Read luganda Lalai 68 Bible Online

Lalai 68 - luganda bible

Lalai 68

¹David lala ni ela ní eke̱-hã lalatše̱ nukpa le̱.

²Nyoṅmo̱ awó ehe no̱, ehenye̱lo̱i agbe̱ aſã, ni mei hũ ní he tšēo̱le̱ le̱ adšo foi ye̱ ehĩe! [449]

³Hũmo̱ame̱ tamo̱ ahũo̱ lasũ le̱; take̱ bo̱ni wò-agbaku sẽreo̱ ye̱ la he le̱, nakai ohã meifõdši ahĩe akpãtã ye̱ Nyoṅmo̱ hĩe.

⁴Ši dšalo̱i le̱, hã amenyã́, ni ame̱la ke̱ mīše̱ ye̱ Nyoṅmo̱ hĩe, ni ame̱mli afliame̱ ke̱ nyã́mo̱.

⁵Nyelaä nyehãa Nyoṅmo̱, nyelaä nyedšiea egbe̱i le̱ yi! *Nyedšea gbe̱ nyehãa moni tá ſīli mli ke̱-baä ye̱ ṅā le̱ no̱ le̱; Iehowa dši egbe̱i, ni nyenyã́a ye̱ ehĩe! [450]

⁶Awusãi atše̱ ke̱ okũlafoi asaneyelo̱ dši Nyoṅmo̱ ye̱ ešihĩle̱he kroṅkroṅ le̱. [451]

⁷Nyoṅmo̱ hãa moni be̱ moko le̱ náa bii ke̱ ho̱i, edšieo̱ gbokle̱foi ni ehãa ame̱yeo̱ edsũrõ; ši atũatšelo̱i le̱, ame̱hĩo̱ šikpoṅ gbĩṅ keketē no̱.

⁸Nyoṅmo̱, beni odše kpo ke̱-nyie omaṅ le̱ hīe le̱, beni ofoo̱ mli ye̱ ṅã kplanā le̱ no̱ le̱, (Sela,) [452]

⁹šikpoṅ le̱ hoso, ni ṅwei hũ tšere ſie ši ye̱ Nyoṅmo̱ hĩe, Sinai ne̱ tete hoso ye̱ Nyoṅmo̱ ni dši Israel Nyoṅmo̱ le̱ hĩe. [453]

¹⁰Bo, Nyoṅmo̱, ohã nu babaō tue ni owadše ono̱yeli le̱, be mli ni eto̱le̱ le̱.

¹¹Osafo le̱ hĩ dše̱i; bo, Nyoṅmo̱, osā onii kpakpai le̱ eko ohã nõnalo̱i.

¹²Nuntšo̱ le̱ bã anu hewale̱ wiemo̱; yei ni *šieo kũnimyeli le̱ fá babaō. [454]

¹³Tai le̱ ano̱ maṅtše̱mei le̱ dšodšō foi, ame̱dšodšō foi, ní yõ ni ašĩ ye̱ šĩa le̱ dša nomṅō̃nii le̱.

¹⁴Ké̱ nyekāmo̱ *tōiatšũi le̱ ateaṅ le̱, etamo̱ okpo fīdši ní aſie he dſietei, ke̱ etše̱dši ni ake̱ šika ſe̱fe̱o eha he. [455]

¹⁵Beni Ofe le̱ gbe̱ emli maṅtše̱meĩ le̱ eſã le̱, efe tamo̱ noni snō mīnyõ ye̱ Zalmon.

¹⁶Nyoṅmo̱ goṅ dši Bašan goṅ le̱, gõdši godšogodšō dši Bašan gõdši le̱.

¹⁷Mẽba, nye gõdši godšogodšō le̱, nyehe tšẽo̱ goṅ *ni Nyoṅmo̱ sumoo̱ no̱ hīle̱ le̱? Hē̃, Iehowa aahĩ no̱ ke̱-ate nāno̱! [456]

¹⁸Nyoṅmo̱ *ta-ſīlii le̱, akpei-nyoṅma toi akpei-hūhā abo̱ ni; Nuntšo̱ le̱ ye̱ ame̱teṅ tamo̱ Sinai hekroṅkroṅ le̱. [457]

