Read luganda Lalai 18 Bible Online

Lalai 18 - luganda bible

Lalai 18

¹Iehowa tšũlo̱ David lala ni eke̱-hã lalatše̱ nukpa le̱. David wie ne̱ke̱ lala ne̱ mli wiemoi le̱ etšõ Iehowa, gbĩ no̱ ní Iehowa dšiele̱ ye̱ ehenye̱lo̱i le̱ fē adeṅ ke̱ Saul hũ deṅ le̱, ni ekē̱:

²Mīsumo̱o ke̱ mitšui ſẽ, Iehowa, mihewale̱!

³Iehowa dši *mite̱sā ke̱ mimō̃ ke̱ miherelo̱, mi-Mawu, mite̱sā ní wa ní mibaäle̱ abo, mitše̱ṅ ke̱ miyi-walaheremo̱ aklonto, mimō̃ ní kwo̱. [100]

⁴Mabo matšé̱ Iehowa, moni sa yidšiemo̱ le̱, ni aahere miyiwala ye̱ mihenye̱lo̱i le adeṅ.

⁵*Gbĕle kpãi le̱ elalami, ni fāi fõdši le̱ ewo mihe gbeyei; [101]

⁶gbohĩĩadše kpãi le̱ ebo̱lemi ke̱kpe, ni gbēle tšõnei le̱ hũ edũmi.

⁷Beni efĩmi le̱, mitšé̱ Iehowa, ni mibo mitšé̱ mi-Nyoṅmo̱ le̱. Enu migbē ke̱-dše̱ eso̱lemo̱we le̱, ni miblo̱mo̱ ni mi-blo̱ ye̱ ehĩe le̱ bote etoiiaṅ,

⁸Ke̱ke̱ ni šikpoṅ le̱ hoso ni ekpokpo, ni gõdši le̱ ašišitōi le̱ tšire̱ ame̱he ni ame̱hoso, edšake̱ emli efũ.

⁹Lasũ fã ke̱-dše̱ egugõ mli ke̱-te ṅwei, ni la hũ dše̱ edãṅ šã nii, ehã ṅãi tšẽ ni ehere. [102]

¹⁰Ehã *ṅwei kpo enā ši ni ebayi ši, ni duṅ kpī yo̱ enãdšiašĩ. [103]

¹¹Ni etá *kerub no̱ ni efliki, ni eye kō̱yo̱ fĩdši abo̱. [104]

¹²Ni eke duṅ *ha ehe, ebo̱lele ke̱kpe tamo̱ ebū, nyoṅmo̱ ní ewo lutulutu ke̱ atatui kpīkpī. [105]

¹³Kpe̱mo̱ ni nyie ehĩe le̱ hã nyoṅmo̱ṅte̱i ke̱ ṅãi ní tšoo̱ dše̱ etatui kpīkpī le̱ amli baho.

¹⁴Šīmo̱ Iehowa šimo̱ ye̱ ṅwei, ni moni yo̱ ṅwei šoṅṅ le̱ wo egbē ke̱ nyoṅmo̱ṅte̱i ke̱ ṅãi ní tšoo̱.

¹⁵Ni etšẽrẽ egäimlibii ni eke̱-gbe̱ame̱ eſā, ni srawai babaō hũ eke̱-wo ame̱he gbeyei. [106]

¹⁶Ke̱ke̱ ni nudšō̱i le̱ dše kpo, ni dše le̱ šišitōi le̱ bakãmo̱ ši faṅṅ ye̱ bo, Iehowa, oyiṅã le̱ nā, ye̱ ogugõṅ mumo̱ le̱ hūmo̱ nā.

¹⁷*Ekpã enine mli ke̱-dše̱ ṅwei eba-wómi, †egblami ke-dše nui babaō mli. [107]

¹⁸Edšiemi ke̱-dše̱ mihenye̱lo̱ ní he wa le̱ deṅ, ke̱-dše̱ mei ní he tšẽo̱mi le̱ adeṅ, edšake̱ ame̱he wa fēmi.

¹⁹Ame̱batuami ye̱ mimanehũlũ gbĩ le̱ no̱, ši Iehowa dši mise̱tšo.

²⁰Edšiemi ke̱-te heni le̱ hũ, edšiemi, edšake̱ eye̱ mihe tšui. [108]

²¹Iehowa tomi nādšiaṅ ye̱ midšale̱ le̱ nā, ewomi nyõmo̱ ye̱ mideṅ tšemo̱ le̱ nā.

²²Edšake̱ mihĩe kã Iehowa gbè̱i le̱ ahe, ni nõša hãko mike̱ mi-Nyoṅmo̱ le̱ teṅ agbla.

²³Edšake̱ emlai le̱ fẽ ye̱ mihĩe, ni ekpoi le miše̱re̱ko miſieko ke̱-dše̱ko mihe; [109]

²⁴ni *miye emū ye̱ ehĩe, ni mitši mihe ke̱-dše̱ minõša le̱ he. [110]

²⁵Hewo̱ le̱ Iehowa ewomi nyõmo̱ ye̱ midšale̱ le̱ nā, ye̱ midẽ ní tše ye̱ ehĩe le̱ nā.

