Read luganda Lalai 71 Bible Online

Lalai 71 - luganda bible

Lalai 71

¹Iehowa, ho abo mibaā; kāhã mihĩe migbo gbĩkogbĩko!

²Oke̱ odšale̱ le̱ adšiemi ni oheremi; ba otoi ši ohãmi, ni ohere miyiwala!

³Tšṍ te̱sā ní ahĩo̱ no̱ ohãmi, heni mafo̱ yā dā; ofã́ ake̱ ahere miyiwala, edšake̱ *mite̱sā ke̱ mimo dšio! [484]

⁴Mi-Nyoṅmo̱, heremo̱mi ke̱-dše̱ mofõṅ le̱ deṅ, ke̱-dše̱ nõšafelo̱ ke̱ yiwalo̱ le̱ deṅ.

⁵Edšake̱ bo, Nuntšo̱ Iehowa, dši mi-hĩeno̱kãmo̱, bo ono̱ mike̱ mihĩe fõ ke̱-dše̱ miblahĩaṅ.

⁶Bo ohĩe mimli ke̱-dše̱ mũsũṅ bēbe; bo noṅṅ odšiemi ke̱-dše̱ minye mũsũṅ. Bo oyi madšie dāne̱! [485]

⁷Mitsṍ tamo̱ *nākpe̱nõ ko mihã mei pī; ši bo dši mibobāhe ní wa. [486]

⁸Oyidšiemo̱ aayi midāṅ obõ, mawo ohĩe nyam dā dšenamo̱.

⁹Kāše̱mi ofõ ye̱ migbo̱le̱ be le̱ṅ; ké̱ mihewale̱ tã le̱, kākwami! [487]

¹⁰Edšake̱ mihenye̱lo̱i le̱ wieo̱ mihe, ni mei ni woo̱ misusuma ká le̱ feo̱ kome yaä apãm,

¹¹ame̱kē̱o̱ ake̱: Nānyoṅmo̱ ekwale̱; nyetiuale̱ ni nyemõale̱, edšake̱ mokomoko be̱ ní aadšiele̱!

¹²Nyoṅmo̱, oke̱mi teṅ akadšeke̱; mi-Nyoṅmo̱, ye obuami oyá!

¹³Mei ní dši misusuma henye̱lo̱i le̱, hã ame̱hĩe agboi ni ame̱lādse; mei ní taoo̱mi efõṅ le̱, hã ahorabō̱ ke̱ heguo̱gbĕle aha amehe!

¹⁴Ši mi le̱, maṅmẽ mitšui ši dā, ni mahã oyidšiemo̱ le̱ afá ke̱-ya no̱.

¹⁵Minābu aagba odšale̱ le̱ ke̱ oyiwalaheremo̱ le̱ he sane dāne̱, edšake̱ milee ame̱yibo̱! [488]

¹⁶Magba Nuntšo̱ Iehowa hewale̱ nitšumo̱i le̱, matšĩ bo okometō odšale̱ le̱ tã.

¹⁷Nyoṅmo̱, otšõmi nii ke̱-dše̱ miblahĩaṅ, ni midšadše onākpe̱ nitšumo̱i le̱ *ke̱-baši ṅme̱ne̱. [489]

¹⁸Ké̱ *migbo̱ midše waṅ tete le̱, Nānyoṅmo̱, kākwami, ke̱-yaši beyino̱ ní madšadše oninešiwale̱ le̱ matšõ yino̱bii ní baä ye̱ se̱ le̱, ke̱ ohewale̱ le̱ hũ matšõ mofẽmo ni baä le̱. [490]

¹⁹Nyoṅmo̱, odšale̱ le̱ kwo̱ godšō, bo ni ofeo̱ nibii wudši le̱, Nānyoṅmo̱, namo tamo̱o? [491]

²⁰Bo ní ohã wo̱na amanehũlũi babaō ní dšraã le̱, oohã wo̱yi aná wala ekoṅ, ni osā oodšiewo̱ ke̱-adše̱ šikpoṅ le̱ no̱ bui ní kwō̱lo̱ le̱ amli ke̱-aba ṅwei ekoṅ. [492]

²¹Hã migbodšē le̱ afá, ni otšṍ ohe oše̱dše mimī.

²²Mi hũ mike̱ saṅkũ aadšie bo ke̱ ono̱kwale le̱ yi, mi-Nyoṅmo̱; mike̱ obenta aala adšie oyi, bo Israel Mokroṅkroṅ le̱!

²³Beni milaä midšieo̱ oyi le̱, minābu ke̱ misusuma ní okpõ le̱ aanyã́ babaō.

²⁴Milile̱i hũ aagba odšale̱ le̱ he sane dā; edšake̱ mei ní taoo̱mi efõṅ-le̱ ahĩe egboi ni ame̱hĩe eſie ši.