¹⁹*Okwo̱ ke̱-te ṅwei, oṅõ nomi anom; ohe nikēnii ye̱ gbomei ateṅ, ye̱ atŭatšelo̱i tete ateṅ, koni Iehowa Nyoṅmo̱ ahĩ ši ye̱ dše̱i. [458]

²⁰Adšie Nuntšo̱ le̱ yi! Dāne̱ etĕreo̱ wo̱dšatsui le̱ ehãawo̱; Mawu le̱ noṅṅ dši wo̱yiwalaheremo̱. (Sela.) [459]

²¹Le̱, Mawu le̱, dši wo̱yiwalaheremo̱ Mawu, ni Nuntšo̱ Iehowa le̱ dši moni dšieo̱ mo ke̱-dše̱o̱ gbĕle mli.

²²Hē̃, Nyoṅmo̱ aadſãra ehenye̱lo̱i le̱ ayĩtšei ke̱ monĩ yaä no̱ ye̱ efo̱yeli le̱ mli le̱ yitšo ke̱ eno̱ yitso̱i kusū le̱.

²³Nuntšo̱ le̱ kē̱ ake̱: Makplaame̱ ke̱-adše̱ Bašan ke̱-ba ekoṅ, makplaame̱ ke̱-adše̱ ṅšo̱ṅ bui kwo̱ṅkwo̱ṅi le̱ amli ke̱-ba ekoṅ,

²⁴koni oke̱ onane atso̱ lá mli, ni ogbēi le̱ alile̱i aṅá ohenye̱lo̱i le̱ ahe noko ale̱mo̱.

²⁵Nyoṅmo̱, ame̱na *onyiemo̱i le̱, mi-Mawu ní dši mimaṅtše̱ le̱ nyiemo̱i ní enyieo̱ ye̱ kroṅkroṅfemo̱ mli le̱. [460]

²⁶Lalatše̱mei le̱ nyie hīe, saṅkũtſalo̱i le̱ nyie se̱ ye̱ *oblayei ní šaä fabii le̱ ateṅ [461]

²⁷Nyedšiea Nyoṅmo̱ yi ye̱ asafoi ateṅ, *nye mei ní nyedše̱ Israel nubu le̱ mli le̱, nyedšiea Nuntšo̱ le̱ yi! [462]

²⁸Dše̱i Benyamin fiō ní dši ame̱no̱yelo̱ le̱ yo̱, ke̱ Iuda lumei le̱ ke̱ ame̱-safoiatše̱mei, ke̱ Sebulon lumei le̱, ke̱ Naftali lumei le̱.

²⁹Nyoṅmo̱, fã́ ohewale̱ le̱! Nyoṅmo̱, wadšemo̱ noni otšũ ohãwo̱ ne̱!

³⁰Ose̱lemo̱we ní yo̱ Ierusalem le̱ hewo̱ le̱, *maṅtše̱mei ke̱ nikēnii aabahão. [463]

³¹Kã gălãi amli kolo le̱ ke̱ tšinahĩĩ asafo le̱ ke̱ mãdšimãdši le̱ atšinabii le̱ ahĩe, koni ame̱ṅõ ame̱he ame̱fõ ši ke̱ dſie̱te̱i kukudši! Gbe̱ mãdši ní sumoo̱ ta le̱ oſã!

³²Lumei aadše̱ Mizraim aba; Kuš he aafe oyá ni ekpa enidši amli ehã Nyoṅmo̱. [464]

³³Nye šikpoṅ le̱ no̱ maṅtše̱yelii le̱, nyelaä nyehãa Nyoṅmo̱! Nyelaä nye-dšiea Nuntšo̱ le̱ yi, (Sela.)

³⁴moni tá ṅweii amli ṅwei ní yo̱ ke̱-dše̱ tetēte le̱ no̱ le̱! Na, ewóo̱ egbe ní dši gbẽ ní wa le̱ no̱.

³⁵Nyeke̱ hewale̱ *ahãa Nānyoṅmo̱! Egbodšē le̱ yeo̱ Israel no̱, ni ebewale̱ le̱ ye̱ atatuiaṅ. [465]

³⁶Nānyoṅmo̱, ohe ye̱ gbeyei ye̱ ohei kroṅkroṅi le̱; Israel Mawu le̱, *le̱ dši moni ke̱ hewale̱ ke̱ ekã hãa emaṅ le̱. Aadšie Nyoṅmo̱ yi! [466]