Read luganda Hiob 32 Bible Online

Hiob 32 - luganda bible

Hiob 32

¹Ke̱ke̱ ni ne̱ke̱ hĩĩ etẽ ne̱ fo Hiob hetō hãmo̱, edšake̱ dsalo̱ dšile̱ ye̱ le̱dientše̱ ehĩṅme̱iiaṅ.

²Ke̱ke̱ ni Elihu, Barakel bi ni dši *Buznyo ni dše̱ Ram weku le̱ mli le̱, mli wo la: emli wo la ewo Hiob, edšake̱ †ebu ehe dsalo̱ fè Nyoṅmo̱; [204]

³emli wo la ewo enanemei etẽ le̱ hũ, edšake̱ ame̱náá hetō ko ame̱hā doṅṅ, ši kẽle̱ *ame̱bu Hiob fo̱. [205]

⁴Ni Elihu mẽ dãni eke̱ Hiob wie, edšake̱ ame̱yele̱ onukpa.

⁵Ši beni Elihu na ake̱ hetō ko be̱ hĩĩ etẽ le̱ anā doṅṅ le̱, emli wo la.

⁶Ni agbe̱ne̱ Elihu, Barakel bi ni dši Buznyo le̱, here no̱ ni ekē̱: Gbekẽ dšimi, ši nye le̱, hĩĩmedši dšinye; hewo̱ le̱ miše gbeyei, ni mimĩĩ ni madšadše noni mile matšõnye.

⁷Mikē̱ ake̱: *Gbĩĩ moṅ awie, nĩ afii babaō adšadše nilē atšõ! [206]

⁸Ši mumo̱ ni yo̱ ádesã mli le̱, ke̱ Ofe le̱ mumo̱ ni emūo̱ le̱ hãa ame̱náa dſẽṅmo̱.

⁹Dšee onukpai ni leo̱ nii, ni dšee hĩĩmedši hũ ni nuo̱ sane šiši.

¹⁰Nohewo̱ ní mikē̱: Nyeboami toi; ni mi hũ matšõ noni mile le̱.

¹¹Na, mikwe̱ nyewiemo̱i le̱ agbe̱, ni mika mitoi mihã nyeyiyimo̱i le̱, ke̱-yasi beyino̱ ni nyeana noni nyeakē̱.

¹²Hē̃, mibonye toi āhũ, ni na, nyeteṅ mokomoko be̱ ní kū wo Hiob nā, lo moni ehã ewiemo̱i le̱ ahetō.

¹³Nyekakē̱a ake̱: “Wo̱ná nilē; Mawu bakũ enā, ši dšee gbomo!”

¹⁴Ši mi le̱, eke̱mi eyiyiko, ni asaṅ dšee nyewiemo̱i ne̱ mike̱-bato he mahãle̱.

¹⁵Ame̱fe yā, ame̱náá hetō ame̱hā doṅṅ; wiemo̱ ko be̱ ame̱nā ní ame̱kē̱o̱.

¹⁶Ake̱-ni mimẽ ní ame̱wiee, ni ame̱ damo̱ ši diṅṅ, ni ame̱hãã hetō ko doṅṅ hewo̱ le̱,

¹⁷mi hũ makē̱ minõ, ni matšõ noni mile.

¹⁸Edšake̱ miyi obõ ke̱ wiemo̱i; mumo̱ ní yo̱ mimli le̱ tšire̱o̱ miyise̱.

¹⁹Mimŭsũṅ tamo̱ wein ní afāko nā; etamo̱ weinto̱i hēi ní heo̱ afie̱.

²⁰Mawie, koni mana mumo̱he; ma gble minā, ni mahã hetō.

²¹Mikwe̱ṅ mokomoko hĩe, ni asaṅ mido̱ko̱n minā mihãṅ gbomo ko.

²²Edšake̱ mileo minādo̱ko̱mo̱ ke̱ mo hãmo̱; kũle̱ bene̱ eſe̱ bibiō, ni mifelo̱ le̱ aaṅõmi ke̱-ate.