Read luganda Hiob 30 Bible Online

Hiob 30 - luganda bible

Hiob 30

¹Ši agbe̱ne̱ mei ni miyeame̱ onukpa mĩṅmõmi, mei ní mibuu ame̱tse̱mei bo̱ni mike̱ame̱ aawo mitōiku he gbēi le̱ ateṅ le̱. [179]

²Ame̱ninešiwale̱ le̱, mē se̱ mibaná ye̱ mli? mei ní ame̱he wale še̱ṅ hekoheko ne̱!

³Ohĩa ke̱ hõmo̱ ehã ame̱trã lō, ame̱-kpeo̱ nii ye̱ šikpoṅ gbĩṅ ke̱ ṅã kpatā ke̱ ole̱ṅle̱ no̱;

⁴ame̱tšere̱o̱ ṅõbāi ye̱ kow̌eii amli, ni bāisā šišifãi dši ame̱bolo.

⁵Aſieame̱ ke̱-dše̱ gbomei ateṅ; awo ame̱yi hũ tamo̱ awo̱ö̱ dšulo̱ yi.

⁶Dšō̱i amli hei ni yo̱ gbeyei ame̱-hĩo̱, ke̱ šikpoṅ bui ke̱ te̱kploi amli hũ.

⁷Ame̱blo̱ö̱ ye̱ kow̌eii amli, ame̱buaä ame̱he nä ye̱ sansrõi ašiši;

⁸obudãṅi abii ke̱ yakagbomei abii dšiame̱, ayiame̱ aſieame̱ ke̱-dše̱ šikpoṅ le̱ no̱.

⁹Ši agbe̱ne̱ mitšṍ ame̱dāṅ lala, ni mitšṍ ame̱fe̱oyeli wiemo po. [180]

¹⁰Ame̱nyãṅeo̱mi, ame̱gbla ame̱he ši ke̱-dše̱ mihe ke̱-te se̱ fle̱ṅṅ, ame̱hĩe gboo tete ake̱ *ame̱fẽ̀ ladšõ ame̱ſie mihĩe. [181]

¹¹Edšake̱ Nyoṅmo̱ efẽne mikpã le̱, ni ebami ši; hewo le̱ ame̱še̱ manyofie̱ ame̱fõ ye̱ mihĩe.

¹²Yakagbomei teo̱ ši ye̱ mininedšũrõ no̱; ame̱tšio̱ minane ke̱-yaä se̱, ni ame̱-foo̱ hĩekpãtãmo̱ sá ame̱woo̱ mihe.

¹³Ame̱fite mitempõṅi le̱, ame̱bo̱ mi-hĩekpãtãmo̱ he mo̱deṅ, tše̱ ame̱be̱ bualo̱ ko.

¹⁴Ame̱ba mino̱ tamo̱ mei ní tšṍ flo le̱ke̱tē̱ mli, kū̃mo̱ le̱ gbē̱mo̱ le̱ mli ame̱-tsṍ ke̱-ba mino̱.

¹⁵Ado̱ gbeyei nibii ayi ke̱-ba mino̱; ame̱lōo̱ mibladeyeli le̱ ke̱-yaã tamo̱ kō̱-yo̱ lōo̱ nii, ni midšũrõyeli hũ eho tamo̱ atatu.

¹⁶Ni agbe̱ne̱ *afo̱se misusuma aſie ye̱ mimli, amanehũlũ gbĩĩ le̱ emõmo̱ mimli hũ. [182]

¹⁷Nyōṅ tete agbulo̱ō̱ miwui le̱ ye̱ mimli, ní mei ni kpeo̱mi le̱ wo̱o̱.

¹⁸Emliwale̱ so̱ṅṅ ehã mitade le su etšake; efĩmi tamo̱ mifiaka kue̱. [183]

¹⁹Eše̱mi efõ ṅmo̱to̱ mli, ni mitšṍ tamo̱ sũ ke̱ lamlu.

²⁰*Miblo̱ö̱ mĩtšé̱o̱o, ši ohereemi no̱; miteo ši midamoo̱ ši, ni okwe̱o̱mi gā̃. [184]

²¹Otšake ohe otšṍ yiwalo̱ ohãmi, oke̱ oninešiwale̱ le̱ mĩwami yi.

²²Owomi otá kō̱yo̱ no̱, ni eke̱mi mīya, ni oosẽremi kwrakwra ye̱ ahum mli.

²³Edšake̱ mile ake̱ oke̱mi bahã gbĕle ni dši šĩa ní hĩekãlo̱i fẽ yakpe ye̱ mli le̱.

²⁴Ši kẽle̱ kū̃mo̱ mli le̱, ani akpãã nine mli? ni ké̱ moko hĩe mīkpãtã le̱, ani eblo̱o̱ etšé̱é̱ bualo̱ lo?

²⁵Ani mifóó mihãã moni yo̱ haomo̱ mli? ni moni efīle̱ le̱, ani esane edo̱o̱ misusuma?

²⁶Ši beni *mikwe̱o̱ nõkpakpa gbe̱ le̱, bĕle̱ nõfõṅ moṅ baä; ni beni mihĩe kã la no̱ le̱, bĕle̱ duṅ moṅ baä. [185]

²⁷Mimlinii tſaä ni ame̱fõõ; amanehũlũ gbĩĩ eninami.

²⁸Mihe edĩ ke̱-nyie, ši dšee hũlũ nā; miteo̱ ši ye̱ asafo mli midamoo̱ ši ni miblo̱ö̱.

²⁹Mitšṍ ṅãṅgbēi anyemi, ke̱ dugumayei ananyo.

³⁰Mihewolo edĩ ni ekpo̱ ye̱ mihe, ni miwui le̱ ešã ye̱ ladō̱ so̱ṅṅ nā.

³¹Nohewo̱ le̱ misaṅkũ le̱ etšṍ ṅko̱moyeli, ni mible̱ le hũ etšṍ yāfóloi agbē. [186]