Read luganda Lalai 132 Bible Online

Lalai 132 - luganda bible

Lalai 132

¹No̱kwo̱le̱i alala. Iehowa, kaimo̱ David amanehũlũi le̱ fẽ ohāle̱!

²Bo̱ni ekã Iehowa kitã, ni ewo Iakob hewalo̱ le̱ ši ake̱: [907]

³“Miyaboteṅ miwe bū le̱ mli, mikwo̱ṅ misātšo le̱ hũ,

⁴mibe̱n mihĩṅme̱ii, ni midšieṅ mihĩe-ṅme̱iiase̱,

⁵ke̱-yaši beyino̱ ní maná he ko mahã Iehowa, ni maná šihĩle̱he ko mahã Iakob hewalo̱ le̱.” [908]

⁶Na, wo̱nu ehe ye̱ Efrata, wo̱yanale̱ ye̱ kōṅ *ṅmõdši le̱ amli. [909]

⁷Nyehãa wo̱yaä ešihĩle̱hei le̱, wo̱yakotoa ši ye̱ enaneši māṅō le̱ hĩe!

⁸Iehowa, wó ohe no̱ ke̱-ya ohedšō̱mo̱he le̱, bo ke̱ ohewale̱ adeka le̱ fiā! [910]

⁹Hã oso̱foi le̱ awo dšale̱, ni omei kroṅkroṅi le̱ abo̱ oše ke̱ nyã́mo̱!

¹⁰Otšũlo̱ David hewo̱ le̱ kātšṍ moni ofo̱le̱ mũ le̱ hĩe oha se̱!

¹¹Iehowa *ekã David kitã ye̱ ano̱kwale mli, ni ekũṅ ekue̱, ake̱: “Maṅõ omũsũṅbii le̱ eko matá osẽi le no! [911]

¹²Ke̱dši obii le̱ aaye mikpaṅmo̱ le̱ ke̱ midasei le̱ ni matsõame̱ le̱ no̱ le̱, no le̱ ame̱ hũ ame̱bii atrá osẽi le̱ ne̱ dā.”

¹³Edšake̱ Iehowa ehala Zion, ēfele̱ ní eke̱-fe ešihĩle̱he. [912]

¹⁴“Mihedšō̱mo̱he ne̱ ke̱-mīya nāno̱; bie̱ mahĩ, edšake̱ miſele̱.

¹⁵Eniyenii le̱, madšō̱ no̱ babaō, ehĩafoi le̱ hũ, mahã ame̱tŏ̱ro̱ ke̱ abolo;

¹⁶eso̱foi le̱, mike̱ yiwalaheremo̱ aawo-ame̱, ni emei kroṅkroṅi le̱ aabo̱ oše ke̱ nyã́mo̱,

¹⁷*ahã kóṅ ko akwẽ ye̱ dše̱i ahã David, ni masā kane hũ mahã moni mifo̱le̱ mũ le̱. [913]

¹⁸Ehenye̱lo̱i le̱, mike̱ hĩegbĕle aawo-ame̱, ši le̱ le̱, ekekre le̱ aakpe̱ ye̱ eyiteṅ.”