Read luganda Abe̱i 12 Bible Online

Abe̱i 12 - luganda bible

Abe̱i 12

¹Moni sumoo̱ tšo̱semo̱ le̱, esumoo̱ nilē; ši moni nye̱o̱ kãmo̱ le̱, koloṅ. [110]

²Gbomo kpakpa hĩe aaba nyam ye̱ Iehowa hĩe; ši moni too̱ ṅā fõṅ le̱, eebule̱ fo̱.

³Efõṅfemo̱ hãṅ mo afĩ ši; ši dšalo̱i ašišifã le̱ afãṅ gbĩkogbĩko. [111]

⁴*Yō kpakpa le̱, ewù akekre dšile̱; ši yō fõṅ le̱, ewuian šăramo̱ ni. [112]

⁵Dšalo̱i adſẽṅmo̱i dša; ši meifõdši aṅāwōi le̱, kũtũmpo̱o ni. [113]

⁶Meifõdši awiemo̱i woo̱ lá ante̱o; ši dšalo̱i anābu aaſã amehe.

⁷Abutuo̱ meifõdši, ni ame̱be̱; ši dšalo̱i awe le̱ aamã ši šiṅṅ. [114]

⁸Gbomo nilē nā adšieo̱ eyi; ši moni hĩe kũtũmpo̱o tšui le̱, aagbe ehe guo̱.

⁹Moni abuule̱ ní ehùo̱ ehãa ehe le̱ ehĩ fè moni woo̱ le̱dientše̱ ehĩe nyam ni ebe̱ abolo.

¹⁰Dšalo̱ nuo̱ he hãa ešĩa kolo tete; ši meifõdši amũsũṅtšõle̱ tete le̱, yiwã ni. [115]

¹¹Moni hũo̱ ešikpoṅ le̱, eeto̱ ke̱ abolo; ši moni nyieo̱ yakanii ase̱ le̱, ebe yitšoṅ. [116]

¹²Mofõṅ dio̱ efõṅfelo̱i ayā mlinii le̱ se̱; ši dšalo̱i ašišifã le̱ woo yibii. [117]

¹³Nākpamo̱ dši tšõne ni ake̱-dũo̱ mofõṅ; ši dšalo̱ aadše haomo̱ mli.

¹⁴Gbomo dāṅ yibii aahã eto̱ ke̱ nii kpakpai, ni *gbomo ninenā nitšumo̱i ake-awole̱ nyõmo̱. [118]

¹⁵Bulu yo̱ ne̱, egbe̱ dša ye̱ ehĩe; ši moni dši nilelo̱ le̱, eboo̱ ṅāwō toi.

¹⁶Bulu yo̱ ne̱, anaä emlifũ oyá; ši hĩetẽlo̱ ke̱ hĩegbẽle tēo̱.

¹⁷Moni wieo̱ ano̱kwale faṅṅ le̱, edšieo̱ dšale̱ kpo; ši amale odasefonyo dšieo̱ šišiumo̱ kpo.

¹⁸Moko ye̱ ní wieo̱ bambam, tamo̱ adũmoo̱ klante; ši nilelo̱ lile̱i tšáa mo. [119]

¹⁹Ano̱kwa nābu aadamo̱ ši šiṅṅ ke̱-ate nāno̱; ši apasa lile̱i le̱, hĩṅme̱itſā ke̱ke̱ ehĩo̱ ši.

²⁰Mei ní too̱ ṅã fõṅ le̱, šišiumo̱ ye̱ ametšuiṅ; ši hedšo̱le̱ he ṅāwolo̱i le̱ aaná mīše̱.

²¹Musu ko musu ko yeṅ dšalo̱; ši meifõdši le̱, efõṅ aayimo̱ame̱ to̱.

²²*Apasa nābu le̱, Iehowa mīhĩ; ši mei ní yeo̱ ano̱kwa le̱, enáa ame̱he mīše̱. [120]

²³Hĩetẽlo̱ ke̱ nilē tēo̱; ši kwašiai atšui šie̱o̱ kwašiafemo̱. [121]

²⁴Mo̱deṅbo̱lo̱i anine aaye onukpa; ši hedsõlo̱ le̱, aatsũle̱ onĩa. [122]

²⁵Gbomo tšui mli ṅko̱mo̱yeli hãa edo̱ö̱ komō̱; ši *wiemo̱ kpakpa hãa emī še̱o̱ ehe. [123]

²⁶Dšalo̱ tšõo̱ enanyo gbe̱; ši meifõdši agbe̱ le̱ hãa ame̱dũo̱ gbe̱.

²⁷Anihaolo̱ le̱ nine še̱ṅ emĩle̱lo le̱ no̱; ši mo̱deṅbō̱ le̱, gbomei anoko ní dšra wa ni. [124]

²⁸Wala yo̱ dšale̱ gbe̱ le̱ no̱, ni gbĕle be̱ etempõṅ le̱ no̱