Read luganda Lalai 78 Bible Online

Lalai 78 - luganda bible

Lalai 78

¹Asaf se̱yōmo̱ lala. Mimaṅ, nyeboa mimla le̱ toi, nyefea toi nyehãa midāṅ wiemo̱i le̱!

²Magble mina ye̱ abe̱buai amli, ma-tã blema adesãi le̱: [528]

³Nii ní wo̱nu ní wo̱le *ní wo̱tše̱mei gba wo̱ le̱, [529]

⁴wo̱šiuṅ ame̱bii le̱ ano̱; wo̱o̱dšadše Iehowa yidšiemo̱nii le̱ ke̱ ehewale̱ nitšumo̱i ke̱ enäkpe̱ nitšumo̱i ní etšu le̱ wo̱-tšṍ yino̱bii ní baba ye̱ se̱ le̱.

⁵Edšake̱ eke̱ odase emã ši ye̱ Iakob, ni eto mla hũ ye̱ Israel, ní ewo wo̱tše̱mei le̱ akitã ake̱ ame̱hã ame̱bii ale,

⁶koni yino̱bii ní baba le̱, bii ní abafo̱ le̱ aná ale, ni ame̱ hũ ame̱te ši ni ame̱gba ame̱bii,

⁷ni ame̱ke̱ ame̱hĩe afõ Nyoṅmo̱ no̱, ni ame̱hĩe akakpa Mawu nitšumo̱i le̱ ano̱, ši moṅ ame̱ye ekitãi le̱ ano̱,

⁸ni ame̱katamo̱ ame̱tše̱mei, yino̱bĩi *kaniṅkadšelo̱i ke̱ atũatšelo̱i le̱, yino̱bii ni esāā ame̱tšui ame̱too, ni ame̱mumo̱ kpe̱te̱e̱ Mawu he kpēṅṅ le̱. [530]

⁹Efraim bihĩĩ ni hĩe tawūnii ke̱ gãii amli le̱ tšṍ ame̱se̱ ye̱ tawū gbĩ le̱ no̱.

¹⁰Ame̱yee Nyoṅmo̱ kpãṅmo̱ le̱ no̱, ni ame̱kplẽẽ ake̱ ame̱anyie ye̱ emla le̱ nā,

¹¹ni ame̱hĩe kpa enifemo̱i le̱ ke̱ enākpe̱nii ní eṅõ-tšõame̱ le̱ ano̱.

¹²Efe nākpe̱nii ye̱ ame̱tše̱mei le̱ ahĩe ye̱ Mizraim šikpoṅ le̱ ke̱ *Zoan ṅã le̱ no. [531]

¹³Egba ṅšo̱ le̱ mli ni eha ame̱tšṍ mli ke̱-ho, ni eha nui le̱ damo̱ ši glegle. [532]

¹⁴ſane le̱ eke̱ atatu *tšõo̱ame̱ gbe̱, ni nyõṅnyõṅ fẽ le̱ eke̱ la ní kpe̱o̱. [533]

¹⁵Egbla te̱sāi amli ye̱ ṅã le̱ no̱ ni ebãame̱ nu babaō tamo̱ bui kwo̱ṅkwo̱ṅi amli nu ame̱nu; [534]

¹⁶ehã nsutẽṅi dše̱ te̱sā mli, ni ehã nui ho tamo̱ fāi.

¹⁷Ši ame̱kã he ame̱fe eša ame̱šile̱ kẽ, ni ame̱tše moni yo̱ ṅwei le̱ hĩe atūa ye̱ ṅã kpatā le̱ no̱,

¹⁸ni ame̱ka Mawu ye̱ ame̱tšui mli, ake̱-ní ame̱bi ṅmā̃ ši ame̱hã ame̱susuma le̱, [535]

¹⁹ni ame̱wie ame̱ši Nyoṅmo̱ ame̱kē̱: “Ani Mawu aanyẽ okplõ aṅmẽ ye̱ ṅã le̱ no̱?”

²⁰Na, etſa te̱sā le̱ nõ, ní nu tue ke̱-dse kpo, ni nsntẽṅi le̱ yimo̱ ke̱-teke no̱; ani eenyẽ abolo hũ ehã? lo eehã emaṅ le̱ lō?

²¹Nohewo̱ le̱ Iehowa nu ni emli wo la, ni aše̱re *la awo Iakob, ní mlifũ hũ te ši ewo Israel; [536]

²²edšake̱ ame̱hee Nyoṅmo̱ ame̱yee ni ame̱ke̱ ame̱hĩe efõõ eyiwalaheremo̱ le̱ no̱.

