Read luganda Lalai 80 Bible Online

Lalai 80 - luganda bible

Lalai 80

¹Asaf lala ni ala ni eke̱-hã lalatše̱ nukpa le̱, ni ake̱ *“odaseyeli ofló̱ fo̱fo̱i” gbẽ ala. [566]

²Israel tōkwe̱lo̱, bo toi! Bo ní okplaä Iosef tamo̱ tōiku le̱, bo ní *otá kerubim ano̱ le̱, badše hālãṅṅ! [567]

³Tēmo̱ ohewale̱ le̱ ši ye̱ Efraim ke̱ Benyamin ke̱ Manase hĩe, ni oba obaherewo̱!

⁴Nānyoṅmo̱, oke̱wo̱ ato wo̱tōhe ekoṅ, ni ohã ohĩe akpe̱, ni wo̱yi aná wala! [568]

⁵Iehowa, Zebaot Nyoṅmo̱, mẽ beyino̱ po omlifũ aadše̱le awo omaṅ le̱ so̱lemo̱ ke̱-yaši?

⁶Ohã ame̱ye yāfónui abolo, ni ohã amenu yāfónui babaō. [569]

⁷Ofewo̱ mplešīnõ ohã wo̱hegbomei, ni wo̱henye̱lo̱i le̱ ṅmõo̱wo̱.

⁸Zebaot Nyoṅmo̱, oke̱wo̱ ato wo̱tōhe ekoṅ, ni ohã ohĩe akpe̱, ni wo̱yi aná wala! [570]

⁹Oyafã weintšo ke̱-dše̱ Mizraim ke̱-ba, oſie dšeṅmãdši le̱ ni ote̱ole. [571]

¹⁰Osā mā̃he ohãle̱, ni etšẽrẽ fãi ke̱-te šikpoṅ tō̃, ni ekpẽle šikpoṅ le̱ ne̱.

¹¹Ehō̃ṅ le̱ ha gõdši le̱ ano̱, ni enidši le̱ ha Mawu tšenedrui le̱ ano̱.

¹²Egbla nidši ke̱-yamõ ṅšo̱, ni eni-dši fo̱bii yaše̱ fā le̱ ha tō̃.

¹³Mẽba okũmo̱ ehe afãbaṅi le̱, ní mei fiā ní hoo̱ ye̱ gbe̱ le̱ no̱ le̱ tšere̱o̱le̱ ne̱? [572]

¹⁴Ni kõ le̱ṅ batafo le̱ mīkpãtã hĩe, ni ṅãno̱ koloi le̱ mīye.

¹⁵Zebaot Nyoṅmo̱, wo̱mĩkpao fai, kũ ose̱! Dše̱ ṅwei ogbo ohĩe ši okwe̱, ni obasra ne̱ke̱ weintšo ne̱,

¹⁶ni obu noni oninedšũrõ te̱o le̱ ke̱ bi ní olè̱ ohã ohe le̱ he!

¹⁷Ašãle̱ ke̱ la, afole̱ afõ ši; ohĩe yi-ṅã nā le̱ ame̱hĩe mīkpãtã!

¹⁸Hã onine akã nū ní yo̱ oninedšũrõ no̱ le̱ ke̱ gbomobi ní olè̱ ohã ohe le̱ he!

¹⁹No le̱ wo̱kpaleṅ ke̱-dše̱ṅ ohe; hã wo̱yi aná wala, ni wo̱o̱tšé̱ ogbe̱i le̱.

²⁰Iehowa, Zebaot Nyoṅmo̱, oke̱wo̱ ato wo̱tōhe ekoṅ, hã ohĩe akpe̱, ní woyi aná wala! [573]