Read luganda Hiob 38 Bible Online

Hiob 38 - luganda bible

Hiob 38

¹Ke̱ke̱ ni Iehowa *to he ehã Hiob ke̱-dše̱ ahum mli ni ekē̱: [252]

²Namo dši moni hãa ṅāwō woo̱ duṅ ke̱ wiemo̱i ní nilē be̱ mli ne̱? [253]

³Agbe̱ne̱ mĩamo̱ ohe̱ tamo̱ nū: koni mabio, ni otšõmi! [254]

⁴Beni mito šikpoṅ le̱ šiši le̱, nẽgbe̱ oyo̱? Kē̱ oye̱ dſẽṅmo̱ le̱, dšadšemo̱!

⁵Aso ole *moni to esusumo̱i? lo moni ṅmõ kpa ye̱ no̱? [255]

⁶Meni mli aṅõ ešišinii le̱ atše̱ke̱? lo namo to ekoṅte̱ le̱,

⁷beni lebi ṅulamii le̱ fẽ la nyṍmo̱-lala šikōme ni Nyoṅmo̱ bii le̱ fẽ-kwa bo̱ oše le̱?

⁸Lo namo ke̱ šĩnāi ṅã́ ṅšo̱ le̱ nā, beni efe̱ ni etue ke̱-dše̱ efo̱mo̱he le̱,

⁹beni miṅõ atatu mife ehebo ni mi-ke̱ duṅ kpī hũ fe eheblamo̱ mama le̱,

¹⁰beni mifo hũsũ miwo ehe ni mito se̱ adabaṅi ke̱ šĩnāi le̱, [256]

¹¹ni mikē̱: *Bie̱ ne̱ obaše̱ ni okafo mli, ni ošo̱kei hewolo̱i le̱ awa bie̱? [257]

¹²Ani oba dšeṅ ne̱ ofã́ ni dše etše̱re pẽṅ, alo otšõ hũlũ hāigblamo̱ egbe̱he,

¹³ni emõ šikpoṅ le̱ nāgbẽhei le̱ amli, ni ahwãnyã meifõdši ke̱-dše̱ no̱ aſie?

¹⁴Etšakeo̱ tamo̱ nāso̱omo̱ dāgre, ni nibii fẽ māmoo̱ ši tamo̱ nii ní wo atade.

¹⁵Ni ašõ meifõdši ala le̱ ke̱-dše̱ ame̱-deṅ, ni akũ nine ní awó no̱ le̱ mli.

¹⁶Aso oše̱ ṅšo̱ hĩṅme̱ii le̱ ahe, ni oyašĕra ši ye̱ bu kwo̱ṅkwo̱ṅ le̱ šiši?

¹⁷Ani agble gbĕle agboi le̱ anā atšõo? lo ona gbĕlehō̃ṅ agbói le̱ hũ?

¹⁸Ani onaä šikpoṅ le̱ lē̱mo̱ le̱ nā? ke̱dši ole fẽ le̱, dšadšemo̱!

¹⁹Nẽgbe̱ gbe̱ ní atšṍo̱ ke̱-yaä la hĩle̱he le̱ yo̱, ni duṅ hũ, nēgbe̱ egbe̱he le̱ yo,

²⁰koni oṅõle̱ oto ehũsūiaṅ, ni oyo *empõṅi ni atšṍo̱ ke̱-yaä ešĩa le̱?

²¹Ole, edšake̱ no mli le̱ afo̱o, ni oye gbĩĩ babaō!

²²Ani obote snō fiasei le̱ amli, lo ona nyoṅmo̱ṅte̱i afiasei le̱ pẽṅ,

²³nii ni mitšĩ nã mito toigblamo̱be, ke̱ *nõmo̱ ke̱ tawū gbĩ le̱? [258]

²⁴Nẽgbe̱ gbe̱ ní atšṍo̱ ke̱-yaä heni la dše̱o̱ kpe̱o̱ le̱ yo̱, lo heni agbe bokã kō̱yo̱ aſã šikpoṅ le̱ no̱ ye̱ le̱ hũ?

²⁵Namo gbla nudšō̱i hã nyoṅmo̱ne̱mo̱, lo gbe ehā nyoṅmo̱šimo̱i asrawai le̱, [259]

²⁶ni ehã nyoṅmo̱ ane̱ ye̱ šikpoṅ ní mokomoko be̱ no̱, ke̱ ṅã no̱ heni ádesã ko be̱ le̱,

²⁷ni ehã ole̱ṅle̱ ke̱ šikpoṅ flo ato̱, ni esā ehã dſe̱fo̱ hẽ hũ akwẽ?

²⁸Ani nyoṅmo̱ne̱mo̱ ye tše̱? alo namo fo̱ bó̱ kulibii le̱ hũ?

²⁹Namo mũsũ mli nute̱ dše̱? ni namo fo̱ *ṅwei bó̱ ni efī hũ? [260]

³⁰Nu fĩo̱ tamo̱ te̱, ni bu kwo̱ṅkwo̱ṅ le̱ hĩe hũ kpe̱o̱.

³¹Ani ofĩo̱ wuo̱-ke̱-ebii ke̱ tãṅkpēi? lo oonyë *oṅwẽ kpãi le̱ ofẽne? [261]

³²Ani oonyẽ odšie ṅulamii ní kple̱o̱ ye̱ ame̱be mli? lo oonyẽ otšõ dšeṅkpawo ke̱ ebii le̱ agbe?

³³Ani ole ṅwei akpo̱i le̱? alo bo oto bo̱ni eye šikpoṅ le̱ no̱ ehã?

³⁴Ani bo owóo̱ ogbē no̱ ke̱-yaã atatuiaṅ, ni nu afua bahaä ohe le̱?

³⁵Ani bo otšũo̱ srawai ni ame̱yaä, ni ame̱kē̱o̱o ake̱: Nawo̱! le̱?

³⁶Namo ke̱ nilē wo sabai amli? lo namo ke̱ dſẽṅmo̱ wo yitšoṅ?

³⁷Namo nyẽo̱ kaneo̱ atatui ke̱ nilē? Ni ṅwei to̱i le̱, namo kpoo̱ ame̱nā ši, [262]

³⁸ni akpo̱to̱ö̱ sũ afeo̱ ṅmo̱to̱, ni sũkukulii kpe̱te̱o̱ ame̱he le̱?

³⁹Ani bo omĩo̱ mīle̱lo ohãa dšatayō, ni ohãa dšatabii yeo̱ lō še̱o̱ ame̱nā le̱,

⁴⁰beni *ame̱bumo̱ ame̱bui le̱ amli, ni ame̱ho̱lo̱ odo̱to̱i amli ame̱woo̱ ká le̱? [263]

⁴¹Namo sāa niyenii ehãa kwãkwãlabite, beni ebii le̱ blo̱ö̱ tšé̱o̱ Mawu, ni ame̱tšomloo̱ ní ame̱be̱ niyenii le̱? [264]