²³Kẽle̱ efã ṅwei atatui le̱, ni egble ṅwei šīnãi le̱ hũ,

²⁴ni ene̱ mána eſie ame̱no̱ ni ame̱-ye, ni ehãame̱ ṅwei ṅmā̃ le̱ eko. [537]

²⁵Gbomo ye ṅwei bo̱foi abolo; ehãame̱ niyenii ame̱ye ame̱tō̱ro̱.

²⁶Ehã bokã kō̱yo̱ tſa ye̱ ṅwei ni eke̱ ehewale̱ kpla wuoyigbe̱ kō̱yo̱ ke̱-ba;

²⁷ni ene̱ lō eſie ame̱no̱ tamo̱ mlu, ke̱ lofõdši hũ tamo̱ ṅšo̱ nā šia,

²⁸ni ehã ebaſie ame̱nsra le̱ teṅ ke̱-bo̱le ame̱šihĩle̱hei le̱.

²⁹Ni ame̱ye ni ame̱tō̱ro̱ ke̱-teke no̱, ni ehãame̱ noni baä ame̱tšine le̱.

³⁰Ame̱tšinebānii le̱ edšeko ame̱tšine, ame̱niyenii le̱ ye̱ ame̱dāṅ lolo,

³¹ke̱ke̱ ni Nyoṅmo̱ mlifũ te ši woame̱, ni egbegbẽ ame̱teṅ mei ni ewo fo̱ le̱ ateṅ meikomei, ni eṅõ Israel oblahĩĩ le̱ etſiatſiā ši. [538]

³²Ene̱ fẽ le̱, ame̱kã he ame̱mīfe eša lolo, ni ame̱hee enākpe̱nii le̱ ame̱yee.

³³Ni ehã ame̱gbĩĩ le̱ lādše tamo̱ kō̱-yo̱, ni ame̱fii le̱ ho oyá. [539]

³⁴Beni egbeame̱ le̱, no ame̱bi eši, ni ame̱kũ ame̱se̱ ni ame̱tao Mawu se̱gbe̱ oyá,

³⁵ni ame̱kai ake̱ Nyoṅmo̱ dši ame̱-te̱sā, ni Mawu Ṅweinyo le̱ dši ame̱kpõlo̱.

³⁶Ši ame̱ke̱ ame̱dā do̱ko̱ enā, ni ame̱-ke̱ ame̱lile̱i male tšõle̱;

³⁷ši ame̱tšui damo̱o̱ ši šiṅṅ hããle̱, ni ame̱yee ekpãṅmo̱ le̱ ano̱kwa.

³⁸Ši le̱ le̱, emũsũṅ tšōo̱le̱ kẽ eke̱ ame̱nõša le̱ faame̱, ni efiteeame̱, ni bei pī etšĩo̱ emlifũ le̱ nā, ni etēē emlila le̱ fiã ši,

³⁹ni ekai ake̱ helo ke̱ke̱ dšiame̱, kō̱-yo̱ ni hoo̱ yaã ni ekũũ ese̱ doṅṅ. [540]

⁴⁰Kwe̱ šiiabo̱ ni ame̱tše ehĩe atũa ye̱ ṅã le̱ no̱, ni ame̱fele̱ nidō̱nii ye̱ ṅã ole̱ṅle̱ le̱ no̱! [541]

⁴¹Ni ame̱ka Mawu no̱tono̱to, ni ame̱-wo Israel Mokroṅkroṅ le̱ mli la.

⁴²Ame̱kaii enine le̱ po lo gbĩ ni ekpõame̱ ke̱-dše̱ henye̱lo̱ le̱ deṅ le̱,

⁴³beni efe ekadii le̱ ye̱ Mizraim, ke̱ *enākpe̱nii le̱ ye̱ Zoan ṅã le̱ no̱ le̱; [542]

⁴⁴ni ehã ame̱fāi le̱ ke̱ ame̱nsutẽṅi le̱ tšṍmo̱ lá, ní ame̱nyẽẽ ame̱nu le̱; [543]

⁴⁵ni etšũ ofo̱ii ke̱-ba ame̱teṅ, ni ame̱-yeame̱, ke̱ ko̱ko̱denei hũ, ni ame̱kpãtã ame̱hĩe. [544]

⁴⁶Eṅõ ame̱nibānii le̱ hũ ehā agāi, ni eke̱ ame̱nitšumo̱ mli nii le̱ hã bālabii. [545]

⁴⁷Eke̱ nyoṅmo̱ṅte̱i bibii gbe ame̱-weintšei le̱, ni eke̱ nyoṅmo̱ṅte̱i wudši gbe ame̱sikamoretšei le̱. [546]

⁴⁸Ni eke̱ ame̱lè̱-koloi le̱ hã nyoṅmo̱ṅte̱, ni eke̱ ame̱kolokui le̱ hã srawai.

