Read luganda Lalai 29 Bible Online

Lalai 29 - luganda bible

Lalai 29

¹David lala. Nye *Nyoṅmo̱ bii, nyeke̱-hãa Iehowa, nyeke̱ anumnyam ke̱ hewale̱ ahãa Iehowa! [196]

²Nyeke̱ anumnyam ní sa Iehowa gbe̱i le̱ ahãale̱; nyekũlaä ši ye̱ Iehowa hĩe ye̱ *wulamo̱ kroṅkroṅ mli! [197]

³Iehowa *gbẽ ye̱ nui ano̱; anumnyam Mawu le̱ mīši, Iehowa ye̱ nui babaō le̱ ano̱. [198]

⁴Iehowa gbē le̱ ye̱ hewale̱, Iehowa gbē le̱ mli eyi obõ ke̱ anumnyam.

⁵Iehowa gbẽ le̱ kũmoo̱ tšenedrui, Iehowa kũmoo̱ Lebanon tšenedrui le̱;

⁶ehãa ame̱huluhuluo̱ tamo̱ tšinabi, Lebanon ke̱ *Sirion tamo̱ wuo oblanyo. [199]

⁷Iehowa gbē le̱ gblaä lalileii amli.

⁸Iehowa gbē le̱ hosoo̱ ṅãno̱, hosomo̱ Iehowa hoso Kadeš ṅã le̱ no̱.

⁹Iehowa gbē le̱ hãa ofrotei kõmoo̱, ni ehãa kōi amli kãa; ni eso̱leme̱we le̱ nibii fẽ kē̱o̱ ake̱: Anumnyam!

¹⁰Iehowa tá nu afua no̱, ni Iehowa miye maṅtše̱ ke̱-mīya nāno̱.

¹¹Iehowa *aahã emaṅ le̱ hewale̱; Iehowa aadšō̱ emaṅ le ke̱ hedšole̱. [200]