Read luganda Lalai 86 Bible Online

Lalai 86 - luganda bible

Lalai 86

¹David So̱lemo̱. Iehowa, gbo otoi ši ni obomi toi; edšake̱ minii ye̱ mo̱bo̱ ni ohĩafo dšimi!

²Bāmo̱ misusuma yi, *edšake̱ Nyoṅmo̱ gbeyeišelo̱ dšimi; bo, mi-Nyoṅmo, heremo̱ otšũlo̱ ní ke̱ ehĩe fõo̱ ono̱ le̱ yiwala! [598]

³Nuntšo̱, nami mo̱bo̱, edšake̱ bo miblo̱ö mitšé̱o̱ dā dšenamo̱! [599]

⁴Hã ní otšũlo̱ susuma anyã́, edšake̱ bo, Nuntšo̱, miwoo misusuma no̱ mihãa.

⁵Edšake̱ bo, Nuntšo̱, ohĩ ni oṅõ-faä mrã, ní omo̱bo̱nale̱ fá hã mei fẽ ní blo̱ö̱ tšé̱o̱o le̱. [600]

⁶Iehowa, femo̱ toi ohã miso̱lemo̱ le̱, ni obo miſaikpamo̱i le̱ agbe toi!

⁷Mihaomo̱ gbĩ no̱ le̱ mablo̱ matšé̱o, edšake̱ ooheremi no̱. [601]

⁸Nuntšo̱, mokomoko be̱ ní tamo̱o ye̱ nyoṅmo̱i le̱ ateṅ, ni asaṅ nokonoko be̱ ní tamo̱ onitšumo̱i le̱. [602]

⁹Dšeṅmãdšimãdši fẽ ní ofe le̱ aaba abadšáo, Nuntšo̱, ni ame̱awo ogbe̱i le̱ hĩe nyam.

¹⁰Edšake̱ oda, ni ofeo̱ nākpe̱nii, bo okometō dši Nyoṅmo̱!

¹¹Iehowa, tšõmo̱mi ogbe̱ le̱, manyie ono̱kwale le̱ mli; femo̱ mitšui ekome, ní maše ogbe̱i le̱ gbeyei! [603]

¹²Nuntšo̱, mi-Nyoṅmo̱ le̱, madšie oyi ke̱ mitšui fẽ, ni mawo ogbe̱i le̱ hĩe nyam ke̱-ate nāno̱.

¹³Edšake̱ omo̱bo̱nale̱ le̱ da kple ye̱ mino̱, ni odšie misusuma ke̱-dše̱ gbohĩĩadše šiši tō̃.

¹⁴Nānyoṅmo̱, hewolo̱i ete ši ewomi, ni yiwalo̱i asafo mītao misusuma se̱gbe̱, ni ame̱ṅõõo ame̱too ame̱hĩe.

¹⁵Ši bo, Nuntšo̱, Mawu mũsũṅtšõlo̱ ke̱ drolo̱ dšio, omli fũũ mrã ni omo̱bo̱nale̱ ke̱ ono̱kwale fá. [604]

¹⁶Tšṍ ohĩe ohãmi, ni onami mo̱bo̱; ṅõ ohewale̱ le̱ ohã otšũlo̱, ni ohere *owe-yō bi le̱ yiwala! [605]

¹⁷Tomi ekpakpa he okadi ko, koni mihenye̱lo̱i le̱ ana, ni ame̱hĩe agboi, ake̱ bo, Iehowa, oye obuami ni oše̱dše mimī.