Read luganda Lalai 40 Bible Online

Lalai 40 - luganda bible

Lalai 40

¹David lala ni eke̱-hã lalatše̱ nukpa le̱.

²Kwe̱ mikwe̱ Iehowa gbe̱, ni eyiṅ fũmi, ni enu miblo̱mo̱,

³ni efāmi ke̱-dše̱ hĩekpãtãmo̱ bu le̱ mli, ke̱-dše̱ ṅmo̱to̱ ní mli kwo̱ le̱ mli, ni eke̱ minãdši mãmo̱ te̱sā no̱ ni ehã minane mõ ši;

⁴ni eke̱ *lala he ewo midāṅ, ni dši yidšiemo̱ ní sa wo̱-Nyoṅmo̱ le̱. Mei babaō aana ni ame̱aše gbeyei, ni ame̱ke̱ ame̱hĩe aafo Iehowa no̱. [312]

⁵Adšō̱ gbomo ní ṅõo̱ ehĩe efõo̱ Iehowa no̱, ni ebuu hewolo̱i ke̱ mei ni gbáa yanyieo̱ amale se̱ le̱!

⁶Iehowa, mi-Nyoṅmo̱, onākpe̱nii ni otšuo̱ ke̱ odſẽṅmo̱i ní odfẽṅo̱ ye̱ wo̱he le̱ fá naakpa. Noko be̱ ni aanyẽ aṅō-to ohe! Ké̱ mikē̱ madšadše ni mawie he le̱, ame̱fá fè bo̱ni aanyẽ akane. [313]

⁷*Afo̱le ke̱ niyenii-afo̱le le̱ onyã́ã́ he, ši moṅ †ogble mitoiṅ. Šã-afo̱le ke̱ eša-afo̱le le, otaoo. [314]

⁸Ke̱ke̱ ni mike̱: Na, miba; aṅmã mihe sane ye̱ wolokpo le̱ mli.

⁹Mi-Nyoṅmo̱, eṅõ minā ake̱ mafe osuomo̱nānii ni omla le̱ ye̱ mitšui mli.

¹⁰Midšadše dšale̱ he sane ye̱ asafo kple le̱ mli; na, mimūako minā, Iehowa, ole! [315]

¹¹Odšale̱ le̱, mitšĩmo̱ko no̱ ye̱ mitšui mli; midšadše ono̱kwayeli ke̱ owalaheremo̱ le̱ mitšõ; mišiuko omlihĩle̱ ke̱ ono̱kwale le̱ no̱ ye̱ asafo kple le̱ṅ.

¹²Iehowa, kākãmãmi omũsũṅtsõle̱ le̱; hã omlihĩle̱ ke̱ ono̱kwale le̱ abā miyi dāne̱.

¹³Edšake̱ efõdši ní anyẽṅ akane ebo̱lemi ke̱-kpe; minišaianii le̱ etšṍ mimli, ni minyẽẽ mihĩe no̱ mawó; ame̱fá fè mi-yĩteṅ tšo̱ii, ni mitšui efã ye̱ mimli po.

¹⁴Iehowa, ofai ne̱, ni odšiemi; Iehowa, ye obuami oyá!

¹⁵Mei ní taoo̱ misusuma hĩe ame̱kpãtã le̱, hã ame̱hĩe agboi ni ame̱hĩe aſie ši; mei ni nyã́a mimanehũlũ he le̱, hã atšire̱ ame̱yi se̱ ni ame̱he guo̱ agbo! [316]

¹⁶Mei ni kē̱o̱mi ake̱: Yie̱, yie̱! le̱, hã ame̱he adšõ ame̱he ye̱ ame̱hĩegbĕle le̱ hewo̱. [317]

¹⁷Hã mei fẽ ni taoo̱ ose̱gbe̱ le̱ anyã́ ni ame̱mī aše̱ ame̱he ye̱ omli; hã mei ni sumoo̱ oyiwalaheremo̱ le hũ akē̱ dã ake̱: Iehowa dše agbo!

¹⁸Tše̱ mi le̱, *minii ye̱ mo̱bo̱ ni efĩmi moṅ, ši kẽle̱ Nuntšo̱ le̱ dſẽṅo̱ mino̱. Bo dši mibualo̱ ke̱ midšielo̱; mi-Nyoṅmo̱, kātše̱ kwrā! [318]