṅṅ eba míno̱ ne̱, ni noni mitšui fãa ye̱ he le̱, no noṅṅ ebaninami ne̱.

²⁶Mihe edšo̱komi, nī mináko miyitšo tōhe, ni mitšui enyõko mimli, ši kẽle̱ haomo̱ miba lolo!