Read luganda Lalai 35 Bible Online

Lalai 35 - luganda bible

Lalai 35

¹David lala. Iehowa, oke̱ mei ní ke̱mi béo̱ le̱ abē; oke̱ mei ni ke̱mi wuo̱ le̱ awu.

²Ko tše̱ṅ wulu ke̱ tše̱ṅ bibiō, ni ote ši oye obuami! [248]

³Gblamo̱ akplo̱ le̱ hũ ni otšī mei ni nyie mise̱ le̱ agbe! Kē̱mo̱ misusuma ake̱: Midši oyiwalaheremo̱!

⁴Hā mei ní taoo̱ misusuma se̱gbe̱ le̱ ahĩe aſie ši, ni amehe guo̱ agbo, hā mei ní dſẽṅo̱ mihe efõṅ le̱ akũ ame̱se̱ ni ame̱-hĩe agboi! [249]

⁵Hã ame̱tšṍmo̱ tamo̱ tutū ye̱ kō̱yo̱ nā, ni Iehowa bo̱fo le̱ awoame̱ foi!

⁶Hā ame̱gbe̱ le̱ no̱ awo duṅ ni eno̱ ašãmo̱, ni Iehowa bo̱fo le̱ anyie ame̱se̱!

⁷Edšake̱ ame̱tšõ̀mi tšõne ame̱ke̱-tē bu mli ní *dše̱e̱ noko hewo̱, ame̱tša bu amehã misusuma ní dše̱e̱ noko hewo. [250]

⁸Hã hĩekpãtãmo̱ abatile̱ ši trukā, ni ohã tšõne ní eke̱-tē le̱ adũ le̱dientše̱, hã egbē nakai hĩekpãtãmo̱ le̱ noṅṅ mli. [251]

⁹Ši mi le̱ misusuma mli aaflile̱ ye̱ Iehowa mli, emī aaše̱ ehe ye̱ eyiwalaheremo̱ le̱ mli.

¹⁰Miwui le̱ fẽ aake ake̱: Iehowa, namo tamo̱ bo? Ni oodšieo̱ nõnalo̱ ke̱-dše̱o̱ moni he wa fèle̱ le̱ deṅ, nõnalo̱ ke̱ moni efīle̱ fẽ ke̱-dše̱o̱ moni tſaäle̱ odšo le̱ deṅ le̱.

¹¹Odasefoi kũtũmpo̱foi teo̱ ši; ame̱-bibīo̱mi nibii ni milee.

¹²*Ame̱ṅõo̱ efõṅ ame̱too̱mi ekpakpa nãdšiaṅ, ni ame̱hãa misusuma yeo awusã. [252]

¹³Ši mi le̱, *ké̱ amehe mīye le̱, mitade ni miwoo dši kpekpe, mike̱ ṅmā̃hĩle̱ waä misusuma yi, miso̱lemo̱ kũo̱ se̱ baſieo mimīnā. [253]

¹⁴Minyieo̱ mo̱bo̱mo̱bo̱ tamo̱ noni minanyo lo minyeminū ni, mimãa miyi ši diṅṅ miyeo̱ ṅko̱mo̱ tamo̱ moko ní fóo̱ enye.

¹⁵Ši mi le̱, ké̱ migbē ši le̱, amenyã́a, ni ame̱buaä amehe nā ke̱-kpeo̱; niiahetſialo̱i buaä ame̱he nā ame̱woo̱mi, ni milee; ame̱gbeo̱ mihe guo̱ ni ame̱fõõ.

¹⁶*Ame̱kpeo̱ amenyãnyõdši ašiši ame̱ſieo̱ mino̱, tamo̱ yakagbomei ni ke̱ fe̱oyeli yeo nii ye̱ mei akplõi ahe. [254]

¹⁷Nuntšo̱, mẽ beyino̱ noṅṅ ookwe̱ ke̱-yaši? Dšiemo̱ misusuma ke̱-dše̱ ame̱mo-hĩekpãtãmo̱i le̱ amli, *minõkome ní miſe̱e̱ he le̱ ke̱-dše̱ dšatai adeṅ! [255]

¹⁸Madao ši ye̱ asafo kple mli, ma-dšie oyi ye̱ mei pī ateṅ. [256]

¹⁹Kāhã mei ni nye̱o̱mi yakatſa le̱ mīyemi yō̱, ni kāhã mei ní he *tšẽo̱mi ní dše̱e̱ noko hewo̱ le̱ mīkpe̱kpē̱mi. [257]

²⁰Edšake̱ ame̱wiee hedšo̱le̱ wiemo̱, ši kũtũmpo̱o sãdši ame̱dſẽṅo̱ ye̱ mei ní yo̱ kpō ye̱ šikpoṅ le̱ no̱ le̱ ahe.

²¹Ame̱gbe̱o̱ ame̱dāṅ hatō ame̱woo̱mi, ame̱kē̱o̱ ake̱: “Yie̱, yie̱! wo̱na ke̱ wo̱-hĩṅme̱ii!” [258]

²²Iehowa, ona; kāfe diṅṅ! Nuntšo̱, oke̱mi teṅ akadšeke̱!

²³Ohĩe atšẽ ni ote ši ni okodšo ohãmi, mi-Nyoṅmo̱ ke̱ mi-Nuntšo̱, ye misane le̱ ohãmi! [259]

²⁴Iehowa, mi-Nyoṅmo̱, kodšomo̱mi ye̱ odšale̱ le̱ nā, ni kāhã ame̱mīyemi yō̱!

²⁵Kāhã ame̱mīkē̱ ye̱ ame̱tšuiiaṅ ake̱: Yĩe̱! bo̱ni wo̱taoo̱ ne̱l Kāhã ame̱mīkē̱ ake̱: Wo̱nine egbele̱!

²⁶Mei ni nyã́a ye̱ mimanehũlũ hewo̱ le̱, *hã ame̱hĩe agboi, ame̱hĩe agboi ni ame̱hĩe aſie ši; mei ní tšé̱o̱ ame̱he odšei ye̱ mino̱ le̱, hã ame̱ha hĩegbĕle ke̱ he-guo̱gbē tamo̱ mama! [260]

²⁷Mei ní náa midšale̱ le̱ he mīše̱ le̱, hã ame̱bo̱ oše ke̱ nyã́mo̱; ame̱kē̱ dā ake: Iehowa dše agbo, le̱ moni enáa etšũlo̱ edšũrõyeli he mīše̱ le̱! [261]

²⁸Ni milile̱i aagba odšale̱ ke̱ oyidšie-mo̱ le̱ he sane dāne̱.