Read luganda Lalai 66 Bible Online

Lalai 66 - luganda bible

Lalai 66

¹Lala ni ala ni ake̱-hã lalatše̱ nukpa le̱. Nyeke̱ nyã́mo̱ abo̱a oše nyehãa Nyoṅmo̱, nye šikpõdsi le̱ fẽ!

²Nyelaä nyehãa egbe̱i le̱ anumnyam; nyehãa eyidšiemo̱ le̱ hĩe abaä nyam!

³Nyekē̱a Nyoṅmo̱ ake̱: Onitšumo̱i le̱ ye̱ gbeyei pi! Ohewale̱ le̱ dale̱ nā le̱ ohenye̱lo̱i le̱ aaba amehe ši ame̱hão.

⁴Šikpoṅ le̱ flā-kwa aadšáo ni ame̱-ala amehão, ame̱ala amehä ogbe̱i le̱. (Sela.)

⁵Nyebaä nyebakwe̱a Nyoṅmo̱ nitšumo̱i le̱; ehe ye̱ gbeyei ye̱ nii ni etšuo̱ ehãa gbomei abii le̱ amli.

⁶Ehã ṅšo̱ tšṍ šikpoṅ gbĩṅ, ame̱fo fā ke̱ ame̱nane: dše̱i wo̱nyã́ ehe ye̱! [441]

⁷Eke̱ ehewale̱ mīye maṅtše̱ ke̱-mīya nāno̱; ehĩṅme̱i kā dšeṅmãdši le̱ ahe: atũatselo̱i akawó ame̱he no̱! (Sela.)

⁸Nye mãdši le̱, nyedšiea wo̱-Nyoṅmo̱ le̱ yi, ni nyehãa anua eyidšiemo̱ gbē,

⁹moni hīeo̱ wo̱susuma mli ní wo̱yi náa wala, ni eṅmẽẽ gbe̱ ni wo̱nādši ašãne le̱!

¹⁰Edšake̱ bo, Nyoṅmo̱, okawo̱ okwe̱, *otšū wohe, tamo atšũo dſietei he; [442]

¹¹oke̱wo̱ eyawo yā mli, oke̱ dšatšu ke̱ tšīmo̱ eſie wogbedši ano̱;

¹²ohã gbomei ádesãi enyie wo̱yiteaṅ po, *wo̱tsṍmo̱ la mli ke̱ nui amli ke̱-ho, ši odšiewo ke̱-ba heni nii babaō yo̱. [443]

¹³Mike̱ šã-afo̱lei aaba owe le̱, maye misiwōi le̱ ano̱ mahão,

¹⁴nii ni dše minā ní miwie ke̱ minābu, beni efīmi le̱.

¹⁵Mike̱ tōgwanteṅi ni ewo fo̱ aašã šã-afo̱lei mahão, ke̱ tōagboi ní ašãa le̱ aṅmadšē, mike̱ tšinai ke̱ tōabotiai aašã afo̱le. (Sela.)

¹⁶Nye mei fẽ ní nyešeo̱ Nyoṅmo̱ gbeyei, nyebaã nyebaboa toi, ni magbanye noni efe ehã misusuma!

¹⁷Mike̱ minãbu bo tšé̱le̱, ni ekafomo̱ kã milile̱i no̱.

¹⁸Edši misumoo̱ nõša ko ye̱ mitšui mli kũle, Nuntšo le̱ boṅmi toi. [444]

¹⁹Ši le̱le̱ṅ, Nyoṅmo̱ ebomi toi, efe toi ehã miso̱lemo̱ gbẽ le̱.

²⁰Yidšiemo̱ ahã Nyoṅmo̱, ake̱ etſaa miso̱lemo̱ le̱ efõõ, ni edšiee emo̱bo̱nale̱ le̱ ye̱ mino̱!