Read luganda Abe̱i 16 Bible Online

Abe̱i 16 - luganda bible

Abe̱i 16

¹Tšui mli gbe̱dšiano̱tōi le̱, ádesã nõ ni; ši lile̱i hetō le̱, Iehowa ṅõ dše̱o̱.

²Gbomo gbè̱i fẽ he tše ye̱ ehĩe; ši Iehowa dši moni ṅmēo̱ mumo̱i ekwe̱o̱. [170]

³Tu onitšumo̱i le̱ owo Iehowa deṅ, ni odſẽṅmo̱i le̱ aadamo̱ ši šiṅṅ. [171]

⁴Nofẽno ní Iehowa fe le̱, ye̱ nõ hewo̱ ní efe, efe mofõṅ tete ehã gbĩ fõṅ le̱.

⁵Iehowa mīhĩ mofẽmo ní woo̱ ehe ye̱ etšui mli: *ké̱ ata abasa ye̱ no̱ po, eyeṅ ehe! [172]

⁶Mo̱bo̱nale̱ ke̱ ano̱kwale ake̱-kplaä nõša, ni Iehowa gbeyeišemo̱ hãa mo dšeo̱ efõṅ he.

⁷Ke̱dši gbomo gbè̱i sa Iehowa hĩe le, ehãa ehenye̱lo̱i tete ke̱le̱ kpãtãa. [173]

⁸Fãṅ nii fiō ní aná ye̱ dšale̱ nā fè nii babaō ní aná ye̱ amimyeli nā. [174]

⁹Gbomo tšui too̱ egbè̱i ahe ṅã; ši Iehowa dši moni kudo̱ö̱ enanefãmo̱i le̱. [175]

¹⁰Maṅtše̱ dāṅ wiemo̱ tamo̱ klamo̱; kodšomo̱ mli hũ enā tõõ.

¹¹Nsẽni ke̱ nsẽnite̱ ní dša le̱, Iehowa nii ni; fotro mli te̱i fẽ le̱, enitšumo̱ ni. [176]

¹²Noni maṅtse̱mei hĩo̱ dši efõṅfemo̱; edšake̱ *dšale̱ hãa sẽi mãa ši šiṅṅ. [177]

¹³Dšale̱ nābu le̱, maṅtše̱mei náa he tšui; ni ame̱sumoo̱ moni wieo̱ dšale̱ wiemo̱.

¹⁴Maṅtše̱ mlifũ tamo gbĕle bo̱foi; ši nilelo̱ kpãtãalo̱. [178]

¹⁵Maṅtše̱ hĩe ní etšeo̱ ehãa mo le̱ mli wala yo̱, ni emohe-tšuinámo̱ tamo̱ gbo oblo̱tu. [179]

¹⁶Ké̱ oná nilē le̱, ehĩ āhũ fè šika, ni ké̱ oná sanese̱ko̱mo̱ le̱, ehĩ fè dſie̱te̱i! [180]

¹⁷Dšalo̱i agbe̱dšegbe̱ dši efõṅ he dšē, ni moni hĩe kã egbe̱ he le̱, ēbā esusuma yi.

¹⁸Hewō nyieo̱ hĩekpãtãmo̱ hĩe, ni hetšṍmo̱ mumo̱ nyieo̱ šigbēmo̱ hĩe. [181]

¹⁹Ehĩ ake̱ ake̱ hũmii aba he ši fè noni ake̱ hewolo̱i aadša nomṅõnii amli.

²⁰Moni dſẽṅo̱ wiemo le̱ no̱ le̱, aahĩ ahãle̱; ni moni ke̱ ehĩe fõo̱ Iehowa no̱ le̱, adšō̱le̱!

²¹Moni le nii ye̱ etsui mli le̱, aatšé̱le̱ hĩetẽlo̱, ni nāṅõmo̱ hãa nikasemo̱ ſereo̱.

²²*Sanese̱ko̱mo̱ dši wala nubu hã moni yo̱ eko le̱; ši bului atoigblamo̱ dši ame̱bulufemo̱. [182]

²³Nilelo̱ tšui tšõo̱ edā nii, ni ehãa enabu nitšõmo̱ le̱ fáa.

²⁴Nādšo̱le̱ wiemoi tamo wò-agbaku, ame̱ṅõ susuma nā, ni ame̱hãa wui náa hewale̱. [183]

²⁵Gbe̱ ko ye̱ ní dša ye̱ gbomo hĩe, ši enāgbë le̱, gbĕle gbè̱i ni. [184]

²⁶Nitšulo̱ le̱ hõmo̱ ní yeo̱le̱ le̱ waäle̱ ke̱-tšuo̱ nii, edšake̱ edā tšire̱o̱ eyise̱.

²⁷Yakagbomo tšaä efõṅ, ni enābu tamo̱ la ní šãa mo.

²⁸Kũtũmpo̱fo gbe̱o̱ béi eſãa, ni able̱bi-wielo̱ tsere̱o̱ šientse̱mei ateṅ. [185]

²⁹Nū amimlo̱ lakaä ehegbomo, ni ekplaäle̱ ke̱-yaä gbe̱ ní ehĩĩ no̱. [186]

³⁰Moni mĩaä ehĩṅme̱ii le̱, etoo̱ nii fõdši ahe ṅā; moni kõo̱ enā ablafa le̱, ehãa efõṅ baä mli. [187]

³¹Waṅ le̱, anumnyam akekre ni, ké̱ anale̱ ye̱ dšale̱ gbe̱ no̱ le̱. [188]

³²Moni mli fũũ mrā le̱ ehĩ fè ekãlo̱, ni moni yeo̱ emumo̱ no̱ le̱ ehĩ fè moni wuo̱ heo̱ maṅ. [189]

³³Ošiki le̱, ſuo̱ no̱ afõo̱ ye̱; ši bo̱ni enā aayakpa fẽ le̱, Iehowa ṅõ edše̱o̱.