Read luganda Lalai 107 Bible Online

Lalai 107 - luganda bible

Lalai 107

¹Nyedaã *Iehowa ši, edšake̱ ehĩ; edšake nāno emo̱bo̱nale̱ hĩo ši ke-yaä! [759]

²Hã mei ní Iehowa ekpõame̱ le̱ akē̱ nakai, mei ní ekpõame̱ ke̱-dše̱ haolo̱ le̱ deṅ le̱,

³mei ní ebua ame̱nã ke̱-dše̱ šikpõdši ano̱, ke̱-dše̱ bokã ke̱ anaigbe̱, ke̱-dše̱ kõyigbe̱ ke̱ ṅšo̱ṅgbe̱ fẽ le̱.

⁴Ame̱tšomlo ye̱ ṅã le̱ ne̱, ye̱ gbe̱ ní nokonoko be̱ no̱ le̱ no̱, ame̱naa maṅ ko ni ahĩo̱ mli;

⁵hõmo̱ ke̱ kũmai yeame̱, ame̱susuma to̱ biti ye̱ ame̱mli;

⁶ni ame̱fĩmo̱ le̱ mli le̱ ame̱blo̱ ame̱tšé̱ Iehowa, ni edšieame̱ ke̱-dše amemanehũlũi le amli, [760]

⁷ni ekplaame̱ ke̱-tšṍ gbe̱ trõmṍ no̱, koni ame̱še̱ maṅ ní ahĩo̱ mli le̱ṅ:

⁸esa ake̱ ame̱dšie Iehowa yi ye̱ emlihĩle̱ ke̱ enākpe̱nii ní etšue̱ ehãa gbomei abii le̱ ahewo; [761]

⁹edšake̱ ehãa susuma ni ehĩale̱ le̱ to̱ö̱, ni susuma ní hõme̱ yeo̱le̱ le̱, ewoo̱le̱ obõ ke̱ nii kpakpai. [762]

¹⁰Mei ní trá duṅ ke̱ gbĕlehō̃ṅ le̱ mli, ni afĩmo̱ame̱ aſie amanehũlũ ke̱ dade mli le̱;

¹¹edšake̱ ame̱tše Mawu wĩemo̱i le̱ ahĩe atũa, ni amegbe Ṅweinyo le̱ ṅāwō le̱ he guo̱;

¹²hewo̱ le̱ eke̱ deṅme ba ame̱tšui ši, ame̱gbẽgbē ši hũ, ní bualo̱ ko be̱;

¹³ni ame̱fĩmo̱ le̱ mli le̱ ame̱blo̱ ame̱tšé̱ Iehowa, ni ehereame̱ ke̱-dše̱ ame̱manehũlũi le̱ amli; [763]

¹⁴edšieame̱ ke̱-dše̱ duṅ ke̱ gbĕlehō̃ṅ le̱ mli, ni etšere̱ ame̱kpãi le̱ amlí:

¹⁵esa ake̱ ame̱dšie Iehowa yi ye̱ emlihĩle̱ ke̱ enākpe̱nii ni etšuo̱ ehãa gbomei abii le̱ ahewe̱; [764]

¹⁶edšake̱ ekũmo̱ akō̱ble agbói le̱, ni eflo̱ dade adabãṅi le̱ amli.

¹⁷Nyenyeṅtſii le̱, ame̱no̱tõmo̱ gbe̱ ke̱ ame̱nišaianii le̱ ahewo̱ ame̱naä nõ;

¹⁸ame̱susuma mīhĩ ṅmā̃-fẽ-ṅmā̃, ní ame̱be̱ṅke̱ gbĕle agbói le̱ anā;

¹⁹ni ame̱fĩmo̱ le̱ mli le̱ ame̱blo̱ ame̱tšé̱ Iehowa, ni ehereame̱ ke̱-dše̱ ame̱manehũlũi le̱ amli; [765]

²⁰etšũ ewĩemo̱ le̱ ke̱-ba, ni ebatšá-ame̱, ni edšieame̱ ke̱-dše̱ ame̱hĩekpãtãmo̱bui le̱ amli:

