Read luganda Lalai 62 Bible Online

Lalai 62 - luganda bible

Lalai 62

¹David lala ní eke̱-hã lalatše̱ nukpa *Iedutun le̱. [425]

²Hē̃, misusuma efe diṅṅ ēkwe̱ Nyoṅmo̱ gbe̱, le̱ eṅõ miyiwalaheremo̱ dše̱o̱. [426]

³Hē̃, le̱ dši mite̱sã ke̱ miyiwalaheremo̱ ke̱ mimō̃, mididāṅ tūtu ko.

⁴Mẽ beyino̱ po nyeahao gbomo kome ke̱-yaši, ni nyefe nyeatšile̱ nyegbẽ ši tamo̱ gbogbo ní ekpa, lo afãbaṅ ní didãa?

⁵Hē̃, eyi no̱ adšina so̱ṅṅ ame̱yaä, koni ame̱kpale̱ ke̱-dše̱ egbodšē le̱ mli, ame̱sumoo̱ amale; beni ame̱ke̱ ame̱nābu dšō̱o̱ le, bẽle ame̱mīlomo ye ame̱mligbe. (Sela.)

⁶Hē̃, misusuma, femo̱ diṅṅ okwe̱ Nyoṅmo̱ gbe̱; edšake̱ le̱ edeṅ mináa noni mihĩe kã no̱ le̱ ye̱.

⁷Hē̃, le̱ dši mite̱sā ke̱ miyiwalaheremo̱ ke̱ mimō̃, mididāṅ! [427]

⁸Nyoṅmo̱ no̱ miyiwalaheremo̱ ke̱ minumnyam kā; mite̱sā ní wa ke̱ mibobāhe dši Nyoṅmo̱. [428]

⁹Nye maṅ le̱, nyeke̱ nyehĩe afõa eno̱ befẽbe, nyefo̱sea nyetšui nyeſiea ehĩe; Nyoṅmo̱ dši wo̱bobãhe! (Sela.)

¹⁰Hē̃, ádesãi abii le̱, kō̱yo̱ so̱ṅṅ dšiame̱, ni amale dši gbomei abii; ké̱ ake̱-ame̱ wo nsẽni mli le̱, ameya ṅwei, ame̱fẽ ame̱tšīmo̱ še̱e̱ kō̱yo̱ tete!

¹¹Nyeke̱ nyehĩe akafõa amimyeli no̱, ni nyeyitšo hũ akafũa ye̱ dšũ-ke̱-fõ nii ahewo̱; ké̱ *nii mĩfá le̱, nyeke̱ nyetšui akafõa no̱! [429]

¹²Nyoṅmo̱ ewie šikome, minu ene̱ šii enyo̱: ake̱ hewale̱ le̱ Nyoṅmo̱ nõ ni.

¹³Asaṅ bo, Nuntšo̱, onõ dši mo̱bo̱nale̱; edšake̱ bo owoo̱ mofẽmo nyõmo̱ bo̱ni sa enitšumo̱ le̱. [430]