Read luganda Lalai 89 Bible Online

Lalai 89 - luganda bible

Lalai 89

¹Etan, Esrahinyo le̱ se̱yōmo̱ lala.

²Mala Iehowa mo̱bo̱nale̱ le̱ he lala ke̱-ate nāno̱, mike̱ minābu aadšadše ono̱kwayeli le̱ matšõ yino̱i fẽ.

³Edšake̱ mikē̱ ake̱: Aatſa mo̱bo̱nale̱ amã ši ke̱-ya nāno̱; oke̱ ono̱kwayeli le̱ aamã ší ye̱ ṅwei tõ.

⁴“Mike̱ moni mihala le̱ ekpãṅ, mi-kã mitšũlo̱ David kitã: [611]

⁵Mahã oseši adamo̱ ke̱-ya nāno̱, ni mahã omaṅtše̱sẽi le̱ amã ši ke̱-ya yino̱i fẽ no̱.” (Sela.)

⁶Ni ṅwei aadšie bo, Iehowa, onākpe̱nii le̱ ayi, ono̱kwayeli le̱ hũ ye̱ mei kroṅkroṅi le̱ asafo le̱ mli.

⁷Ši namo yo̱ atatuiaṅ, ni aanyẽ aṅõ-le̱ ato Iehowa he, ni *nyoṅmo̱i abii le̱ ateṅ le̱ namo tamo̱ Iehowa? [612]

⁸Mawu ní he yo̱ gbeyei ye̱ mei kroṅkroṅi le̱ agwabō̱ le̱ṅ, ni sa ake̱ ašele̱ gbeyei fè mei fẽ ní bo̱le ehe le̱.

⁹Iehowa, Zebaot Nyoṅmo̱, namo dši hewalo̱ tamo̱ bo, Iehowa? Ni ono̱kwayeli le̱ ebo̱leo ke̱-kpe. [613]

¹⁰Bo *oyeo̱ ṅšo̱ grimo̱ no̱; ké̱ emli ṅšokei le̱ te ši le̱, bo odšō̱o̱ ame̱he. [614]

¹¹Bo okũmo̱ *Rahab dukuduku tamo̱ moko ní enyõ; oke̱ ninešĩwale̱ le̱ egbe̱ ohenye̱lo̱i le̱ eſã. [615]

¹²Ṅwei le̱ onõ ni, šikpoṅ le̱ hũ onõ ni; dšeṅ ke̱ emlinii le̱, bo noṅṅ oto šiši. [616]

¹³Bo obo̱ kōyi ke̱ wuoyi; Tabor ke̱ Hermon fẽ, ogbe̱i le̱ mli ame̱nyã́a ye̱.

¹⁴Okõdšiaṅ wa, oninešĩ hũ wa, oninedsũrõ kwo̱ godšō.

¹⁵Dšale̱ ke̱ kodšomo̱ dši omaṅtše̱sẽi le̱ šišitōnii, mo̱bo̱nale̱ ke̱ ano̱kwale nyieo̱ ohĩe. [617]

¹⁶Adšō̱ maṅ ní le te̱tre̱mantre̱ gbē̱mo̱ le̱! Iehowa, ohĩe kpe̱mo̱ le̱ mli ame̱nyieo̱;

¹⁷ogbe̱i le̱ṅ ame̱mli flio̱ame̱ ye̱ dā dšenamo̱, ni odšale̱ le̱ hewo̱ abuo̱ame̱.

¹⁸Edšake̱ bo dši ame̱hewale̱ le̱ nyam, ni odromo̱ le̱ oke̱-wóo̱ wo̱klonto le̱ no̱.

¹⁹Edšake̱ *wo̱tše̱ṅ le̱, Iehowa nõ ni, ni wo̱maṅtše̱ le̱, Israel Mokroṅkroṅ le̱ nõ ni. [618]

²⁰Gbĩko le̱ oke̱ omei kroṅkroṅi le̱ wie ye̱ ninā mli ni oké̱: “Mike̱ yeli-ke̱-buamo̱ ehã kãkãlo̱ ko, mihala oblanyo ko ke-dše mã le̱ṅ ni miwo eno̱; [619]

²¹mina mitšũlo̱ David, mike̱ mimũ kroṅkroṅ le̱ efo̱le̱. [620]

²²Minine aahã efī ši, mikõṅ hũ aawo-le̱ hewale̱.

²³Henye̱lo̱ ko yeṅle̱ amim, ni musubi ko hũ waṅle̱ yi.

²⁴Ni mabutu mei ní he tšẽo̱le̱ le̱ ye̱ ehĩe, ni mei ní nye̱o̱le̱ le̱, matſiaame̱ nii.

