Read luganda Lalai 59 Bible Online

Lalai 59 - luganda bible

Lalai 59

¹David lala ni eṅmã ni eke̱-hã lalatše̱ nukpa le̱, ni ake̱ “kãkpãtã hīe!” gbā ala; ela beni *Saul tšũ ayasra ewe le̱, koni agbele̱ le̱. [411]

²Mi-Nyoṅmo̱, dšiemo̱mi ye̱ mihenye̱lo̱i adeṅ, ní ohĩemi ṅw̌eiṅwei ye̱ mei ní teo̱ ši woo̱mi le̱ ahĩe!

³Dšiemo̱mi ke̱-dše̱ mei ní tšuo̱ nišaianii le̱ adeṅ, ni ohere miyiwala ke̱-dše̱ lá suolo̱i le̱ adeṅ!

⁴Ši na, ame̱wo misusuma ká; hewalo̱i buaä ame̱he nā ame̱woo̱mi, Iehowa, dšee mino̱tõmo̱ ko lo mihe eša ko hewo̱.

⁵Dšee tõmo̱ ko hewo̱ hũ ní ame̱dsoo̱ foi ame̱yasāa ame̱he. *Ohĩe atšẽ, oke̱mi akakpe ni okwe̱! [412]

⁶Ni bo, Iehowa, Zebaot Nyoṅmo̱, Israel Nyoṅmo̱, wó ohe no̱ ni oyasra dseṅmãdsi le̱ fiā; kāna efõṅfelo̱i kũtũmpo̱foi le̱ eko eko mo̱bo̱! (Sela.)

⁷Ame̱kũo̱ ame̱se̱ ame̱baä gbe̱ke̱, ame̱blo̱ö̱ tamo̱ gbēi, ni ame̱bo̱leo̱ maṅ le̱ kpula. [413]

⁸Na, ame̱wieo̱ ame̱dā obõ, klantei ye̱ ame̱nābui, edšake̱ [ame̱kē̱o̱ ake̱]: “Namo nuo̱?”

⁹Ši bo, Iehowa, oṅmõo̱ame̱, oyeo̱ dšeṅmãdši le̱ fẽ he fe̱o. [414]

¹⁰Mihewale̱, bo noṅṅ gbe̱ makwe̱; edšake̱ Nyoṅmo̱ dši mimō̃.

¹¹Mi-Nyoṅmo̱ le̱ ke̱ emo̱bo̱nale̱ le̱ aabakpẽmi; Nyoṅmo̱ aaba *mana noni mitaoo̱ ye̱ mihenye̱lo̱i le̱ ahe le̱. [415]

¹²Kāgbeame̱, ní mimaṅ le̱ hĩe mikpa no̱; gbe̱ame̱ oſã ye̱ ohewale̱ le̱ nā ni oṅõame̱ otſia ši, bo, Nuntšo̱, ní dši wo̱-tše̱ṅ le̱!

¹³Ame̱dāṅ eša ke̱ ame̱nā wiemo̱i ke̱ lōmo̱ ke̱ apasa wiemo̱i ní ame̱wieo̱ le̱ ahewo̱ le̱, hã amõmo̱ame̱ ye̱ ame̱hewō le̱ mli.

¹⁴Kpãtãmo̱ ame̱hĩe ye̱ mlifũ mli, kpãtãmo̱ amehĩe ní ame̱tã, koni ame̱ná ame̱le ake̱ Nyoṅmo̱ mīye Iakob no̱ maṅtše̱ ke̱-yaši šikpoṅ le̱ nāgbéhei le̱! (Sela.)

¹⁵Ame̱kũo̱ ame̱se̱ ame̱baä gbe̱ke̱, ame̱blo̱ö̱ tamo̱ gbēi, ni ame̱bo̱leo̱ maṅ le̱ kpula. [416]

¹⁶Ame̱yakpaä ši ame̱yeo̱ nii, ní ké̱ ame̱tō̱ro̱o̱ le̱, ame̱hĩo̱ dāe̱i nyōṅnyōṅ fẽ.

¹⁷Ši mi le̱ mala ohewale̱ le̱ he lala, ni lebi le̱ mala omo̱bo̱nale̱ le̱ he nyã́mo̱ lala; edšake̱ bo dši mimō̃ ke̱ abobāhe ye̱ mifĩmo̱gbĩ le̱ no̱.

¹⁸Mala madšie oyi, bo, mihewale̱; edšake̱ Nyoṅmo̱ dši mimō̃ ke̱ mimo̱bo̱nale̱ Nyoṅmo̱!