Read luganda Lalai 60 Bible Online

Lalai 60 - luganda bible

Lalai 60

¹David lala ní eṅmã ni eke̱-hã lalatše̱ nukpa le̱, ni ake̱ “odaseyeli ofló̱ fo̱fo̱i” gbē ala, ni ake̱-tšõ nii;

²ela beni eke̱ Aram-Naharaim ke̱ Aram-Zoba wu ni Ioab kũ ese̱ eyagbe Edombii le̱ ateṅ mei akpei-nyoṅma-ke̱-enyo̱ ye̱ Ṅō-dšō̱ le̱ mli le̱. [417]

³Nyoṅmo̱, ose̱re̱wo̱ oſie, ogbe̱wo̱ oſã, omli efũ; oke̱wo̱ aba wo̱ṅe̱le̱no̱ ekoṅ!

⁴Ohã šikpoṅ le̱ ehoso, odſrale̱; tšãrámo̱ ehei ni edſra le̱, edšake̱ ēdidã!

⁵Ohã omaṅ le̱ ena nii ni wa, *ohã wo̱nu didãmo̱-dā̃. [418]

⁶Ohã mei ní šeo̱o gbeyei le̱ *aflaṅā, koni ame̱si ye̱ ano̱kwale le̱ hewo̱. (Sela.) [419]

⁷Koni adšie mei ni osumoo̱ le̱, oke̱ oninedšũrõ ahere wo̱yiwala, ni oto he ohã wo̱!

⁸Nyoṅmo̱ ewie ye̱ ekroṅkroṅfemo̱ le̱ mli: Mabo̱ oše, madša Šekem mli, ni masusu Sukot dšō̱ le̱.

⁹Minõ dši Gilead, ni minõ dši Manase; Efraim dši miyitšo dadefai, *Iuda le̱, mimaṅtše̱tšo ni. [420]

¹⁰Moab dši mihedšu-kulo, Edom no̱ madšie mitokota mafõ, mihewo̱ hũ, Filistea aablo̱ wā.

¹¹Namo aaṅõmi ke̱-ate maṅ ni wa le̱ mli? Namo aayawami Edom?

¹²Ani dšee bo, Nyoṅmo̱, ni oše̱re̱wo̱ oſie le̱, bo Nyoṅmo̱ ní oke̱wo̱ efãã ta le̱ ni?

¹³Ye obuawo̱ ye̱ haomo̱ mli; edšake̱ gbomo yeli-ke̱-buamo̱ dšee fē̱ifē̱i!

¹⁴Nyoṅmo̱ no̱ wo̱o̱tšṍ wo̱ye kũnim; edšake̱ le̱ dši moni aanānā wo̱henye̱lo̱i le̱ ano̱ ke̱-mõ ši.