²¹esa ake̱ ame̱dšie Iehowa yi ye̱ emlihĩle̱ ke̱ enākpe̱nii ni etšuo̱ ehãa gbomei abii le̱ ahewo̱, [766]

²²ni ame̱šã šidā-afo̱lei, ni ame̱dšadše enitšumo̱i le̱ ke̱ nyã́mo̱ lala. [767]

²³Mei ní ke̱ le̱dši nyieo̱ ṅšo̱ hĩe, ni ame̱yatšuo̱ nii ye̱ nui wudši le̱ ahĩe le̱,

²⁴ame̱ ame̱naã Iehowa nitšumo̱i le̱ ke̱ enākpe̱nii le̱ ye̱ ṅšo̱ṅbui le̱ amli;

²⁵edšake̱ efã́a, ni ehãa ahum tſaä, ni ehãa emli ṅšo̱kei le̱ ſeo̱ hãmãhãmã,

²⁶ni ame̱kwo̱ö̱ ke̱-yaã ṅwei, ame̱kplekeo̱ ši ke̱-yaä bui vōvō le̱ amli, ame̱tšui fãa ke̱ haome̱ so̱ṅṅ;

²⁷ame̱kpaä ni ame̱didãa tamo̱ dšto̱lo̱, ni ame̱ṅā le̱ fẽ tãa;

²⁸ni ame̱fĩmo̱ le̱ mli le̱ ame̱blo̱ö̱ ame̱tšé̱o̱ Iehowa, ni edšieo̱ame̱ ke̱-dše̱o̱ ame̱manehũlũi le̱ amli; [768]

²⁹etšĩo̱ ahum le̱ nā ni edšo̱o̱ de̱ō, ni ṅšo̱ le̱ ṅmẽo̱;

³⁰ni ame̱mī še̱o̱ ame̱he, edšake̱ ame̱-nā edšo̱, ni ewaäame̱ ke̱-baä ame̱ble ní ame̱ſeo̱ le̱ le̱ mli:

³¹esa ake̱ ãme̱dšie Iehowa yi ye̱ emlihĩle̱ ke̱ enākpe̱nii ní etšuo̱ ehãa gbomei abii le̱ ahewo̱, [769]

³²ni ame̱kafole̱ ye̱ maṅ le̱ asafo le̱ṅ, ni ame̱dšie eyi ye̱ onukpai le̱ akpē le̱ṅ.

³³Ehãa fāi tšṍmoo̱ ṅã, ni hei ní nu ni baä yo̱ hũ tšṍmoo̱ ṅmeṅmete no̱,

³⁴šikpoṅ ní baä nii tšṍo̱ mũkpo ye̱ mei ni hĩo̱ dše̱i le̱ anifõdšianii ahewo̱.

³⁵Asaṅ ehãa ṅã tšṍo̱ kpākpo ni ṅmeṅmete no̱ hũ nu ní baä;

³⁶ni ehãa mei ní hõdši yeo̱ame̱ le̱ hĩo̱ dše̱i, koni ame̱to maṅ ní ahĩ mlĩ,

³⁷ni ame̱dũ nii ye̱ ṅmõdši amli, ni ame̱fe weintromi, ni ame̱nii aba;

³⁸ni edšō̱o̱ame̱ ni ame̱yĩ fáa babaō, ni ehãa ame̱náa šia koloi pī:

³⁹ame̱ ní sá le̱ ame̱yi fáá ni abaame̱ ši ke̱ yiwale̱ ke̱ haomo̱ ke̱ aw̌ere̱hō le̱.

⁴⁰Efo̱seo̱ heguo̱gbẽ eſieo̱ lumei ano̱, ni ehãa ame̱tšomloo̱ ye̱ ole̱ṅle̱ no̱ heni gbe̱ komeflo be̱.

⁴¹Ši ewóo̱ ohĩafo no̱ ke̱-dše̱o̱ amanehũlũ mli, ni ehãa ewoo̱ ſĭei tamo̱ tōiku.

⁴²*Dšalo̱i aana ni ame̱mī aaše̱ ame̱he, ni nõša fẽ aabu enā. [770]

⁴³Mofẽmo ní dši nilelo̱ le̱, hã ekwe̱ ene̱mei, ni eyo Iehowa mo̱bo̱nale̱i le̱ ase̱!