Read luganda Lalai 37 Bible Online

Lalai 37 - luganda bible

Lalai 37

¹David lala. Kāwo otšui la ye̱ eſõṅfelo̱i ahe, asaṅ ohĩe akakõ mei ní tšuo̱ nii ní edšaa le̱ ano̱. [268]

²Ši eyeṅ be ko ni aaflo̱ame̱ aſie tamo̱ dſe̱i, ni ame̱aaṅãlã tamo̱ bā fo̱.

³Ṅõ ohĩe ofo Iehowa no̱, ni ofe ekpakpa; *hī šikpoṅ le̱ no̱, ni oye ano̱kwa; [269]

⁴ni omī ase̱ Iehowa he, ni eehao nii ni otšui taoo̱ le̱.

⁵Gbe̱ ní onyie no̱ le̱, ṅõfõ Iehowa no̱, ni oṅõ ohĩe hũ ofõ eno̱, ni eefe. [270]

⁶Ni eehã odšale̱ le̱ adše kpo tamo̱ dšetše̱remo̱, ke̱ odšale̱ saneyeli le̱ hũ tamo̱ ſane. [271]

⁷Daṅmo̱ Iehowa diṅṅ, ni oto otšui ši omẽle̱; kāwo otšui la ye̱ moni egbe edša ehãle̱ le̱ hewo̱, ye̱ moni nyẽo̱ eyiṅtōi fõdši le̱ efeo̱ le̱ hewo̱. [272]

⁸Hã mlifũ se̱ afo ni oše̱ mlila ofõ; kāwo otšui la hũ, efõṅfemo̱ mli ke̱ke̱ eke̱ mo yaä.

⁹Edšake̱ efõṅfelo̱i le̱, aaflo̱ame̱ aſie; ši mei ní kwe̱o̱ Iehowa gbe̱ le̱, šikpoṅ le̱ *aatšṍ ame̱nõ. [273]

¹⁰Eſe̱ fiō ke̱ke̱ ní mofõṅ le̱ be̱ doṅṅ, ni ké̱ okwe̱ ešihĩle̱he le̱, ebe̱ dše̱i. [274]

¹¹Ši mei ni he dšo̱ le̱, šikpoṅ le̱ aatšṍ ame̱nõ, ni ame̱mī aaše̱ ame̱he ye̱ hedšo̱le̱ babaō mli. [275]

¹²Mofõṅ kpãṅo̱ dšalo̱ yi no̱, ni ekpeo̱ enyãnyõdši ašiši efieo̱ eno̱;

¹³ši Nuntšo̱ le̱ ṅmõo̱le̱, edšake̱ enaä ake̱ *egbĩ le̱ mīše̱. [276]

¹⁴Meifõdši egbla klante ni ame̱do̱ ame̱gãi le̱, ni ame̱ke̱-tšire̱ nõnalo̱ ko̱ ohĩa-fo ame̱tſia ši, ni ame̱ke̱-gbe mei ni dša ye̱ amegbe le̱ no̱ le̱. [277]

¹⁵Ame̱klante le̱ aagbulo̱ ame̱dientše̱ ame̱tšuiiaṅ, ni ame̱gãii le̱ aakũmo̱.

¹⁶Nii fiō ní dšalo̱ yo̱ le̱ hī fè meifõdši pī anii ní ame̱ná eteke no̱ le̱. [278]

¹⁷Edšake̱ meifõdši anidši aakũmo̱; ši dšalo̱i le̱, Iehowa hĩeo̱ ame̱mli.

¹⁸Iehowa le mei ní kpa ko be̱ ame̱-he le̱ agbĩĩ, ni ame̱gbošinii le̱ aahī ši ke̱-ate nāno̱.

¹⁹Ame̱hĩe gboiṅ ye̱ be fõṅ mli, ni hõmo̱gbĩĩ amli le̱ ame̱atō̱ro̱. [279]

²⁰Ši meifõdši le̱ ahĩe aakpãtã, ni Iehowa henye̱lo̱i le̱ aatamo̱ dſe̱iaṅ fo̱fo̱i, ame̱atã tamo̱ lasũ tãa. [280]

²¹Mofõṅ faä nii ni ewoo nyõmo̱; ši dšalo̱ naä mo̱bo̱ ni ehãa mo nõ.

²²Edšake̱ mei ní edsō̱ le̱, šikpoṅ le̱ aatšṍ ame̱nõ; ši mei ni elomo̱ le̱, aaflo̱ame̱ aſie. [281]

²³Iehowa hãa gbomo nane mãa ši šiṅṅ, ni enaa egbe̱ le̱ be mīše̱.

²⁴Ké̱ egbē ši tete le̱, ekãṅ ši kwrā, edšake̱ Iehowa hĩe enine mli. [282]

²⁵Sá le̱ gbekẽ dšimi ni agbe̱ne̱ mitšṍ nūmo, ši mináko dšalo̱ ko ní akwale̱ lo ní esešibii mīsisẽ abolo pẽṅ. [283]

²⁶Dāne̱ enaä mo̱bo̱ ni efaä mo nõ, ni esešibii le̱ tšṍo̱ dšō̱mo̱.

²⁷W̌ī efõṅ ni ofe ekpakpa, ni ohĩ ši ke̱-ya nāno̱. [284]

²⁸Edšake̱ Iehowa sumoo̱ dšale̱ saneyeli, ni ekwaa emei kroṅkroṅi le̱. Abaa ame̱yi ke̱-yaã nāno̱; ši meifõdši asešibii le̱ aaflo̱ame̱ aſie. [285]

²⁹Dšalo̱i le̱, šikpoṅ le̱ aatšṍ ame̱nõ ni ame̱ahĩ no̱ dä. [286]

³⁰Dšalo̱ nābu wieo̱ nilē wiemo̱, ni elile̱i hũ wieo̱ noni dša.

³¹E-Nyoṅmo̱ le̱ mla le̱ ye̱ etšui mli; enãdšifãmo̱i le̱ eko eko šãneṅ. [287]

³²Mofõṅ hĩe sãṅo̱ dšalo̱ ni etaoo̱le̱ egbe. [288]

³³Iehowa eṅmē̃ṅ ehe ewoṅ edeṅ, ni ké̱ akodšole̱ le̱, ebuṅle̱ fo̱. [289]

³⁴Kwe̱mo̱ Iehowa gbe̱ ni onyie egbe le̱ no̱, ni eewó ono̱, koni šikpoṅ le̱ atšṍ onõ; beni aaflo̱ meifõdši le̱, oona. [290]

³⁵Mina mofõṅ yiwalo̱ ko, ni ebú tamo̱ tšo kusū ni ená mā̃he; [291]

³⁶ši beni miyatšṍ dše̱i le̱, na, ebe̱; mibi eši, ši anaale̱. [292]

³⁷Sramo̱ moni hĩ ke̱-wula ši, ni okwe̱ moni dša le̱; edšake̱ nakai gbomo le̱, aahĩ ahãle̱ wó̱se̱. [293]

³⁸Ši notõloi le̱, aakpãtã ame̱hĩe šikōme; meifõdši awó̱se̱be le̱ se̱ aafo.

³⁹Ši dšalo̱i le̱ ayiwalaheremo̱ le̱ dše̱ Iehowa ṅõ; le̱ dši ame̱mō̃ ye̱ fĩmo̱ be mli. [294]

⁴⁰Ni Iehowa yeo̱ buaä-ame̱ ni edšieo̱ame̱; edšieo̱ame̱ ye̱ meifõdši adeṅ ni ehereo̱ ame̱yi wala; edšake̱ ame̱yabale̱ abo. [295]