Read luganda Abe̱i 1 Bible Online

Abe̱i 1 - luganda bible

Abe̱i 1

¹Israel maṅtše̱ Salomo, David bi le̱, abe̱i ne̱: [1]

²Ni ake̱-le nii ke̱ tšo̱semo̱, ní ake̱-nu wiemoi ní dſẽṅmo̱ yo̱ mli ašiši;

³ní ake̱-ná tšo̱semo̱ ní tšõo̱ mo nilē, ke̱ dšale̱ ke̱ kodšomo̱ ke̱ noni dša gbe̱;

⁴ní ake̱-tšõ mei ní níko dſẽṅmo̱ le̱ ahĩetē̃, ke̱ oblanyo hũ nilē ke̱ dſẽṅmo̱;

⁵ní nilelo̱ anu ni eſere ye̱ nikasemo̱ gbe̱fãṅ, ní moni yo̱ dſẽṅmo̱ hũ aná ṅā-wō kpakpa,

⁶ni eke̱-nu abe̱ ke̱ wiemo̱i ni šišinumo̱ dšraä, nilelo̱i awĩemo̱i ke̱ ame̱be̱buai ašiši.

⁷*Iehowa gbeyeišemo̱ dši nilẽ šišidšē; ši kwašiai gbeo̱ nilẽ ke̱ tšo̱semo̱ he guo̱. [2]

⁸Mibi, bo otše̱ tšo̱semo̱ le̱ toi, ni kāše̱ onye mla le̱ ofõ! [3]

⁹Edšake̱ nomei dši anumnyam akekre hã oyitšo ke̱ kõsõṅkõsõ hã okue̱. [4]

¹⁰Mibi, kē̱ ešafelo̱i mīlakao le̱, kākplẽ!

¹¹Ké̱ ame̱kē̱: Ba, wo̱te ní wo̱yawo lá ante̱o ní wo̱yawo moni efeko noko ká yakatſā;

¹²hā wo̱mī̃ame̱ hĩekãlo̱i tamo gbohĩĩadše, mei ni eye emū le̱ hũ tamo̱ mei ní kplekeo̱ ši ke̱-yaä bu mli;

¹³wo̱o̱ná nibii ní dšra wa sro̱toi fẽ, wo̱ke̱ hānii aawo wo̱šĩai obõbõ;

¹⁴oke̱ ohe abo̱ wo̱he; wo̱fẽ wo̱o̱hĩe kotoku kome:

¹⁵Mibi, oke̱ame̱ akanyie gbe̱ le̱ no̱; ko̱ onane ke̱-dše̱ ame̱tempōṅ le̱ no̱!

¹⁶Edšake̱ ame̱nãdši šaä foi ke̱-yaä efõṅfemo̱ mli, ni ame̱he feo oyá ke̱ lášiſiemo̱.

¹⁷Edšake̱ yakatſā po ake̱ yā lē̱o̱ ši ye̱ lofōdši ahĩe.

¹⁸Ši ame̱ le̱, ame̱dientše̱ ame̱lá ante̱o ame̱woo̱, ame̱mīwo ame̱susumai hũ ká.

¹⁹Bo̱ni hĩedšōlo̱i fẽ anā yakpa ne̱, noni ame̱dio̱ se̱ le̱ noṅṅ ṅõo̱ ame̱wala ke̱-yaã.

²⁰Nilẽ blo̱ō̱ ye̱ blohũiaṅ, ewoo egbẽ ye̱ dšadši ano̱;

²¹eblo̱ö̱ ye̱ hei ní efe hō; ewieo̱ ewiemo̱i le̱ ye̱ agboi le̱ anā, ye̱ mã le̱ṅ: [5]

²²Nye mei ni nyenako dſẽṅmo̱, mẽ beyino noṅṅ nyeasnmo̱ kwašiafemo̱? ni hefe̱oyelo̱i aaná hefe̱oyeli he mīše̱, ni kwašiai aanye̱ nĩlē ke̱-yaši?

²³Nyetšṍmo̱a nyehe nyehãa mikāmo̱ le̱! Na, mafo̱se mimumo̱ le̱ mahãnye, ma-hã nyele miwiemo̱i le̱ hũ!

²⁴Ake̱-ni mitšé̱, ni nyekwa, mikpã minidši amli, ni mokomoko efoo mli, [6]

²⁵ši nyeše̱ miṅãwō le̱ fẽ nyefẽ, ni mikāmo̱ le̱ hũ nyebuu,

²⁶hewo̱ le̱ mi hũ, nyemanehũlũ le̱ mli le̱ maṅmō, kē̱ nyekpokpomo̱ miba le̱, maye nyehe fe̱o, [7]

²⁷ké̱ nyehekpokpomo̱ le̱ miba tamo̱ ahum, ni nyemanehũlũ le̱ mīte ši tamo̱ lasũogbĕle, ni fĩmo̱ ke̱ tšuĩyeli miba nyeno̱ le̱.

²⁸No mli le̱ ame̱atšé̱mi, ši mihereṅ no̱; ame̱atao mise̱gbe̱ mrã mli, ši ame̱-naṅmi. [8]

²⁹Edšake̱ amenye̱ nilē, ni ame̱ko̱o̱ Iehowa šemo̱ le̱;

³⁰ame̱sumo̱o̱ miṅāwõ le̱ eko eko, ame̱-gbe mikāmo̱ le̱ fẽ he guo̱;

³¹hewo̱ le̱ ame̱aye ame̱gbe̱ le̱ mli yibii, ni ame̱atŏ̱ro ke̱ ame̱ṅāi ni ame̱totoi le̱. [9]

³²Edšake̱ noni mei ni náko dſẽnmo̱ le̱ kpaleo̱ ke̱-yaä he le̱ noṅṅ aagbeame̱, ni dſẽṅmo̱ ní kwašiai dſẽṅo̱ ake̱ ame̱ye̱ ſeſēſe le̱ aakpãtã ame̱hĩe. [10]

³³Ši moni boo̱mi toi le̱ aahĩ ši ſeſēſe, ni ehe aadšole ni efõṅ gbeyeišemo be̱ṅ. [11]