Read luganda Hiob 40 Bible Online

Hiob 40 - luganda bible

Hiob 40

¹Ni Iehowa sã here Hiob no̱ ni ekē̱:

²*Aso moni kãa mo hĩe le̱ ke̱ Ofe le̱ aahé? Moni ke̱ Nyoṅmo̱ tāa nā le̱, hã ehã hetō! [266]

³Ni Hiob here Iehowa no̱ ni ekē̱:

⁴Na, midšee moko; mē hetō mahã? Minine moṅ mike̱-ato minābu.

⁵Miwie šikome, ni mitoṅ no̱, ke̱ šii enyo, ši miyaṅ no̱ doṅṅ!

⁶Ke̱ke̱ ni Iehowa sā here Hiob no̱ ke̱-dše̱ ahum le̱ mli ni ekē̱:

⁷Agbe̱ne̱ mĩamo̱ ohe̱ tamo̱ nū, koni mabio, ni otšõmi! [267]

⁸Ani ōka ni ogu mikodšomo̱ le̱, obumi fo̱, koni oye bem?

⁹Alo oye nine ni tamo̱ Mawu nõ, ni oonyẽ oši ke̱ gbē ní tamo̱ enõ le̱? [268]

¹⁰No le̱ oke̱ dale̱ ke̱ agbodšē awula ohe, ni oba kpe̱mo̱ ke̱ anumnyam!

¹¹Še̱re̱mo̱ omlifù grimo̱i le̱ oſie; kwe̱mo̱ hewolo-fẽ-hewolo̱ hũ ni obale̱ ši!

¹²Kwe̱mo̱ hewolo̱-fẽ-hewolo̱, ni obale̱ ši, ni otšire̱ meifõdši otſia ši ye̱ ame̱gbe̱he le̱!

¹³Ṅõ ame̱fẽ otē sũ mli, ni ofĩmo̱ ame̱hleaṅ ye̱ tēmo̱he le̱,

¹⁴no le̱ mi hũ makafoö ake̱ oninedšũrõ ehere oyiwala!

¹⁵Agbe̱ne̱ kwe̱mo̱ nuṅſuo̱ ni mifele̱ ke̱o fẽ le̱; dſe̱i po eyeo tamo̱ tšina noṅṅ.

¹⁶Kwe̱mo̱ enyẽmo̱ ní yo̱ ehe̱ mli, ke̱ ehewale̱ hũ ní yo̱ ehewodšiaṅ fãi le̱ amli le̱.

¹⁷Ekpaa elei mli tamo̱ tšenedru, atſẽtſẽ eſo̱dši amli fãi le̱.

¹⁸Ewui tamo̱ akō̱ble ododobẽṅi, eṅmãwutšei tamo̱ adabãṅi.

¹⁹Le̱ dši Mawu gbè̱i le̱ amli titri ko; moni fele̱ le̱ hãle̱ eklante.

²⁰Ši gõdši baa niyenii hãale̱, ni ṅãṅ koloi fẽ yaſe̱o̱ ye̱ dše̱i.

²¹Ekāa ṅmeitšei ašiši, ye̱ heni neṅ ke̱ ṅmiamo̱ yo̱ le̱.

²²Nmeitsei haä eno̱ ke̱ ame̱hō̃ṅ le̱, ni fā nā kpãi hũ bo̱leo̱le̱ ke̱-kpeo̱.

²³Na, kē̱ fã le̱ nā wa tete, le̱ ehe kpokpoo; ké̱ Iordan yi ke̱-bata edāṅ po le̱, efeele̱ noko.

²⁴Ani moko aanyẽ adše ehĩegbe̱ amõle̱? alo ake̱ tšõnei aagbulo̱ egugõṅ?

²⁵[Y. 41,1.] Ani oonyẽ oke̱ kpoṅ aša *leviatan, ni oke̱ kpã afĩ elile̱i? [269]

²⁶[2.] Ani oonyẽ oke̱ tãṅkpē awo egugõṅ? lo oke̱ kpoṅ aagbu ekadā?

²⁷[3.] Ani eekpao fai babaō? alo eke̱o aawie nādšo̱le̱ wiemo̱i?

²⁸[4.] Ani eke̱o aakpãṅ ake̱ oṅõle̱ ofe otsũlo̱ ke̱-ya nāno̱ lo?

²⁹[5.] Ani oke̱le̱ aaſe̱ tamo̱ ake loflõ ſe̱o̱, ni oofĩle̱ ohã oblayei lo?

³⁰[6.] Ani wole̱i asafo aaye enā, ni ame̱adša mli ame̱hã dšrayelo̱i lo?

³¹[7.] Ani oonyẽ oke̱ akploi awo ehewodšiaṅ obõ? lo oke̱ lō-gbē akploi aawo eyitšoṅ?

³²[8.] Yata ehe okwe̱: ni ookai ta le̱, ni ofeṅ nakai doṅṅ!