Read luganda Lalai 92 Bible Online

Lalai 92 - luganda bible

Lalai 92

¹Lala ni alaä ye̱ hedšō̱mo̱gbĩ le̱ no̱.

²Ehĩ ake̱ ada Iehowa ši, ni ala adšie, bo Ṅweinyo le̱, ogbe̱i le yi, [643]

³ní agba omlihĩle̱ le̱ he sane lebi ke̱ ono̱kwayeli le̱ he sane nyōṅ,

⁴*ke̱ kpãinyoṅmanō ke̱ saṅkũ ke̱ obenta gbē ní dšidšeo̱. [644]

⁵Edšake̱ bo, Iehowa, ohã mimī eše̱ mihe ye̱ onifemo̱nii le̱ ahewo̱, ni mimli eflimi ye̱ oninenā nitšumo̱i le̱ ahewo̱.

⁶Iehowa, kwe̱ bo̱ni onitšumo̱i le̱ dăra hã! Ni odſẽṅmo̱i le̱ amli kwō̱lo̱ naakpa. [645]

⁷Nū kolo ko lee ene̱, ni kwašia hũ enaa ene̱ šiši.

⁸Ké̱ meifõdši mĩfũ gblõgblō tamo̱ dſe̱i, ni mei ní tšuo̱ nišaianii le̱ mīfro̱ke le̱, afe koni akpãtã ame̱hĩe kwrakwra. [646]

⁹Ši bo, Iehowa le̱, awó ono̱ godšō ke̱-mīya nāno̱! [647]

¹⁰Ši na, Iehowa, ohenye̱lo̱i le̱, ši na, ohenye̱lo̱i le̱ ahĩe bakpãtã, mei fẽ ni tšuo̱ nišaianii le̱ aagbe̱ame̱ aſã.

¹¹Ši owó mikóṅ le̱ no̱ tamo̱ wuokòṅ, *afo̱se mũ ṅmōṅ tō̃ aſie mino̱. [648]

¹²Ni mihĩṅme̱i ena noni mitaoo̱ ye̱ mihenye̱lo̱i le̱ ahe le̱, mitoii enu noni mitaoo̱ ye̱ efõṅfelo̱i ní te ši womi le̱ ahe le. [649]

¹³Dšalo̱ le̱ aafro̱ke tamo̱ tẽṅ; eeda tamo̱ Lebanon tšenedru. [650]

¹⁴Mei ni ate̱oame̱ ye̱ Iehowa we le̱, ameafro̱ke ye̱ wo-Nyoṅmo̱ le̱ kpoi le ano̱. [651]

¹⁵Ame̱akã he *ame̱wo yibii ye̱ gbo̱le̱ mli tete, ame̱mli aahĩ nu ni ame̱ahĩ frõfrõ, [652]

¹⁶ni ame̱dšadše ame̱tšõ ake̱ Iehowa dša, le̱ dši mite̱sā, ni noko ní edšaa be̱ emli. [653]