²⁵Ni mino̱kwayeli ke̱ mimo̱bo̱nale̱ le̱ ke̱le̱ aahĩ ši, ni migbe̱i le̱ṅ aawó *eklonto le̱ no̱ ye̱. [621]

²⁶Ni mike̱ enine aaṅmẽ ṅšo̱ le̱ no̱, ni mike̱ eninedsũrõ aaṅmẽ fāi le̱ ano̱. [622]

²⁷Eeho etšé̱mi ake̱: Bo dši mitše̱, mi-Mawu ke̱ miyiwalaheremo̱ te̱sā! [623]

²⁸Mi hũ mike̱le̱ aafe mikromo̱bi, ke̱ šikpoṅ le̱ no̱ maṅtše̱mei le̱ ateṅ agbo.

²⁹Mahã mimo̱bo̱nale̱ le̱ ahĩ ši ahãle̱ ke̱-ya nāno̱, ni mikpãṅmo̱ ní mike̱le̱ ekpãṅ le̱ aamã ši šiṅṅ. [624]

³⁰Mahã eseši ahĩ ši dā, ni emaṅtše̱sẽi le̱ aatše̱ tamo̱ ṅwei gbĩĩ.

³¹Ke̱dši ebii le̱ kwa mimla le̱ ni ame̱nyiee mikodšomoi le̱ amli le̱,

³²ke̱dši ame̱bule mikpoi le̱ hũ, ni ame̱yee mikitãi le̱ ano̱ le̱:

³³no le̱ mike̱ tšo aabasra ame̱notõmo le̱, ni mayiame̱ ke̱ kpãi ye̱ ame̱nõša le̱ hewo̱.

³⁴Ši kẽle̱ midšìeṅ mimo̱bo̱nale̱ le̱ ke̱-dše̱ṅ ehe kwrakwra, ni mihãṅ mino̱kwayeli le̱ se̱ afo.

³⁵Mibuleṅ mikpãṅmo̱ le̱, ni mitšakeṅ noni edše minā le̱.

³⁶Mike̱ mikroṅkroṅfemo̱ le̱ ekã nõ kome he kĩtã; mitšakeṅ milile̱i mihãn David:

³⁷Eseši le̱ aahĩ ši dā, ní emaṅtše̱sẽi le̱ hũ aatamo̱ hũlũ ye̱ mihīe; [625]

³⁸eemã ši dā tamo̱ nyoṅtšĕre, ni eye ano̱kwa tamo̱ odasefonyo ni *yo̱ atatuiaṅ le̱!” (Sela.) [626]

³⁹Ni bo le̱ oše̱ moni ofo̱le̱ mũ le̱ ofõ ni onyãṅele̱, ní omli efũle̱. [627]

⁴⁰Onyãṅe otšũlo̱ le̱ kpãṅmo̱ le̱, obule ekekre le̱ ni oše̱ ofõ šikpoṅ.

⁴¹Okũmo̱ efãbaṅi le̱ fẽ oſie ši, ohã emõdšĩ le̱ efe koikoi.

⁴²Mei fẽ ní hoo̱ ye̱ gbe̱ le̱ no̱ le̱ *haäle̱; etšṍ ahorabō̱ ehã ehegbomei le̱. [628]

⁴³Owó ehetšẽlo̱i le̱ aninedšũrõ no̱, ohã ehenye̱lo̱i le̱ fẽ enyã́.

⁴⁴Osā otšṍ eklante le̱ nā, ni ohãã enyẽ ši edamo̱ ye̱ ta nā.

⁴⁵Ohã ekpe̱mo̱ le̱ se̱ efo, ni oṅõ emaṅtše̱sẽi le̱ otſa šikpoṅ.

⁴⁶Ofo eblahīaṅ gbĩĩ le̱ ano̱ kuku, ohã hĩegbẽle elõle̱. (Sela.)

⁴⁷Iehowa, mẽ beyino̱ ooṅõ ohe otē kwrā, ni omlifũ le̱ aatšo tamo̱ la ke̱-yaši? [629]

⁴⁸Kaimo̱ ake̱ miwalabe le̱ *še̱e̱ noko; mẽba obo gbomei abii fẽ yakatſā ne̱? [630]

⁴⁹Nẽ gbomo yo̱ dšeṅ, ni le̱ le̱ enaṅ gbēle, ni eenyẽ esusuma edšie ke̱-dše̱ gbohĩĩadše deṅ? (Sela.)

⁵⁰Nuntšo̱, nẽgbe̱ *osá mo̱bo̱nale̱i le̱ yo̱, nii ní okāmo̱ he kitãi otšõ David ye̱ ono̱kwayeli le̱ṅ le̱? [631]

⁵¹Nuntšo̱, kaimo̱ ahora ní abo̱ö̱ otšũdši le̱, bo̱ni mãdši pī ahorabō̱ dſere mimīnā,

⁵²ahora ni ohenye̱lo̱i le̱ bo̱ö̱ le̱, Iehowa, ahora ni ame̱bo̱ö̱ moni ofo̱le̱ mũ le̱ nãdšifā-mo̱i le̱!

⁵³Yidšiemo̱ ahã Iehowa ke̱-ya nāno̱! Amen, Amen. [632]