Read luganda Lalai 144 Bible Online

Lalai 144 - luganda bible

Lalai 144

¹David lala. Yidšiemo̱ ahă Iehowa, mite̱sā le̱, *moni tšõo̱ minidši tawū ke̱ miwābii nōmo̱ le̱; [968]

²mimlihĩle̱ ke̱ mimõ ni, mibobāgoṅ ke̱ midšielo̱, mitše̱ṅ ke̱ moni mibaäle̱ abo, moni baä mimaṅ le̱ ši ewoo mišiši le̱. [969]

³Iehowa, mẽ dši gbomo, ni odio̱ ese̱? alo ádesã bi, ni odſẽṅo̱ ehe? [970]

⁴Gbomo le̱, etamo̱ kō̱yo̱; egbĩĩ le̱ hũ tamo̱ *hō̃ṅ ní hoo̱. [971]

⁵Iehowa, *kpo oṅwei le̱ nā ši, ni obayi ši; †tramo̱ gõdši le̱ ahe, ni ame̱-dše lasũ! [972]

⁶Hã srawai agbla ni ogbe̱ame̱ oſã; tšẽrẽmo̱ ogãimlibii le̱, ni owoame̱ foi!

⁷Kpa onine mli ke̱-dše̱ ṅwei: šõmi ni odšiemi ke̱-dše̱ nui pī amli, ke̱-dše̱ meikpõdši abii le̱ adeṅ,

⁸mei ní ame̱nābu wieo̱ yakayakanii, ni ame̱ninedšũrõ dši kũtũmpo̱o ninedšũrõ le̱! [973]

⁹Nyoṅmo̱, mala lala hē mahão, saṅkũ ní hīe kpãi nyoṅma matſa mike̱-adšie oyi; [974]

¹⁰bo ohãa maṅtše̱mei yeo̱ kũnim, ni ošõo̱ otšũlo̱ David ke̱-dše̱o̱ klante fõṅ nā.

¹¹Šõmi ni odšiemi ye̱ meikpõdši abii adeṅ, *mei ní ame̱nābu wieo̱ yakayakanii, ni ame̱ninedšũrõ dši kũtũmpo̱o ninedšũrõ le̱; [975]

¹²koni wo̱bihĩĩ le̱ adăra ye̱ ame̱-blahĩaṅ tamo̱ *tšei ní ate̱o, ni wo̱biyei le̱ hũ atamo̱ koṅte̱i, ni akoame̱ tamo̱ maṅtše̱mō̃ he te̱i; [976]

¹³koni wo̱boṅoi le̱ ayimo̱ obõbõ, ni aná niyenii sro̱toi fẽ ye̱ mli; wo̱tōi hũ afo̱fō̱ akpekpei ke̱ akpei nyoṅmanyoṅmai ye̱ wo̱krowaiaṅ;

¹⁴wo̱tšinai hũ afo̱fō̱ babaō, ni ame̱-kašrãke ni ame̱kalādše, ni blo̱mo̱ akaba wo̱blohũi le̱ amli.

¹⁵Adšō̱ maṅ ni yo̱ ne̱ke̱ le̱! Adšō̱ maṅ ní Iehowa dši e-Nyoṅmo̱ le̱! [977]