Read luganda Abe̱i 14 Bible Online

Abe̱i 14 - luganda bible

Abe̱i 14

¹Yei anilē mãa sĩa; ši bulu le̱, eke̱ enidši kũmoo̱ ſieo̱ ši.

²Moni šeo̱ Iehowa gbeyei le̱, enyieo̱ ye̱ dšale̱ mli; ši moni gbeo̱ ehe guo̱ le̱, egbe̱i ekõdõ.

³Bulu dāṅ ehewõ le̱ he tšo yo̱; ši nilelo̱i anābu bāa ame̱yi.

⁴Heni tšinai be̱ le̱, ame̱niyeniianõ le̱ mli kãa eflo; ši nibānii babaō ye̱ tšinanū hewale̱ mli.

⁵Odasefonyo ano̱kwafo le̱ emalee; ši apasa odasefonyo le̱, malemo̱ emaleo̱.

⁶Hefe̱oyelo̱ taoo̱ nilē, ši enáá; ši moni ko̱ö̱ sane se̱ le̱, nilē waa hããle̱.

⁷Dše nū kwašia hĩe; edšake̱ onaṅ nilē ye̱ edāṅ.

⁸Hĩetẽlo̱ nilē dši ake̱ eyo egbe̱ le̱; ši kwašiai abulufemo̱ dši šišiumo̱.

⁹Bulu ṅmõo̱ sõ-afo̱le; ši dšalo̱i le̱, hedšo̱le̱ ye̱ ame̱teṅ.

¹⁰Tšui le le̱dientše̱ enidō̱nii, ni emīše̱ hũ, mokomoko ke̱ ehe woo mli.

¹¹*Meifõdši awe aabutu; ši †dšalo̱i abū le̱ aafro̱ke. [138]

¹²Gbe̱ ko ye̱ ní dša ye̱ gbomo hĩe; ši enāgbē le̱ gbĕle gbè̱i ni.

¹³Ṅmlõ mli tete tšui w̌ere̱ hoo̱ ehe, ni mīše̱ nāgbē dši tšuiyeli.

¹⁴Moni kpaleo̱ ye̱ etšui mli le̱, le̱dientše̱ egbē̱i le̱ aaše̱ enā; ši gbomo kpakpa le̱, emī aaše̱ ehe ye̱ le̱dientše̱ emli.

¹⁵Moni náko dſẽṅmo̱ le̱, eheo̱ wiemo̱-fẽ-wiemo̱ eyeo̱; ši hĩetẽlo̱ leo̱ enanenā kwe̱mo̱.

¹⁶Nilelo̱ šeo̱ ehe gbeyei, ni edšeo̱ efõṅ he; ši kwašia feo̱ kãkãmpũ ni eke̱ ehĩe fõo̱ ehe no̱.

¹⁷Moni mli etše̱e̱ fũmo̱ le̱, eyeo̱ kwašiai asane, ni moni tšõ̀o̱ ṅāi fõdši le̱, anye̱o̱le̱.

¹⁸Mei ní náko dſẽṅmo̱ le̱ agbošinii dši bulufemo̱; ši *hĩetẽlo̱i le̱, ake̱ nilē fĩo̱ame̱ akekre. [139]

¹⁹Meifõdši kotoo̱ meikpakpai, ni efõṅfelo̱i kotoo̱ ši ye̱ dšalo̱i agboi anā.

²⁰*Ohĩafo le̱, enanyo tete nye̱o̱le̱; ši niiatše̱ le̱, esuoloi fá. [140]

²¹Moni gbeo̱ enanyo he guo̱ le̱, ēfe eša; ši moni naã amanenalo̱i amo̱bo̱ le̱, *adšō̱le̱. [141]

²²Ani mei ní tšõ̀o̱ ṅā fõṅ le̱, dšee tõ ame̱tõo̱ le̱? ši mei ní tšõ̀o̱ ṅā kpakpa le̱ anõ dši mo̱bo̱nale̱ ke̱ ano̱kwale.

²³Deṅmegbomo̱ fẽ le̱ se̱námo̱ ye̱ mli; ši nābu flo wiemo̱ le̱, ohĩa ke̱ke̱ yo̱ mli. [142]

²⁴Nilelo̱i anii le̱, ame̱kekre ni; ši kwašiai abulufemo̱ le̱, bulufemo̱ noṅṅ ni.

²⁵Ano̱kwa odasefonyo hereo̱ susumai ayiwala; ši kũtũmpo̱fo le̱, amale sane etãa. [143]

²⁶Hĩeno̱kãmo̱ ní mli wa ye̱ Iehowa gbeyeišemo̱ mli, ni moni yo̱ no le̱, ebĩĩ aaná abobãhe. [144]

²⁷Iehowa gbeyeišemo̱ le̱, wala nubu ni ake̱-dšeo̱ gbĕle tšõnei amli ni. [145]

²⁸Maṅ yifale̱ dši maṅtše̱ anumnyam, ši maṅ yitãle̱ le̱, lumo hĩekpãtãmo̱ ni.

²⁹Moni mli fũũ mrā le̱, eye̱ dſẽṅmo̱ dšogbāṅ; ši moni tšui yo̱ flòflò le̱, edšieo̱ bulufemo̱ kpo. [146]

³⁰Tšui ní mli dšo̱ le̱, gbomotšo le̱ yiwala ni; ši awuṅāyeli le̱, *wuiaṅ šăramo̱ ni. [147]

³¹Monĩ waä *ohĩafo yi le̱, ēbo̱ efelo̱ le̱ ahora; ši †moni naä moni efĩle̱ mo̱bo̱ le̱, ēwo ehĩe nyam. [148]

³²Ké̱ amanehũlũ ba mofõṅ no̱ le̱, adšieo̱le̱ atſaä šĩ; ši dšalo̱ náa tšui ye̱ egbĕle mli tete.

³³Moni ko̱ö̱ sane se̱ le̱, nilē hĩo̱ etsui mli; ši kwašiai dšieo̱ noni yo̱ ame̱mli le̱ kpo.

³⁴Dšale̱ wóo̱ maṅ no̱; ši eša le̱, maṅ ahorabō̱ ni.

³⁵*Tšũlo̱ nilelo̱ le̱, maṅtše̱ hĩe so̱ö̱le̱; ši moni feo̱ hĩegbedšianii le̱, emli fũole̱. [149]