Read luganda Hiob 4 Bible Online

Hiob 4 - luganda bible

Hiob 4

¹Ke̱ke̱ ni Elifaz, Temannyo le̱ here no̱ ni eke:

²Ani ké̱ akao ke̱ wiemo̱ le̱, eefeo ahũntō lo? Ši kẽle̱ namo aanyẽ abu enā ni eka wie?

³Na, otšõ mei pī anii, ni owo mei ni nidšiaṅ edše wui le̱ ahewale̱;

⁴owiemo̱i le̱ eso̱o moni héo̱ agbe ši le̱ edamo̱ ši, ni nakutšei ni egbo̱dšo̱ le̱ owoame̱ hewale̱.

⁵Ši agbene̱, beni eše̱ ono̱ le̱, odšidšā; eta ohe pe̱ le̱, otšui efã.

⁶Nto o-Nyoṅmo̱ gbeyeišemo̱ le̱ dši nõ no̱ ni ohĩe kã, ni ogbè̱i ni eye emū le̱ dši nõ no̱ ni oke ohĩe fõo̱?

⁷Oke ohĩe awo mli: namo efeko efõṅ ko ni ehĩe ekpãtã pẽṅ? lo nēgbe̱ aplenē dšalo̱i ye̱ pẽṅ?

⁸Bo̱ pe̱ ní mina ne̱: mei ní hũo̱ nõša ni ame̱dūo̱ haomo̱ le̱, no noṅṅ ame̱-kpaä. [16]

⁹Nyoṅmo̱ mumo̱ ní emūo̱ le̱ nā le̱ ame̱hĩe kpãtãa, ni ame̱plenēo̱ ye̱ emliſũ kō̱yo̱ le̱ nā.

¹⁰Dšata hū̃mo̱ ke̱ olōwo̱ gbẽ ke̱ dšatabii atšodši fẽ ekũmoo̱.

¹¹Dšata ní he wa hĩe kpãtãa ye̱ ko-lo ní enáá emõ eye hewo, ni dšatayō bii gbe̱o̱ ſãa.

¹²Ši wiemo̱ ko dšu ši ke̱-ba miṅō ni ehe able̱biwiemo̱ fo mitoiṅ.

¹³Ye̱ nyōṅ nināi ahe dſẽṅmo̱i amli, beni wo̱ ni tší nyōo̱ gbomei ano̱ le̱,

¹⁴ṅmiṅmi ke̱ hekpokpomo̱ mōmi, ni ehã miwui fẽ hoso. [17]

¹⁵Ke̱ke̱ ni mumo̱ ko bafo mli ye̱ mihĩe, mihetšo̱i fẽ te ši damo̱ ši.

¹⁶Ewa edamo̱ ši, ši miyoo esu, subãṅ ko badamo̱ mihĩe; efe krãnã, ši kẽ-le̱ minu gbē ko:

¹⁷Aso adesã ko aadša ye̱ Nyoṅmo̱ hĩe? alo nū ko he aatše ye̱ moni fele̱ le̱ hĩe?

¹⁸Na, etšũdši le̱ tete eke ehe efõõ ame̱no̱, ni ebo̱foi le̱ hũ, enaä tõmo̱ ye̱ amehe: [18]

¹⁹mbasroo mei ní hĩo̱ *sũtšūi amli, ní mlu mli ato ame̱šiši ye̱, ní ame̱fufluo̱ ye̱ omlẽgẽ hĩe! [19]

²⁰Beni aadše̱ lebi ke̱-yaši gbe̱ke̱ le̱, akposaame̱; dãni moko aayo le̱, ame̱hĩe ekpãtã kwrakwra.

²¹Ani dšee tšere̱mo̱ atšere̱o̱ ame̱bukpãi le̱ ye̱ ame̱he? Ame̱lee nii āhũ ni ame̱gboio̱.