Read luganda Lalai 33 Bible Online

Lalai 33 - luganda bible

Lalai 33

¹Nye dšalo̱i, nyenyã́a Iehowa he; esa mei ni dša le̱ ake̱ ame̱dšie eyi. [227]

²Nyedaã Iehowa ši ke̱ saṅkũ, nyelaä nyedšiea eyi ke̱ kpãinyoṅma saṅkũ! [228]

³Nyelaã *lala hē nyehãale̱, nyetſaä saṅkũ ãšogbāṅ ní enā awaä! [229]

⁴Edšake̱ Iehowa wiemo̱ le̱ dša, ni enifemo̱nii fẽ le̱ efeo̱ ye̱ ano̱kwale mli.

⁵Esumoo̱ dšale̱ ke̱ dšale̱ saneyeli; Iehowa mlihĩle̱ eyi šikpoṅ le̱ no̱ obō.

⁶Iehowa wiemo̱ nā afe ṅwei ye̱, ni edăṅ mumo̱ le̱ nā afe esafoi le̱ fẽ ye̱. [230]

⁷*Ebua ṅšo̱ṅ nui le̱ anā glegle, eke̱ nu babaō le̱ to nitōhei. [231]

⁸Hã šikpoṅ le̱ no̱ bii fẽ aše Iehowa gbeyei, dše le̱ṅ bii fẽ he akpokpo ye̱ ehĩe.

⁹Edšake̱ le̱ ewie, ni eba mli; le̱ efã́, ni ebamā ši.

¹⁰Iehowa hãa mãdšimãdši adšina le̱ feo̱ yaka, etſaä mãdši le̱ adſẽṅmo̱i efoo.

¹¹Iehowa adšina le̱ damoo̱ ši šiṅṅ ke̱-yaä nāno̱, etšuiṅ dſẽṅmo̱i le̱ ye̱ hã yino̱bii fẽ.

¹²Adšō̱ maṅ ni e-Nyoṅmo̱ dši Iehowa, maṅ ní ehala efe le̱dientše̱ egbe̱-faṅnõ le̱! [232]

¹³Iehowa dše̱o̱ ṅwei ekwe̱o̱, enaä gbomei abii fẽ;

¹⁴edše̱o̱ ešihĩle̱he le̱ ekwe̱o̱ šikpoṅ le̱ no̱ bii fẽ.

¹⁵Le̱ ešõ ame̱fẽ ame̱tšuii, ni enaä ame̱nitšumo̱i fẽ.

¹⁶Dšee ta babaō hãa maṅtše̱ ko yeo̱ kũnim, ni ekãlo̱ hũ, dšee hewale̱ pī eke̱-ahere eyiwala. [233]

¹⁷Ké̱ oṅõ ohĩe ofõ okpo̱ṅo̱ no̱ ake̱-eehereo le̱, yakatſā ni, asaṅ ehewale̱ pī le̱ enyẽṅ eke̱-here moko. [234]

¹⁸Na, Iehowa hĩe ye̱ ešelo̱i ke̱ mei ni kwe̱o̱ emo̱bo̱nale̱ gbe̱ le̱ ano̱, [235]

¹⁹ake̱ eedšie ame̱susuma ye̱ gbēle mli, ni *eehã ame̱yi aná wala ye̱ hõmo̱ mli. [236]

²⁰Wo̱susnma mīkwe̱ Iehowa gbe̱; le̱ dši wo̱bualo̱ ke̱ wo̱tše̱ṅ. [237]

²¹Emli wo̱náa tšuidšũrõ ye̱, edšake̱ egbe̱i kroṅkroṅ le̱ no̱ wo̱hĩe kã.

²²Iehowa, hã omo̱bo̱nale̱ le̱ ahĩ wo̱-no̱, tamo̱ bo̱ni wo̱hĩe kã ono̱ le̱!