Read luganda Lalai 88 Bible Online

Lalai 88 - luganda bible

Lalai 88

¹Korabii le̱ alala ní ame̱la ní ame̱ke̱-hã lalatše̱ nukpa le̱, ni ake̱ “ṅko̱mo̱yeli” gbē ala. Heman Esrahinyo le̱ se̱yōmo̱ lala.

²Iehowa, miyiwalaheremo̱ Nyoṅmo̱, miblo̱ö̱ nyōṅ ke̱ ſane ye̱ ohĩe.

³Hã miso̱lemo̱ le̱ aše̱ ohĩe, gbo otoi ši ohã miblo̱mo̱ le̱!

⁴Edšake̱ haomo̱i eyi misusuma obõ, ni miwala mībe̱ṅke̱ gbohĩĩadše.

⁵Abuo̱mi ašio̱ mei ní yaä bu mli le̱ ano̱; mitamo̱ moko ní be̱ hewale̱ doṅṅ.

⁶Aše̱mi afõ gbohĩĩ ateṅ, tamo̱ mei ní enyõnyōi ní kãmo̱ gbonyobuṅ, mei ní okaiiame̱ kwrā doṅṅ, ni aflo̱ame̱ ye̱ odeṅ aſie le̱.

⁷Oṅōmi ofõ bu kwo̱ṅkwo̱ṅ le̱ mli, ye̱ hei ní ewo duṅ le̱, ye̱ ṅšo̱ šiši tō̃.

⁸Omlifũ le̱ kã mino̱ wā, ni ohã *ošo̱kei le fẽ ekũmo̱ eſie mino̱. (Sela.) [607]

⁹Odšie minanemei le̱ ye̱ mihe ke̱-te flōflo, ohã mitšṍ musumo mihãame̱; aṅã́ miyi, ni minyẽẽ kpo madše po. [608]

¹⁰Amanehũlũ ehã mihĩṅme̱i ešiu; Iehowa, miblo̱ö̱ mítše̱o̱o dā dšenamo̱, mikpaa minidši amli mihãao.

¹¹Ani oofe nākpe̱nii otšõ gbohĩĩ? alo sisai aate ši adšie oyi? (Sela.) [609]

¹²Ani aagba omlihĩle̱ le̱ he sane ye̱ gbonyobu mli? alo ono̱kwayeli le̱ hũ ye̱ lādšemo̱bu le̱ mli?

¹³Ani ale onākpe̱nii le̱ ye̱ duṅ le̱ mli? alo odšale̱ le̱ ye̱ hĩeno̱kpamo̱ šikpoṅ le̱ no̱?

¹⁴Ši bo, Iehowa, mīblo̱ö̱ mītšé̱o̱, ni miso̱lemo̱ aaše̱ ohĩe lebi mā̃ṅkpa.

¹⁵Iehowa, mẽba oše̱o̱ misusuma ofõo̱? Mẽba oke̱ ohĩe tēo̱mi?

¹⁶Ke̱-dše̱ migbekẽbiiaši bēbe le̱ minii ye̱ mo̱bo̱ ni mīhe magbo; ohe ṅmiṅmi emõmi, ni midšidšā.

¹⁷Omlifũ ní nā wa esumi, ohe ṅmiṅmi le̱ ekpãtã mihĩe.

¹⁸Ame̱bo̱leo̱mi ke̱-kpeo̱ tamo̱ nu dā dšenamo̱, ame̱fo sá ame̱wo mihe ke̱-kpe.

¹⁹Odšie šientše̱ ke̱ nanyo fẽ ye̱ mi-he ke̱-te flōflo, ni mihegbomei dši duṅ. [610]