Read luganda Lalai 115 Bible Online

Lalai 115 - luganda bible

Lalai 115

¹Dšeewo̱, Iehowa, dšeewo̱, ši ogbe̱i le̱ moṅ oṅõ anumnyam ohã, ye̱ omo̱bo̱nale̱ le̱ ke̱ ono̱kwale le̱ hewo̱!

²Mẽba dšeṅmãdši le̱ aake ake̱: Nẽgbe̱ ame̱-Nyoṅmo̱ le yo̱ agbe̱ne̱? [805]

³Ši wo̱-Nyoṅmo̱ le̱, ṅwei eyo̱; nofẽno ni esumoo̱ le̱, no efeo̱.

⁴Ame̱mãgãi le̱, dſie̱te̱i ke̱ šikaṅ, gbomei aninenã nitšumo̱i ni. [806]

⁵Ame̱ye̱ nābu, ši ame̱wiee; ame̱ye̱ hĩṅme̱ii, ši ame̱naa nii;

⁶ame̱ye̱ toii, ši ame̱nuu nii; ame̱ye̱ gugõ, ši ame̱fũũ nii;

⁷ame̱ye̱ nidši, ši ame̱mõõ nõ mli; ame̱ye̱ nãdši hũ, ši ame̱nyiee, ni ame̱tſaa ame̱sẽṅ hũ.

⁸Mei ní feame̱ le̱ tamo̱ ame̱ noṅṅ, ke̱ mofẽmo hũ ni ke̱ ehĩe fõo̱ ame̱no̱ le̱.

⁹*Israel, ṅõ ohĩe ofõ Iehowa no̱! le̱ dši ame̱buamo̱ ke̱ ame̱tše̱ṅ, [807]

¹⁰*Aaron we, ṅõ ohĩe ofõ Iehowa no̱! le̱ dši ame̱buamo̱ ke̱ ame̱tše̱ṅ. [808]

¹¹Iehowa *šelo̱i, nyeṅõa nyehĩe nyefoa Iehowa no! le dši amebuamo̱ ke̱ ametse̱ṅ. [809]

¹²Iehowa ekaiwo̱: eedšō̱wo̱, eedšō̱ Israel we le̱, eedšō̱ Aaron we le̱,

¹³eedšō̱ Iehowa šelo̱i le̱, mei bibii ke̱ mei wudši fẽ.

¹⁴Iehowa aahã nyeſere babaō, nye ke̱ nyebii fiā.

¹⁵Nye dši mei ni Iehowa, ṅwei ke̱ šikpoṅ fele̱ le̱, edšō̱.

¹⁶Ṅšwei le̱ Iehowa ṅwei ni, ši šikpoṅ le̱ eṅõ-hã gbomei abii.

¹⁷Dšee gbohĩĩ dšieo̱ Iehowa yi, ni dšee mei fẽ ní kplekeo̱ ši ke̱-yaã heni efe diō le̱ ni; [810]

¹⁸ši we̱ moṅ wo̱o̱dšie Iehowa yi ke̱-dše̱ be ne̱ mli āhũ ke̱-yaši nāno̱. Haleluya!