⁴⁹Ehã emlifũ ní nã wa ba ame̱no̱, ke̱ grimo̱ ke̱ mlila ke̱ haomo̱, bo̱foi fõdši asafo po.

⁵⁰Edše gbe̱ ehã emlifũ le̱, ni ebāā ame̱susuma yi ke̱-dse̱e̱ gbĕle mli, ši eṅõ ame̱wala ehã gbēle-hela; [547]

⁵¹ni egbe Mizraim kromo̱bii fẽ, mei ní dši hewale̱ šišidsẽ ye̱ Ham būi le̱ amli le̱. [548]

⁵²Ši edšie emaṅ le̱ ke̱-dše kpo tamo̱ tōi, ni ekplaame̱ ke-nyie ṅã le̱ no̱ tamo̱ tōiku, [549]

⁵³ni ewaame̱ ſeſēſe ni ame̱šee gbeyei; ši ame̱henye̱lo̱i le̱, ṅšo̱ ha ame̱no̱. [550]

⁵⁴Ni eke̱ame̱ ba ešihĩle̱he kroṅkroṅ le̱ hũsũi le̱ amli, ke̱-ba goṅ ne̱ ni enine-dšũrõ be le̱ be, [551]

⁵⁵ni eſie dšeṅmãdši le̱ ye̱ ame̱hĩe, ni eke̱ ošiki dša mli ehãame̱ ye̱ susumo̱kpã nā, ni ehã Israel akutšei le̱ hĩ nomei abui le̱ amli.

⁵⁶Ši kẽle̱ ame̱ka Nyoṅmo̱ Ṅweinyo le̱ ni ame̱tše ehĩe atũa, ni edasei le̱ hũ ame̱-yee no̱,

⁵⁷ni ame̱kũ ame̱se̱ ni ame̱ye kūtũmpo̱o tamo̱ ame̱tše̱mei le̱, ame̱tšṍmo̱ afã *tamo̱ gãi gbonyo ko. [552]

⁵⁸Edšake̱ ame̱ke̱ ame̱hei groṅṅi le̱ wo emli la, ni ame̱ke̱ ame̱mãgãi le̱ hã eye awuṅā. [553]

⁵⁹Beni Nyoṅmo̱ nu ene̱ le̱, emli wo la, ni enyãṅe Israel kwrakwra.

⁶⁰Nohewo̱ le̱ ekwa Šilo šihĩle̱he le̱, bū hũ ní eši ye̱ gbomei ateṅ le, [554]

⁶¹ni eṅõ ehewale̱ le̱ ewo nom mli, ni etu enumnyam le̱ ewo hetšẽlo̱ deṅ.

⁶²Eṅmē̃ emaṅ le̱ hũ he ehã klante, ni emli wo egbe̱fãṅnõ le̱ la.

⁶³Ame̱blahĩĩ le̱, la šãame̱, ni ame̱blayei le̱ hũ, alaa kpēmo̱-lala ko ahããame̱.

⁶⁴*Ame̱so̱foi le̱ nyõnyõi ye̱ klante nā, ni ame̱kũlafoi le̱ woo yārawō po. [555]

⁶⁵No ni Nuntšo̱ le̱ hīe tšẽ tamo̱ moko ní dše̱ wo̱ mli, tamo̱ kãkãlo̱ ni ke̱ wein bo̱ö̱ oše,

⁶⁶ní etſia ehenye̱lo̱i le̱ ayise̱ nii, nāno̱ ahora po ebo̱ame̱.

⁶⁷Ši ekwa Ioseſ bū le̱, ni ehalaa *Efraim akutšo le̱; [556]

⁶⁸ši ehala Iuda akutšo le̱ moṅ, Zion goṅ le̱ ní esumoo̱ le̱. [557]

⁶⁹Ni emã ehekroṅkroṅ le̱ tamo̱ ṅweikwo̱le̱, tamo̱ šikpoṅ le̱ ní eṅõmã ši ke̱-mīya nāno̱ le̱.

⁷⁰Ni ehala etšũlo̱ David, ni efãle ke̱-dše̱ tõiatsũiaṅ; [558]

⁷¹ekplale̱ ke̱-dše̱ tōi ní hãa fufo̱ le̱ ase̱ ke̱-ba, koni ebalè̱ Iakob ní dši emaṅ le̱ ke̱ Israel ni dši egbe̱fãṅnō le̱. [559]

⁷²Ni elè̱ame̱ ye̱ etšuiṅ emūyeli le̱ nã, ni eke̱ ṅā-nidši tsõame̱ gbe̱.