²⁶Mo̱bo̱nalo̱ le̱, oke̱ ohe tsōo̱le ake̱ moni naã mo mo̱bo̱; moni eye emū le̱, oke̱ ohe tšõo̱le̱ ake̱ moni eye emū;

²⁷hetšelo̱ le̱, oke̱ ohe tšõo̱le̱ ake̱ moni he tše; ši moni be̱ eṅe̱le̱no̱ le̱, oke̱ ohe tšõo̱le̱ tamo̱ moni be̱ eṅe̱le̱no̱.

²⁸Edšake̱ ohereo̱ maṅ ní naa amane le yiwala, ši hewo hĩṅme̱ii le̱, obaä-awe ši. [111]

²⁹Edšake̱ bo ohãa mikane le̱ tšoo̱; Iehowa, mi-Nyoṅmo̱ le̱, hãa miduṅ le̱ mli tšeo̱.

³⁰Ši bo mike̱-tšẽo̱ ke̱-yaninaä ta, ni mi-Nyoṅmo̱ le̱ mike̱-huluo̱ mitekeo̱ gbogbo. [112]

³¹Mawu le̱, egbè̱i le̱ hĩ pe̱pē̱pe̱! Iehowa *wiemo le̱ mli tše; edši tše̱ṅ hã mei fẽ ni baäle̱ abo le̱. [113]

³²Ši namo dši Nyoṅmo̱, ake̱ dša Iehowa? ni namo dši te̱sā, ake dša wo̱-Nyoṅmo̱ le̱?

³³Mawu dši moni mĩaämi ke̱ hewale̱, ni ehãa migbe̱ le̱ dšaä;

³⁴ehãa minãdši ſeo̱ tamo̱ ofrotei anõ, ni eṅõo̱mi edamoo̱ migoṅkpo̱i le̱ ano̱.

³⁵Etšõo̱ minidši tawū, ni ehãa minidši do̱ö̱ akō̱ble gãi. [114]

³⁶Asaṅ oke̱ oyiwalaheremo̱ tše̱ṅ le̱ ehãmi, ni oninedšũrõ hĩe mimli, ni omlihĩle̱ le̱ ehã mitsṍ agbo. [115]

³⁷Oha *minādšifãmo̱i le̱ amli elē̱ ye̱ mišiši, ni minãdši šãnee. [116]

³⁸Mitiu mihenye̱lo̱i le̱ ni mininaame̱, ni mikpalee ke̱-yaši beyino̱ ni miplenē-ame̱.

³⁹Mitſiaame̱ nii, ni ame̱nyẽẽ ši ame̱te doṅṅ, ame̱nyõnyõi ye̱ minãdšiaši.

⁴⁰Ni oke hewale̱ emĩamĩ ohã tawū, ohã mei ni tete ši womi le̱ ebakotomi.

⁴¹Asaṅ oha mihenye̱lo̱i le̱ etšṍmo̱ ame̱se̱ ame̱hãmi, beni afe ni makpãtã mei ni nye̱o̱mi le̱ ahĩe.

⁴²Ame̱blo̱, ši yiwalaherelo̱ ko be̱; ame̱tšé̱ Iehowa, ši efoo ame̱dāṅ. [117]

⁴³Mišimo̱ame̱ mõnyõmõnyõ tamo mlu ye̱ kō̱yo̱ nā, milōame̱ miſie tamo blohũiaṅ ṅmo̱to̱.

⁴⁴Odšiemi ke̱-dše̱ maṅ mansõi le̱ amli, ohã mitšṍ dšeṅmãdši le̱ atše̱; maṅ ní milee po aasúmo̱mi.

⁴⁵Kē̱ amenu mihe pe̱, ame̱abomi toi; maṅse̱bii aaba ame̱he ši ame̱hãmi.

⁴⁶Maṅse̱bii le̱ aagbĩ kekrē, ni ame̱adše̱ ame̱kpokplobii le̱aṅ ame̱aba ke̱ hekpokpomo̱.

⁴⁷Iehowa hĩe kã, ni aadšie mite̱sã le̱ yi, ni aawo miyiwalaheremo̱ Nyoṅmo̱ le̱ hĩe nyam;

⁴⁸Mawu ní to̱ō̱ mihe owele, ni ebaä mãdšĩ aši ewoo̱ mišĩši le̱,

⁴⁹ehereo̱mi ke̱-dše̱o̱ mihenye̱lo̱i le̱ adeṅ; bo owóo̱ mino̱ ke̱-tekeo̱ mei ní teo̱ ši woo̱mi le̱; odšieo̱mi ke̱-dše̱o̱ nū yiwalo̱ le̱ deṅ.

⁵⁰Nohewo̱ le̱ *madšie oyi, Iehowa, ye̱ dšeṅmãdši le̱ ateṅ, ni mala madšie ogbe̱i le̱ yi, [118]

⁵¹bo moni oke̱ yiwalaheremo̱ kple hãa omaṅtše̱ le̱, ni ofeo̱ moni ofo̱le̱ mũ ní dši David ke̱ eseši le̱ edšũrõ ke̱-yaã nāno̱ le̱! [119]