Read luganda Lalai 108 Bible Online

Lalai 108 - luganda bible

Lalai 108

¹David lala ni ela.

²Nānyoṅmo̱, mitšui enyõ mimli; mala ni matſa saṅkũ ke̱ *minumnyam le̱ fẽ! [771]

³Nyehĩe atšẽa, obenta ke̱ saṅkũ; mihĩe aatšẽ lebi mãṅkpa!

⁴Madšie oyi ye̱ mãdšimãdši le̱ ateṅ, Iehowa, ni mala mahão ye̱ dšeṅmãdši ateṅ!

⁵Edšake̱ omo̱bo̱nale̱ le̱ da ke̱-teke ṅwei, ni ono̱kwayeli le̱ še̱o̱ atatuiaṅ tō̃.

⁶Nyoṅmo̱, wó ohe no̱ ke̱-teke ṅwei, ni ohã onumnyam le̱ ateke šikpoṅ le̱ fẽ!

⁷Koni adšie mei ní osumoo̱ le̱, oke̱ oninedšũrõ ahere wo̱yiwala, ni oto he ohãwo̱!

⁸Nyoṅmo̱ ewie ye̱ ekroṅkroṅfemo̱ le̱ mlĩ: Mabo̱ oše, madša Šekem mlĩ, ni masusu Sukot dšō̱ le̱.

⁹Minõ dši Gilead, ni minõ dši Manase; Efraim dši miyĩtšo dadefai, Iuda le̱, mimaṅtše̱tšo ni.

¹⁰Moab dši mihedšu-kulo, Edom no̱ madšie mitokota mafo; mabo oše mawo Filistea.

¹¹Namo aaṅõmi ke̱-ate maṅ ni wa le̱ mli? Namo aayawami Edom?

¹²Ani dšee bo, Nyoṅmo̱, ni oše̱re̱wo̱ oſie le̱, bo Nyoṅmo̱ ní oke̱wo̱ efãã ta le̱ ni?

¹³Ye obuawo̱ ye̱ haomo̱ mli; edšake̱ gbomo yeli-ke̱-buamo̱ dšee fē̱ifē̱i!

¹⁴Nyoṅmo̱ no̱ wo̱o̱tšṍ wo̱ye kũnim; edšake̱ le̱ dši moni aanānā wo̱henye̱lo̱i le̱ ano̱ ke̱-mõ ši.