Read luganda Lalai 116 Bible Online

Lalai 116 - luganda bible

Lalai 116

¹Mīsumo̱ Iehowa, edšake̱ eho migbẽ ke̱ mifaikpamo̱ le̱ toi.

²Ake̱-ní egbo etoi ši ehãmi hewo̱ le̱, gbĩĩabo̱ ni mihĩe kã ne̱, le̱ mablo̱ matšé̱.

³*Gbĕle kpãi le̱ efĩmo̱mi, ni gbohĩĩadše nõnai le̱ eninami; mina haomo̱ ke̱ aw̌ere̱hō. [811]

⁴Ke̱ke̱ ni mitšé̱ Iehowa gbe̱i le̱ mikē̱: Iehowa, mīkpao fai, dšiemo̱ misusuma!

⁵Drolo̱ ke̱ dšalo̱ dši Iehowa, ni wo̱-Nyoṅmo̱ le̱ mo̱bo̱nalo̱ ni!

⁶Iehowa bāa mei ni dši hũmii le̱ ayi; ké̱ migbo̱dšo̱ le̱, le̱ ehereo̱mi.

⁷*Misusuma, kũ ose̱ ke̱-ya ohedšō̱mo̱ le̱ṅ; edšake̱ Iehowa efeo edšũrõ. [812]

⁸Edšake̱ odšie misusuma ke̱-dše̱ gbĕle mli, mihĩṅme̱ii ke̱-dše̱ yāfónui amli, ke̱ minãdši hũ ke̱-dše̱ šigbēmo̱ mli.

⁹Manyie ye̱ Iehowa hĩe ye̱ hĩekãlo̱i asikpoṅ le̱ no̱. [813]

¹⁰*Mihe miye, beni miwie ake̱: Ahaomi naakpa! le̱. [814]

¹¹Mikē̱ ye̱ mitšuifã le̱ mli ake̱: *Gbomo-fẽ-gbomo le̱ amalelo̱ṅ! [815]

¹²Meni maṅō-to Iehowa nādšiaṅ ye̱ edšũrõ fẽ ní efemi le̱ hewo̱?

¹³Mawó yiwalaheremo̱ kpulu le̱, ni matšé̱ Iehowa gbe̱i le̱.

¹⁴Maye mišiwōi le̱ ano̱ mahã Iehowa ye̱ emaṅ le̱ fiā hĩe. [816]

¹⁵Iehowa mei kroṅkroṅi le̱ agbẽle dšra wa ye̱ ehĩe. [817]

¹⁶O Iehowa, otšũlo̱ dšimi le̱le̱ṅ; otšũlo̱ ke̱ oweyō bi dšimi. Ofẽne mikpãi le̱.

¹⁷Mašã šidā-afo̱le mahão, ni matšé̱ Iehowa gbe̱i le.

¹⁸Maye mišiwōi le̱ ano̱ mahã Iehowa ye̱ emaṅ le̱ fiā hĩe,

¹⁹ye̱ Iehowa we le̱ kpoi le̱ ano̱, ye̱ bo, Ierusalem, oteṅ! Haleluya!